Jeremaia 10:10 - Godigo dwagi yai po buku

¹⁰ Tialima, Genuai Bidi, nage God mu dao. Nage sesemane bidibo God, te nage sesemane sogo king bidaibao. Te nago haliga sębę ebo sogo da, te tǫ mali eyu, te we bidi hani bugagia me bidigobeo.

Jeremaia 10:10 Iomraidhean Croise

Tigidali Nai Gagalama Nigali Side 21:33

Tama Abrahamgo te Bersebade te polo isisąbo ni me deli bulama, tama agai Yawego nogi weyu, gedu haluasa po wai, te aga sesemane sogo bidada peyu, bidada pabo God dao.

Te Israel me Juda Hani Sigo Tuni Bidigo Po Elalubo Buku Deli 18:39

Te we bidi augwaligo te sulama da, teda augwa digi te tǫba pinilaluama, tama augwaligo te tiwai i hai wali, “Genuai Bidi naga aga God mu dao. Genuai Bidi naga aga God mu dao,” te po wai dao.

Te Israel me Juda Hani Sigo Tuni Bidigo Po Elalubo Buku Deli 8:60

Tama tialima, te tigidali bulu tǫ pedai badu te tigidali bidi hanigo te tiwai konemainu yaibao, te Genuai Bidi deli naga te God tama, te gasa god me meni da homu emainao.

Tuni Bidi Dabego Po Elalubo Buku Deli 29:11

“Nago tigidali bomo kolesaga mu elalubao. Nago nogi genuai elalu, te nage ugwadu mu bidibao. Nage mu polalubao. Magi baso meni, tigidali dagalude me tǫde elalubo nai tigidali te nago nigai nai naga elalubao. Tama nage te tigidali naigo tuni bidi king bidibao.

Tuni Bidi Dabego Po Elalubo Buku Si 15:3

Bobobage sogo mu te God Mu Israel dabe dali munu me bidai menio. Magi baso meni, augwaligo agaba tudi ola mobaso. Tama augwaligo Godigo po augwaliba ola maiabo pris bidi meni yai dao. Tama me augwaligo agai bomai po dabe wali me pai menio.

Jopgo Po Asęani Elalubo Buku 9:6

Agai te tǫ dąų walalubo nai mumunu baso, tama te tǫ mali genina mu emainu ebo dao.

Godigo Nogi Ugwaba Sabo Tęąbi Po Wabo Buku Dabe 10:16

Te Genuai Bidi te sesemane sogo te king bidada peyu, bidada paibao. Agai te aga po odisąbo Israel hani isąwai bidi dabe te aga tǫde ela gudulama, tama augwali tede mu me bidigobeo.

Godigo Nogi Ugwaba Sabo Tęąbi Po Wabo Buku Dabe 100:3

Dagego Genuai Bidi homugo konebo tagaligio, aga deli te God mu dao. Aga deligo da nigai, tama da aga we bidi dao. Da agai we bidi, da agai te kibu sipsip tiwai dao.

Godigo Nogi Ugwaba Sabo Tęąbi Po Wabo Buku Dabe 100:5

Genuai Bidigo dwagi yai kolesaga naga ebo dao. Sesemane sogo agai da godolo mu ebo dao. Agai sesemane bidada pabo sogo mu po wabo wali pabo dao.

Godigo Nogi Ugwaba Sabo Tęąbi Po Wabo Buku Dabe 104:32

Agai tǫba tonalubaso, te tǫ memenege eyu, mali ebo dao. Agai te bulu duba nogo mubaso, te bulu dude sia hano ebo dao.

Godigo Nogi Ugwaba Sabo Tęąbi Po Wabo Buku Dabe 114:7

Tǫ, megi da Genuai Bidi asobaso, tama nage mumunu yao. Te Jekopgo God asalio, tama nage mumunu yao.

Godigo Nogi Ugwaba Sabo Tęąbi Po Wabo Buku Dabe 145:13

Tama nage te tuni bidi bidiyu, tama tigidali we bidi sesemane sogo nago tonaluyu, bidada peyu, bidada paibao. Genuai Bidi Godigo agai aga we bidi dali dąų wali po wali naga pabo dao. Te agai me deli tagalobo menio. Agai wiegi yai sę naga eyu, da tau siyu ebo dao.

Godigo Nogi Ugwaba Sabo Tęąbi Po Wabo Buku Dabe 146:6

Godigo te dagalu, me tǫ, me tamu ąi, me te tigidali elalubo nai pedalumainu yali. Tama sesemane sogo te Godigo aga dąų walali po tigidali wali pabo dao.

