Biblia Todo Logo
Bìoball air-loidhne

- Sanasan -




Jeremaia 10:18 - Godigo dwagi yai po buku

18 Magi baso meni. Genuai Bidigo te tiwai po wali, “Te sogo eno dage Juda tǫ we bidi gasaba sela sąwaibao, bidigo te masigi du te kukulu tede belama, te hogolama, tama sąbo tiwai yaibao. Te eno genuai sęgę dageba menama, te dage dene mu ebaso, gę mu naibao.”

Faic an caibideil Dèan lethbhreac




Jeremaia 10:18
11 Iomraidhean Croise  

Nago homugo nage bomai bidi dao homu ebawe? Mu menio. Genuai Bidigo nage tola selama, gosegelama, miminama, tama dwasianu kiki tiwai yaibao. Tama agai nage tǫ me genuai digibulu me elalubo madi digibulu mu sąwaibao. Tama nage te bulude isaibao. Tama nago te tagalobo sawi yai karis tagalaibao. Nage da, te tuni bidigo sę ebo bidi dao, tiali goli nago tuni bidigo haniba nago hale sela asobo bidi dao.


Tama tialima, eno dage e tǫ kantride ela gudulama, te dage gasa tǫ kantriba bidigi paibao, te tǫ kantri te dagego me duga wąį nǫų dabego polobadu me konesiąwai. Tama te gasa tǫ kantride eno te wiegi yai olo mu tau sabo kolesaga dageba me egobeo. Tama te giligade me hulide te dagego gasa god dabeba lotu udaibao,’” te po wai dao.


Eno te nage naga ida dali selama, te dage si gasa tǫ kantriba sąwaibao. Te tǫ kantri te dage sigo page bulu mu meni ebadi, tialima, dage si tede bididubadi, te dage si isiboba usu naibao.


“Genuai Bidigo haliga sębę elaludu, te agai homude yaibao wali tigidali sę ela siliyu, usu naibao. Te bodolu muani sogo asobo side, dage we bidigo te sę dabe page bugagia koneaibao,” wali.


Tama augwa te tiwai tama koneagasu, ena digi ena augwa Genuai Bidi bidibadi konesiąma iduai yabo po waibao. Tama augwa te tiwai koneama, eno megi e wabo bomai po, te olo po me ola tagalu wabe da homu yaibao,” te po walio.


Genuai Bidigo e tama po wali, “Te tǫde we bidi dabego ena Genuai Bidi dali dwai sę yalio. Tama tibaso, eno haniani dwai dene augwalide pedelemainu ilama, tama augwali te gedu widai bidi dabego sunumi gege bilibo tiwai bilaibao, tiali goli te wi pabo tų menio. Tama augwaligo kaneme te wę tiwai gelama, tama augwali isaibao. Tama augwaligo tigi dabe te tǫde te yowi di danamu pabo tiwai damuaibao,” Genuai Bidigo te po wai.


Tiali goli eno po te profet sibi dabego pedauwalidu eno pedelaibao wali te sę dabe duga wąį dabeba polo pedelai dao. Augwaligo eno augwalibolo mani te po wali pai menio. Tama tialigo augwali te dolali dao. Tama nosali augwali homu begelama augwaligo e tama po wai dao, ‘God, Tigidali Bomo Elalubo Genuai Bidi, agai dabolo wali gilama tama agai dabolo dene mawai dao. Te dena dagede tama dao,’ augwaligo te po wali,” God Genuai Bidigo te po wai.


Tama augwaligo hwįnama, tama augwaligo dagego Genuai Bidi dago Godigo mani te hanu dabe tigidali dolama silaibao. Tama te hanu bomai obo dagego te duala sainogo nigali, te hanu obo dabe degaibao,” Mosesgo te po wali.


Te bidi meba aselama, nage dali hwįagasu, te nage elainu ebaso da, teda God, dago Genuai Bidigo, te nage bugagia tonaluyu, te bidigo aga wiegi yai doado bage bugagia tonalubo tiwai yaibao. Tiali goli, te agai nago boi bidi ela gudulu, te bidigo masigi te katapelde munama, tama te masigi enebo tiwai gilama yaibao.


Lean sinn:

Sanasan


Sanasan