Jeremaia 1:5 - Godigo dwagi yai po buku

⁵ “Te eno nage naga idago haligade ame nisąbo sogo, eno nage koneai. Te nage naga idago ame nisąbadi, eno nage sa munama, te gasa bulu tǫ kantri dabe tomode te profet sę ela bilabo bidi da homu yai dao,” wali.

Jeremaia 1:5 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 139:15

Te ena idago haliga tomode geme dua dua pedalubo sogo, nago te eno tigi dili ununama, te deliba dąų wabo te nago tigidali suai dao.

Godigo Nogi Ugwaba Sabo Tęąbi Po Wabo Buku Dabe 139:16

Ena te haga piligai wai idago haligade bidibadi digi, nago ena suai. Ena te tǫde pedalisiąbadi, tiali goli, nago te naga bukude asęani te nago homugo te tigidali sogo ena te tǫde sesabi elama, bidabo bodolu asęai dao.

Ma Dobola Sali 33:12

Mosesgo e tiwai po Genuai Bidibolo wai, “Nago enabolo te e we bidi augwali te augwa tǫba odasa pao, te po wai. Tiali goli, nago enabolo te mena bidigo ena tau somainu yabo bidi te ena dali me pao wabo po, te nago me wabeo. Tama nago te po wai, ‘Eno nage bugagia koneani, tama nage eno godolo ebo da,’ wai.

Ma Dobola Sali 33:17

Tialima, Genuai Bidigo Mosesbolo te po wai, “Eno te nago wali po selama, te sę yaibao. Magi baso meni, eno nage godolo eyu, tama eno nage bugagia koneai dao.”

Aisaia 44:2

Eno dage te deli hani we bidi pedalumainu ilali. Eno dage sisi ilama, dage dąį iliyu, te dage tǫde pedalisiąbadi, te sogo te dage ena hani da olama, dąį ilibo tiwai yali. Te eno dage negeyu, tonalua asali, te megi e sogoba usu nagasobao. Ena digi eno dage dąį ilama, tama dage eno doloba pai sę bidi bidibao. Tama tialima, ena Genuai Bidi, eno te po obao, dage wi me elamu dao.

Aisaia 49:1

Dage te bulu tǫ kantri pąde, me digibulu bidalubo we bidi dabe, dagego eno po odiąo. Te idago ena ame nisąbadi, te Genuai Bidigo ena sa muyu, dąį ilama, enaba te nogi mawai dao.

Aisaia 49:5

Genuai Bidigo ena te idago haligade sa munama, te ena agai sę bidi bidimainu yali. Te agai te po enaba weyu, te Israel dabe sisinama, te augwali agaba odasa asomainu yali, magi baso meni, God eno Genuai Bidigo enaba te genuai nogi menama, te aga digi ena bomo mawai. Te megi da, Genuai Bidigo enaba te tiwai po walio,

Jeremaia 1:10

Megi e side eno nageba te gasa bulu tǫ kantri hauwa hani we bidi tonalubo bomo mobao. Eno nageba te kantri dabego gavman gudabo po wabo bomo, me te gavman dolabo po wabo bomo me mayu, te augwaligo gavman ma dodoluyu, ma bulabo po wabo bomo me mawaibao,” te po wai dao.

Jeremaia 1:4

Genuai Bidigo ena, Jeremaiabolo te po mabo gagalali sogo, agai te tiwai po wali,

Jeremaia 20:15

Te side bidi me deligo eno ayabolo po selasa pelama, agabolo te tiwai po waligi pai, “Nago wego ogwa ame nanio.” Ayago odama, aga wiegi yai homu pemene mu yalio. Tialima, eno ayaba po sela pali bidiba te Godigo dwai sę emainao homu ebao.

Jeremaia 25:13

Jeremaiago te eno Babilonba yabo sę po tigidali pusali, te augwaliba dwai dene mawaibao wali. Te sę dabe yabo po te Jeremaia bukude elaluai. Te eno tigidali tǫ kantriba yabo po te bukude wai elalubo dao.

Jeremaia 36:2

“Te buku me deli selama, te eno nagebolo mabo po tigidali asęao, te sę dabe te Israel, me Juda, me gasa bulu tǫ kantri dabeba pedelaibao. Nago te po tigidali asęao, te hasia sogode mu gagalama, te eno nagebolo mawai, te king Josaiade gagalasa, te megi e sogoba usu nagasobao.

Jeremaia 50:34

Tialima, te augwali ma sabo bidigo, agai bomo elaluai, agai nogi e tiwai dao, Tigidali Bomo Elalubo Genuai Bidi dao. Agai bomonama eyu, augwali tau selama, te augwa boi bidi dabe aiyaba elaluaibao. Te agai tigidali bulu tǫ kantri we bidi augwaliba te bugagia homu tegaluama bidabo sogo mawaibao, tiali goli, te Babilon dabe me tegobeo. Menio. Agai augwali te dwai mu tama bididumainogo yaibao.

Dwagi Yai Gesi Po Lukgo Asęani 1:15

Godigo gesabidide agai nogi genuai elaluaibao. Agai diluai wę dabe tulamuo. Te Jon aga ame nabo sogo gagalama, Godigo Dwagi Yai Mobo Bidi aga dali bidaibao.

Dwagi Yai Gesi Po Lukgo Asęani 1:41

Tama Mariago “Giligade dao” wali po obadi, Elisabetgo haligade elaluali wai mobodo yalio. Te Godigo Dwagi Yai Mobogo Elisabet beasagasalio.

Dwagi Yai Gesi Po Lukgo Asęani 1:76

Agai te po me Jonde wali, “Eno ogwa, ‘Nage nosali Moni Godigo po pusa mabo bidi mu dao,’ Godigo te po waibao. Nage bolo polasa paidigi Genuai Bidi nosali asaibao. Nage polasa pelama, aga asobo tų sisi ela muaibao.

Dwagi Yai Gesi Po Jongo Asęani 10:36

Tialima God aga digi ena sa muyu, e tǫba tagala palai. Tama eno te po wai dao, ‘Ena da Godigo Ogwa dao.’ Tama tilama, dagego enabolo magi baso ‘Nage Godigo nogi dwai posobo po wai dao,’ waliwe?

Polgo Po Pas Rom Dabeba Asęani 1:1

Ena Pol da, tama eno e po asęna tolobao. Ena te Krais Jisasgo sę bidi dao. God agai ena i olama tama te po sela pabo sę bidi nigilali. Eno te Godigo wiegi yai gesi po te we bidibolo pusumainu agai ena hagea selama tedali muai.

Polgo Po Pas Rom Dabeba Asęani 8:29

Magi baso meni, te Godigo augwali polo koneani bidi dabe, agai augwali me hagea siyu tedali muani, te aga Ogwa tiwai pedalomainogo yai, tama ama name hauwa bidimai hagede yali, tama Krais te augwaligo ama gomunai bidi bidaibao.

1 Korin 8:3

Tiali goli, te bidi me deligo aga God dali dwagi yai homu eyu godolo ebaso da, teda Godigo koneama, te bidi te Godigo bidi dao.

Efesus 1:22

Tama Godigo tigidali nai mu Krais dologoba muai, tama Krais aga te nai dabe tonaluabo bidi nigilama, tama Godigo po wali pabo we bidi genuai tobolu bidi nigilai.