Godigo Nogi Ugwaba Sabo Tęąbi Po Wabo Buku Dabe 18:7

Tialima, megi da, Genuai Bidigo wado po elalubao. Tama agai te tǫ mali mu ilali. Tama te bulu du page dabe te mumunu ela silali.

Godigo Nogi Ugwaba Sabo Tęąbi Po Wabo Buku Dabe 29:10

Genuai Bidi te king bidiyu, tama te tigidali genuai tamu ąį tonalubao. Aga te king sesemane sogo bidibao.

Godigo Nogi Ugwaba Sabo Tęąbi Po Wabo Buku Dabe 31:5

Ena te eno mobo nage nogoba mobao. Genuai Bidi, nage te mu kolesaga naga mu ebo God, nago ena ma sao.

Godigo Nogi Ugwaba Sabo Tęąbi Po Wabo Buku Dabe 42:2

God, nage te bidibo ula elalubo God da, tama eno nage wei homu mu ebao, te bidi aga dogoni wa pobaso, te wę tuainu ebo tiwai yaibao. God, mena sogo te ena nageba aselama, tama te moni lotu be tempelde nageba lotu wagowe?

Godigo Nogi Ugwaba Sabo Tęąbi Po Wabo Buku Dabe 68:11

Genuai Bidigo te aga we bidi dabeba po mawai, tama we hauwago te po pusugi pai.

Godigo Nogi Ugwaba Sabo Tęąbi Po Wabo Buku Dabe 68:8

Te sogo te tǫ gęǫ elama, tama tulubage genuai aiyaba tulali, magi baso meni, God, nage asalio. Mu tama, te da Israel dabego God nage asobaso, tama te Sainai bulu du gęǫ umabo mu yai dao.

Godigo Nogi Ugwaba Sabo Tęąbi Po Wabo Buku Dabe 74:12

Tiali goli God, polobadu mu nage dago king bidali, tama megi me nage dago king bidibao. Tama hauwa sogo nago da tau selama, tama da te hwįani digi da me dolobeo.

Godigo Nogi Ugwaba Sabo Tęąbi Po Wabo Buku Dabe 76:7

Tiali goli, God, te bidi dabego nagede te wi umabo mu ebo dao. Te nago augwaliba wado po obaso da, teda de te nago gedude dolalubo sogo usu egowe? Te me deligo usu me egobeo.

Godigo Nogi Ugwaba Sabo Tęąbi Po Wabo Buku Dabe 76:8

Nage te dagalude bidiyu, tama nago te tigidali we bidi po tų ela mawaibao. Te sogo nage dolugulama, tama nago te bidi dabe augwaba te augwa po tų yabo po pusaibao, tama nage asiyu, te gasa bidi dabego dolali we bidi dabe tau sagasaibao. Tama tigidali we bidi wi mu ebaso, tama po me wagobeo. Augwa pedauwali pania siyu naga yaibao.

Godigo Nogi Ugwaba Sabo Tęąbi Po Wabo Buku Dabe 77:18

Nago te pǫ te popoge ebo wali tomode kulukulu omainu ilali. Te pǫgo be sele eyu, ula ebo te tigidali tǫ pedaiba ula yali, tama tǫ aga digi te mumunu mumunu yai.

Godigo Nogi Ugwaba Sabo Tęąbi Po Wabo Buku Dabe 84:2

Ena tede bidabo homu wei mu ebao. Te eno homu kolesaga tigidaligo te nago be wei mu ebao. Te tigigo, me homu tigidaligo, eno te wiegi yai pemene ebo tęąbi po nageba obao, God te bidabo ula elalubo God dao.

Godigo Nogi Ugwaba Sabo Tęąbi Po Wabo Buku Dabe 9:8

Mu tama, agai te tǫde we bidi tonalubo, tama agai bomai po te doloba pai mu da. Agai te tigidali we bidigo kolesaga dagalubo sę te deli tigi poai sęgo naga dagalubo dao.

Godigo Nogi Ugwaba Sabo Tęąbi Po Wabo Buku Dabe 90:11

Dego te nago wado ebo genuai bomo te bugagia konebawe? Tama nago augwaliba te wado ebo homu ebode genuai wi te we bidi augwaliba pedalubo te koneaniwe?

Godigo Nogi Ugwaba Sabo Tęąbi Po Wabo Buku Dabe 90:2

Te sesemane bidada peyu, bidada pabo sogo, nage te God bidibao, te polobadu me bidali, nosali me bidaibao. Tigidali bulu du pedalisąbadi, tama nago te tǫde nai tigidali nigisąbadi, tiali goli, nage God bidai dao.

