Jeremaia 10:16 - Godigo dwagi yai po buku

¹⁶ Tialima, Jekopgo God te tama me tegobeo. Aga te tedali gasagi yai mu dao. Agaduba deligo naga te tigidali nai nigali. Tama agai te Israel dabe dąį elama, sa muani, te aga hani tiwai da wali. Aga nogi te e dao, Tigidali Bomo Elalubo Genuai Bidi dao.

Jeremaia 10:16 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 119:57

Genuai Bidi, nage mu nage enade usu yaibao. Eno nagebolo po dąų olama weyu, tama wai, eno nago bomai po tigidali wali paibao.

Godigo Nogi Ugwaba Sabo Tęąbi Po Wabo Buku Dabe 135:4

Genuai Bidigo Jekop te aga mu da weyu, te sa muani, tama tialima, te Israel dabe te Godigo hani mu gagawai dao.

Godigo Nogi Ugwaba Sabo Tęąbi Po Wabo Buku Dabe 142:5

Tama tialima, Genuai Bidi, eno i nageba weyu, te nago ena tau somainu ebao. Nage naga te ena tonalubo bidi dao. Te ena bidibo ula elalubo sogo digi eno homugo te nagaduba deli naga te ena dali bidimainu homu ebo dao.

Godigo Nogi Ugwaba Sabo Tęąbi Po Wabo Buku Dabe 33:6

Genuai Bidi Godigo te po naga obadi, tama te giliga, me polua, me hǫ dabe te dagalude pedelai. Awe, agai po naga obaso, tama tigidali nai te ogwade pedelai dao.

Godigo Nogi Ugwaba Sabo Tęąbi Po Wabo Buku Dabe 73:26

Te eno tigi, me homu kolesaga, te bomo me elalusiąbaso da, teda God, nago digi nago ena dąų walao. Tama nage ena dali bidiyu, tama ena sesemane bidada peyu, bidada pabo sogode te ena usu mu elaluaibao.

Godigo Nogi Ugwaba Sabo Tęąbi Po Wabo Buku Dabe 74:2

Nago te naga hani bage dabolo te homu kone ma palao. Polobadu mu nago te naga we bidi da sa muai. Nago da ma abelama, tama da naga hani bidimainu yai. Nago te Saion bulu duba homu kone ma paliyu, te polobadu tede nage bidai dao.

Ma Dobola Sali 19:5

Tama dagego megi eno bomai po dąų olama, tama eno po mu wali peyu da, teda dage eno gasagi yai tedali we bidi hani pedelaibao. Tigidali tǫ me, tigidali we bidi me, te eno naga, tiali goli eno dage sa munama, hagea siyu, tama dage ena we bidi mu bidaibao.

Ma Dobola Sali 34:9

Tama Mosesgo te po wai, “Genuai Bidi, nago ena godolo mu ebo da wida, teda eno homugo nage da dali pomainogo homu ebao. Te mu tama, te e we bidi augwaligo hagoma eyu, dwai kolesaga ebo dao, tiali goli eno homugo te dago tigidali dwai kolesaga ebo me, tama dago sęgę me, te sela sąnama, tama da selama, tama naga we bidi tiwai mu bidimainogo te homu eno ebo dao,” Mosesgo te po wai.

Bugagia Bidibo Kolesagade Po Asęai Buku 16:4

Genuai Bidigo te tigidali nai nigilama, tama augwalide te sę dabe elalubao. Tama tiwai naga, Genuai Bidigo te dwai kolesaga yabo bidi dabe nigilali, tama agai augwali nigali te po tųde hagamainu nigalio.

Aisaia 19:25

Tigidali Bomo Elalubo Genuai Bidigo dwagi yai mobo po mayu, te po waibao, “Dage Isip dabe, ena we bidi dabe dage dali eno wiegi yai sę yaibao. Tama eno te Asiria dabe dage dali me eno wiegi yai sę yaibao. Tama me eno dage Israel dabe dali me, eno wiegi yai sę yaibao. Te Israel we bidi da, ena we bidi bidimainu yali we bidi.”

Aisaia 45:7

Eno naga eno te po obaso, te be posoyu, be huliyu ebao. Te eno naga te we bidi bugagia bidimainu ebao, te eno augwali te genuai sęgę somainu yaibao. Genuai Bidi eno naga, eno te sę tigidali pedalumainu ebo dao.’”

Aisaia 47:4

Te Israelgo God, te agai da tudi badu pogwalu ma dobola sabo bidi, aga te Wiegi Yai Doloba Pai Kolesaga Mu Ebo God dao. Agai nogi da, te Tigidali Bomo Elalubo Genuai Bidi dao.

