Jeremaia 1:10 - Godigo dwagi yai po buku

¹⁰ Megi e side eno nageba te gasa bulu tǫ kantri hauwa hani we bidi tonalubo bomo mobao. Eno nageba te kantri dabego gavman gudabo po wabo bomo, me te gavman dolabo po wabo bomo me mayu, te augwaligo gavman ma dodoluyu, ma bulabo po wabo bomo me mawaibao,” te po wai dao.

Jeremaia 1:10 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

Te Israel me Juda Hani Sigo Tuni Bidigo Po Elalubo Buku Deli 19:17

Te Hasael king bididubadi, agai te we bidi hauwa ela mueibao. Te meba agade wi pobaso da, teda Jehugo augwali ela mueibao. Te Jehude meba wi sobaso da, teda Elisago augwali ela mueibao.

Kolesaga Koneai Bidigo Pusali Po Elalubo Buku 3:3

Agai te bidi ela muabo sogo bodolu mubadi, agai gasi ebo bidi ma usu ilabo sogo bodolu mubadi yali. Agai te nai dabe hųgiabo sogo bodolu muyu, te nai dabe nigabo sogo bodolu muyu yai dao.

Jeremaia 1:5

“Te eno nage naga idago haligade ame nisąbo sogo, eno nage koneai. Te nage naga idago ame nisąbadi, eno nage sa munama, te gasa bulu tǫ kantri dabe tomode te profet sę ela bilabo bidi da homu yai dao,” wali.

Jeremaia 24:6

Te eno augwali bugagia tonalu, te augwaliba wiegi yai sę yaibao. Tama augwali eno te e tǫba ma odasa asaibao. Te eno augwali dąų walama, te eno augwali aiyaba me elalugobeo. Te eno augwali bulama, te eno augwali me digągobeo.

Jeremaia 25:13

Jeremaiago te eno Babilonba yabo sę po tigidali pusali, te augwaliba dwai dene mawaibao wali. Te sę dabe yabo po te Jeremaia bukude elaluai. Te eno tigidali tǫ kantriba yabo po te bukude wai elalubo dao.

Jeremaia 31:28

Polobadu augwali enotonaluali, te gudumainu, me augwali alumainogo eyu, meaugwali aiyaba elalumainogo eyu, augwali dolomainuelama, te dwai sę augwaliba emainogo yai. Tialima, megi da, ena Genuai Bidi, eno te po obao, te augwali enotonalu, te augwali nigilama, te augwali bulama, te augwalibugagia bidaibao wai dao.

Jeremaia 31:40

Tama te tǫ bogo me saut badu, te bulu odogode te gų page me elalu, te keli sąbo pesage me elaluali, te taun dąį yali tomode elalueibao. Te giliga pedalubo badu, te tigidali tǫ pedai te odogo bulu te ąį Kidron sesegeba usu nigi paibao, te me te taun tomode elalueibao. Te dąį pabo te Hos Dabego Sunumi te not badu usu naibao. Tama te taun tomode tǫ tigidali te gasagi yai tedali tǫ dao, te ena Genuai Bidigo tǫ elalueibao. Te boi bidi dabe aselama, te taun dolama, te aluama, te doado bage me sagasogobeo. Menio. Te taun te sesemane sogo bugagia elalueibao,” Genuai Bidigo te po wali.

Jeremaia 36:2

“Te buku me deli selama, te eno nagebolo mabo po tigidali asęao, te sę dabe te Israel, me Juda, me gasa bulu tǫ kantri dabeba pedelaibao. Nago te po tigidali asęao, te hasia sogode mu gagalama, te eno nagebolo mawai, te king Josaiade gagalasa, te megi e sogoba usu nagasobao.

Jeremaia 44:27

Ena Genuai Bidi, eno po dolo obao, eno dage bugagia wiegi yai me iligobeo. Menio. Eno dage dolainogo tonalubao. Te eno boi bidi tagala palama, te dage Isipde bidibo Juda dabe ela muagasaibao. Te dage nai menia siyu, isaibao. Te dage tigidali mu silaibao.

Esekiel 21:19

“Tǫde bidio, nago te tǫ kantri me deliba asabo sunumi dąį ilao, te bulu me delide te sunumi tunu mage si badu pedasa palio. Te Raba teba pabo sunumi me deli elaluaibao, te Amon dabego genuai taun da. Te sunumi me deli te Jerusalemba pabo elaluaibao, te masigigo nigai bomai obo elalubo taun, te tǫ Juda kantrigo genuai taun da. Tialima, nago te sunumi age side te koneabo po asęao. Te Raba taunba pabo sunumidu te gasa dąį ilibo po asęyu, te Jerusalem taunba pabo sunumidu te gasa dąį ebo po asęao. Te Babilon king aga ami bidi dabego dali te bainat hwą selama, tama augwaligo te sunumi wali asu, tama te sunumi mage siba sabolaibao.

Esekiel 23:36

Tialima, Genuai Bidigo enabolo te tama po wali, “Tǫde bidio, eno homugo nago te Ohola me Oholiba sigo dwai kugumini yai kolesaga yalide dagalama, tama po tų ilao,” wali.

Esekiel 32:18

“Tǫde bidi, nago hobedai gela te genuai Isip we bidi hanide wao. Tama nago augwali te meba gasa bomai kantri we bidi dabe bidibo pesageba, te isai bidigo buluba talua sigi pomainu nago tagala palao.

Esekiel 36:36

Tama dage Israel dabe duga tǫde ma bidibo sogo da, te meba gasa hani dage pąde bidibo bidi dabe auwaligo e tama bugagia koneaibao, ena Genuai Bidi ena digi te dolali taun ma nigiyu, me eno te dasu dwai mu holai gi ma eyu yai dao. Ena Genuai Bidi eno te sę yabo po dąų walaio, tama eno te tama sę yaibao.’ Te po tigidali nago te Israel bagebolo pusao,” Genuai Bidigo enabolo te po wai.

Esekiel 43:3

Tama te sę yali eno nade megi ebo eno subo ąǫ yali. Te da te eno polobadu suali te na yali te na tiwai mu ma yali, te aga te Jerusalem dolainu asali sogo, tama te eno te Babilon bulu ąį Kebarde polobadu suali na tiwai ma suali. Eno te ula sulama, tama eno bogoli sugunama, tama eno gesabidi tǫba pogulama elaluali.

Hosea 6:5

Tama tibaso, te eno profet bidi dabe tagala palama, te dage po tų yabo po augwaligo dageba bomonama weyu, tama te dage dwai dene mu saibao. Dagego odalio, te mena sę eno dageba yabo te dagego koneai. Te hania mu elalubao. Tama te sę dabe e tama telalubao.

Amos 3:7

Mu tamao, tigidali sę God Genuai Bidigo yabo homu ebo sę, agai aga sę bidi dabebolo hasia po pusaibao, te profet dabeba waibao, tama nosali agai wali po gilama te sę ebo dao.

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Sekaraia 1:6

Tiali goli eno po te profet sibi dabego pedauwalidu eno pedelaibao wali te sę dabe duga wąį dabeba polo pedelai dao. Augwaligo eno augwalibolo mani te po wali pai menio. Tama tialigo augwali te dolali dao. Tama nosali augwali homu begelama augwaligo e tama po wai dao, ‘God, Tigidali Bomo Elalubo Genuai Bidi, agai dabolo wali gilama tama agai dabolo dene mawai dao. Te dena dagede tama dao,’ augwaligo te po wali,” God Genuai Bidigo te po wai.