Godigo Nogi Ugwaba Sabo Tęąbi Po Wabo Buku Dabe 93:2

Genuai Bidi, te tigidali nai me pedalisąbadi, nage bidali. Nage sesemane bidada peyu, bidada pali, tama nage te king sesemane bidada peyu, bidada pabo dao.

Godigo Nogi Ugwaba Sabo Tęąbi Po Wabo Buku Dabe 97:4

Agai te be selego ula pedalumainu ilama, tama te tǫ ula ilibao. Tǫgo sulama, tama noma sabo dao.

Aisaia 37:17

Genuai Bidi, eno homugo nago olo eno gedu haluasa po waboba bugagia munama, te eno gedu haluasa po odolama, tama nago daba te pedalubo dwai sę dabe bugagia suao. Tama eno homugo nago te tigidali dwai po wabo odomainu hagede ilali, Senakeripgo nageba te sę yai, God nage te sesemane sogo bidada pabo dao.

Aisaia 37:4

Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.

Aisaia 40:15

Genuai Bidigo te haniani kantri tǫde we bidi suali, te olo nai gagawai tiwai ebao. Augwali te tǫ hogomu tiwai elama, te dwasianu ąį tedebo tudulalubo tiwai ąǫ ebao. Tama agai te tigidali bulu tǫ ailango sęgę usu selama, te tǫ hogomugo sęgę tiwai elalubo dao.

Aisaia 40:28

Te dagego konebe da, agawe? Te dagego odobe da homu eba, agawe? Genuai Bidi te sesemane bidada pabo God dao, tama agai te e tǫ tigidali badu sese nigai bidi dao. Te mena bidi mego agai homu kolesaga tigidali me konea siligobeo. Agai bomo kimi te meniama, te me sia sogobeo.

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Aisaia 65:16

Tama te tigidali tǫ habu pedai badude, te bidi dabego gedu haluasa po enaba weyu, te mu po naga wabo God da po weyu, te augwali wiegi yai bugagia ilao po enaba hanalueibao. Te bidi dabego augwa po dąų walabo homu elama, augwa te eno nogi delide naga te mu po dao waibao. Tama augwa te polobadu elaluali haliga sęgę me dwai sę yali dabe te homu kone gegeda palaibao, te ena, Genuai Bidi, te eno augwa te polobadu yali dwai sę dabeba homu kone mu gegeda palaibao,” wali.

Jeremaia 23:36

Tialima, dagego te tama po ma wagimio, ‘Genuai Bidigo po sęgę mu elalubao,’ wagio. Menio. Duga pogo digi duga sęgę mobao. Te duga digi eno po selama, tama po yalelebo po wabo sę ebao, ena sesemane sogo bidibo God, ena Tigidali Bomo Elalubo Genuai Bidi, ena duga God dao.

Jeremaia 4:2

“Te dagego wabo po dąų waliyu, te tama po obao, ‘Te sesemane sogo bidada pabo Genuai Bidigo nogide mu da,’ po wainogo eyu da, teda dagego mu po tama naga weyu, te wiegi yai doloba pai kolesaga wali peyu, te po wao. Te dagego tama tibaso da, teda gasa hani dabego enaba hanalu, te eno augwaliba wiegi yai sę ebaso, te augwaligo enaba genuai nogi mawaibao,” te po wai.

Jeremaia 4:24

Te eno suali, te bulu du dabe gęǫ page mu elama, te augwa tobolu ugwa peyu, eda asu yalio.

Jeremaia 50:46

Te boi bidi dabego te Babilon sabo sogo, te genuai u pedelama, te tǫ mumunu yaibao. Tama te Babilongo gela wabo te genuai umagia mu pedelama, te gasa hani we bidi augwaligo odaibao,” wai dao.

Jeremaia 51:29

Genuai Bidigo te Babilon dolabo po mia selama, te olo tǫ bulu pesage elalueibao, tama tede bidi me bidigobeo. Genuai Bidigo te sę ebaso, te tǫ mali umagi mu yaibao.

Daniel 4:3

“Godigo te tobage genuai sę ebo mu dabolo ola mawaibao. Tama aga digi te boma pai mu elalubao. Aga te king sesemane bidada pidu, bidibo dao. Agai te tigidali nai tonalubo sę te sesemane sogo elalua pidu, mu elalua paibao.”