Aisaia 47:6

Eno wado po dwai mu te ena we bidi dabeba wali, te eno augwali te ena we bidi da te tiwai homu kone munu ma ebeo. Te eno nage aselama, augwaliba dwai sę yagasomainu ilali, te nago augwaliba homu dene dwasianu me ebeo. Menio. Nago augwaliba dwai dene mu ilama, te augwaliba genuai sęgę mawai. Te nago monu dabeba me te augwali genuai sęgę mu tolomainu ilalio.

Aisaia 51:15

“Magi baso meni. Ena da Genuai Bidi, duga God. Eno te tamu ąį hodolama, te genuai ąį dini pedelama, te genuai mumunu ebao. Eno nogi te tiwai, Te Tigidali Bomo Elalubo Genuai Bidi dao.

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

Jeremaia 10:12

Te God da, aga bomogo digi te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Jeremaia 10:6

Genuai Bidi, te nage tiwai gasa me menio. Nago genuai bomo, me genuai nogi elalubao. Te nago naga bomo waseliyu, te tobage sę dabe ebo dao.

Jeremaia 31:35

Genuai Bidigo giliga muani te ula momainogo yali, tama agai polua me hǫ dabe dąį ilali, te hulide ula momainogo muani. Agai te tamu ąį hodolobaso, te genuai ąį dini pedalu, te genuai u wabo. Aga nogi e tiwai, Tigidali Bomo Elalubo Genuai Bidi dao. Agai te tama po wai,

Jeremaia 32:18

Sesemane sogo nago olo tau sabo wiegi yai kolesaga te umabo tausen we bidiba ebao. Tialima, te bidi me deligo dwai sę ebaso da, teda nago dwai dene mabo sę agabolo eyu, te aga wai dabeba yaibao, te aga yali dwai sę wei ponoyu tebao. God, nage polalubao, te nago bomo umabo elalubao, nago nogi e tiwai, Tigidali Bomo Elalubo Genuai Bidi dao.

Jeremaia 33:2

“Ena Genuai Bidi, te eno te tǫ nigilama, tama dodolama, aga elalubo madide dąų walai dao. Genuai Bidi wabo te eno nogi dao, te eno te tiwai po obao.

Jeremaia 46:18

Tialima, te king mu bidibo kingo nogi, te Tigidali Bomo Elalubo Genuai Bidi dao, te agai te tiwai po wali, “Ena Genuai Bidi, ena sesemane sogo bidada paibao, eno po dolo obao, bidi me deli asaibao, tama te bidigo bomogo te gasa bidi dabego bomo aiyaba elalueibao, te bulu du Taborgo te gasa bulu du dabe aiyaba elalubo tiwai yaibao, tama te bulu du Karmel te tamu ąį nambisde ugwadu mu elalubo tiwai yaibao,” wali.

Jeremaia 50:34

Tialima, te augwali ma sabo bidigo, agai bomo elaluai, agai nogi e tiwai dao, Tigidali Bomo Elalubo Genuai Bidi dao. Agai bomonama eyu, augwali tau selama, te augwa boi bidi dabe aiyaba elaluaibao. Te agai tigidali bulu tǫ kantri we bidi augwaliba te bugagia homu tegaluama bidabo sogo mawaibao, tiali goli, te Babilon dabe me tegobeo. Menio. Agai augwali te dwai mu tama bididumainogo yaibao.

Jeremaia 51:19

Tialima, Jekopgo God te tiwai me tegobeo. Aga te gasagi yai tedali mu dao. Agaduba deligo naga te tigidali nai nigali. Te agai Israel dabe sa munama, te aga hani mu tiwai elaluai. Aga nogi e dao, Tigidali Bomo Elalubo Genuai Bidi dao. Babilon te Genuai Bidigo egebe wąbi tiwai dao.

Te We Bidi Dabego Jerusalem Hagede Gela Wali 3:24

Eno homugo eno meba nai dabede moni homu igi homu ebao. Genuai Bidi deli tama ena usu dao. Tama tibaso, eno agai ena tau somainu bomo elama, tonalubao.

Amos 4:13

Godigo naga te bulu du dabe nigali, te wali me pedalumainu ilibao. Agai aga homu kolesaga te we bidibolo haniliyu, ola mabo dao. Agai bomogo naga te be posobo ula hasegeleyu, tama be hulibo dao. Aga te bulu du dabe daide ugwadu biliyu, te tǫ habu tigidaliba tonalubao. God, Tigidali Bomo Elalubo Genuai Bidi, aga digi te kolesaga ebo dao.

Sekaraia 2:12

Tama te Juda dabe augwali God aga te kantride bidaibao, tama augwali Godigo gedude wiegi yai we bidi mu bidaibao. Tama agai Jerusalem godolo mu eyu, tiwai meba taun dabe godolo egobeo, tama agai Jerusalem da aga hanu mu da tama waibao.” Genuai Bidigo te po wai.

Bomai Po 32:9

Tiali goli, agai Jekopgo hani sa munama, aga digi augwali tonalumainogo yai dao.