Daniel 4:34

“Te kibu be a naga me si wali silibo sogo da, ena Nebukatnesar, eno te dagaluba ugwa tonaluama, tama eno homu kolesaga te wiegi yai ma pedelai. Tama eno wiegi yai homu pemene te Ugwadu Bidibo Godiba mu yalio. Te sesemane bidada pidu bidibo God, tama eno aga nogi ugwaba mu siyu, kekene nanio. Tama eno te tama po wai, ‘God te king sesemane sogo bidada peyu, bidibo dao.

Daniel 6:26

“Dage eno bulu tǫ pedai kantri dabe we bidi dabeo, eno te po odiąo. Dage tigidaligo genuai nogi te Danielgo Godiba menama, tama te God dologoba pelama bidao. Te God te sesemane sogo bidada pobao. Aga te king sesemane sogo bidada pidu, bidada paibao, tama aga te we bidi tonalubo bomo te me siligobeo.

Daniel 6:27

Agai te we bidi dabe dolainu ebo sogo te augwali ma sabo dao. Tama agai te tobage te genuai bomai sę te dagalude me tǫde ebao. Te Godigo te Daniel tonalu, tama te laion dabego aga me dolobeo,” te po wai dao.

Daniel 7:14

Te Polobadu Polobadu Mu Bidali Bidigo digi aga te king pedalumainu elama, tama agaba te bomo me genuai nogi mawai. Tama aga te sesemane sogo bidada pabo te bomo elalua pabo king bidiyu, tama aga king sę ebo te munu me sia sogobeo. Tama te tigidali bulu tǫ kantri we bidi me, tigidali hani bidi me, tigidali haniani po wabo hani bulu bidi, te aga dologode naga bidaibao.

Joel 2:11

Genuai Bidigo te aga ami bidi dabeba i bomonama wali, te agai pedauwalide te dagalu kulukulu wabo tiwai yali. Te agai po wali pabo bomai ami hauwa elaluali. Idaya, tegobao! Te Genuai Bidigo bodolu side te dwai mu dao. Tialima, de aga te bugagia bidiyu, te aga me dologobe dawe?

Maika 1:4

Tama te bulu du dabe te aga sągą dologode ąį tiwai pedelaibao, te ula ebo nai kandel te ula eyu, te aga ili te wę pedalubo tiwai yaibao. Te bulu du dabe te odogo malu tǫ pesageba te gea paliyu, te bulu dudu wę sąbo samanobo tiwai yaibao.

Nahum 1:5

Tigidali bulu du te Genuai Bidigo gesabidide mumunu elama, te olo wę tiwai me pedelali. Te Genuai Bidi sabalubo sogo tǫ te mumunu yai, te tigidali we bidi me mumunu elama gęo page ebo dao, wali.

Nahum 1:6

Te aga haliga sębę ebo sogo da, de mu te bugagia bidaibawe? Te de aga me dologobe dawe? Mu menio. Agai te we bidi dabeba wado eyu, te agai gedu te sia bogoli tiwai penelą pelama, te masigi dabe pepeda pelama, te hogomu pobele bage pedalubo dao.

Habakuk 3:6

Te aga dolugulubo sogo da, tigidali tǫ midigi eyu, mumunu ebao. Agai te we bidi dabe augwali subo sogo da, augwali te ibaba kila sesa peyu, midigi sabo dao. Te genuai bomai bulu du dabe te alua pelama, tulaluaibao. Te polobadu aga bilali dwasianu bulu du dabe augwali te aiyaba kilasa dulubo dao. Genuai Bidigo ebo kolesaga dabe te sesemane sogo elalua paibao.

Malakai 3:2

Tiali goli, Genuai Bidi aga asobo sogo, dego te po tų ebo ugwaba ela holobo usu egowe? Aga te pepeli diliba pedalubo sogo, de te me hagagobewe? Aga te sia posolo mu elasa asobo tiwai eyu, te silva me gol hogomu pobele bage sela sąbo tiwai yaibao. Tama aga te meda yai ugwa te sop dali wę dali sigo telabo tiwai yaibao, te meda mu sela sąwaibao.

Matyu 16:16

Tama Saimon Pitago po wei ponoyu, te po wai, “Nage da, nage te Godigo te we bidi tau sabo sa muani bidi Krais dao, te nage bidibo ula elalubo Godigo Ogwa dao,” Pitago te po wai.

Matyu 26:63

Tiali goli Jisasgo po me wabeo. Tama te pris tuni bidigo agabolo te po wai, “Te nago dabolo mu po naga omainogo eno nagebolo te bidibo ula elalubo Godigo nogide te po hanalu obao, nage te Godigo sa muani bidi Krais, te Godigo Ogwa dawe, ma meniwe?”

Dwagi Yai Gesi Po Jongo Asęani 17:3

Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.

Godigo Sęba Tagala Palai Bidigo Po 14:15

“Dagego te kolesaga egimio. Dadi si me bidi dage tiwai tama dao,” wali. “Dadi si dage pageba asali, Godigo dwagi yai po dagebolo pusa mawainogo asai dao. Tama dagego te odolali lotu po wabo tibo god tudiba muiyąo. Tudiba munama, dagego te God mu pageba asiąo, hauwa sogo bida bida peduabo God pageba asiąo. Agai te dagalu me, tǫ me, tamu ąį me, tigidali tede bidibo nai dabe me agai nigai dao.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Bomai Po 5:26

Te niwai bidi mu te God tigidali sogo mu bidibo bidigo po te isi tomode bidi po wabo de isigobewe?

1 Tesalonaika 1:9

Dage bidibo digi da asali sogode dagego yali sę po augwa digi augwaligo dabolo pusubo dao. Augwaligo da dali pusuyu, te po wai, ‘Augwaligo te tibo god tagaliyu, tama augwaligo homu God muba muai,’ te po wabo dao, tama dage bidabo ula sabo te God agai sę bidi dage bidibao, te po wabo dao.

2 Timoti 1:17

Tama tibaso, eno agai ena dali yali sęde homugo kone paluyu, tama aga genuai nogi me aga wiegi yai ula yai bomo me te si ugwaba muyu, tama eno e po obao: “Aga te Tuni Bidi tigidali sogo bidibao. Aga me isibo meni, gamonaibao. Tama bidigo aga me subo menio. Agaduba deli naga te God mu dao. Genuai nogi me bomo me te agade sesemane sogo mu bidada peyu, bidada pomainao. Mu dao,” eno te po obao.

2 Timoti 6:17

Timoti, nago te tǫde doado bage hauwa elalubo bidi dabebolo e po bomo elama wao: “Dagego te gasa bidi dabe dali hagoma me elamuo, tama dagego te tiwai homu me egio, ‘Eno doado bage hauwa elalubaso, te bugagia bidaibao.’ Dagego te homu me egio. Menio. Dagego dąų wabo homugo te nai dabego augwali tau siyu bugagia bidaiba homu elamuo. Magi baso meni, te tǫde nai augwaligo da tigidali sogo tau sabo usu menio. Tama dagego e homu yao, ‘Eno Godiba konealubo po dąų mu olama, tama agai ena tau siyu, ena bugagia bidaibao,’ dagego te homu yao. Te dago homu dwagi yai pemene emainogo eyu, tama God aga digi te haniani dwagi yai nai te dabolo olo mu mabo dao.” Te doado bage hauwa elalubo we bidibolo te po pusao.

Hibru 10:31

Te bidibo ula elalubo God agai da dąų weyu, te dwai dene ebo te dabolo wei ponainogo eyu da, te dwai wi mu ebo nai dao.

Josua 3:10

Megi da, dagego te dena God, te bidibo ula elalubo God, aga te da tomode elalubaso, tama agai te Kenan dabe me, te Hit bage dabe me, te Hivi dabe me, te Peres dabe me, te Girgas me, te Amor me, te Jebus dabe badi, te tama bidi hani dabe te Godigo bomogo sela sąbo te dagego koneaibao. Dagego te Godigo bomo bugagia sula selama, mu konemainu eyu,

1 Jon 5:20

Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Te Israel Tobolu Bidi Dabe 5:4

“Genuai Bidi, nago te Seir bulu du dabe taga solama, te Idomgo bulu taga soyu, tama aiyaba dulai, tialima te tǫ mali eyu, tama te tulubage tulali. Mu tama tiali, te wę dagaludu dulalio.

1 Samuel 17:26

Devitgo te po bugagia odisąbaso, tama agai te aga pąde bidalubo bidi dabeba hanalu, te tiwai wali, “Te kingo mena sę te Filistia elibo bidibolo elama, tama da Israel dabeba te genuai hale pedalubo sę tagalaibawe? Te Filistia bidi te Godigo po odisiąwai bidi naga te dao. Agai hagoma mu eyu, tama te Sesemane Sogo Bidibo Godigo amiba te posobo po wali dao,” te po wai.

1 Samuel 17:36

King o, eno te laion dabe me te bea me eliyu yai, tama eno te tobage tama tiwai kolesaga te Genuai Bidigo po odisiąbo Filistia bidide tiaibao, magi baso meni, agai te Sesemane Sogo Bidada Pabo Godigo amibolo te posobo po walio.