Jems 5:4 - Godigo dwagi yai po buku

⁴ Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.

Jems 5:4 Iomraidhean Croise

Tigidali Nai Gagalama Nigali Side 4:10

Tialima, Yawego Keinbolo te po wai, “Nago magi baso te dwai dwai sę yaliwe? Te naga amago kaneme te tǫba gelali, tama te kaneme te bidi me deli dogoni tiwai elama, tama i wabo eno odali, ‘Boi eyu, Kein ela muao,’ te tiwai po obao.

Jopgo Po Asęani Elalubo Buku 34:28

Augwaligo nai meni yai bidi dabe dali dwai kolesaga yali, tama te bagego Godibolo i wali. Tama Godigo augwaligo i odali.

Jopgo Po Asęani Elalubo Buku 7:2

Da e tiwai olo sę bidigo te giliga ibaba dega sabode agai tigi dwanu kedau emai ebo. Tama da te sę bidigo aga mone sabo tonalubo tiwai dao.

Godigo Nogi Ugwaba Sabo Tęąbi Po Wabo Buku Dabe 9:12

Magi baso meni, Godigo te dene tolobo bidi homugo konebo da. Tama agai te augwaligo gela wabo te homugo me gegeda palugobeo. Agai te augwaliba dwai dene mabo bidi dabeba te dwai dene wei ponobo dao.

Ma Dobola Sali 22:27

Magi basowe, agai te ugwa deli naga elaluali, te aga hulide kedau idali weyu, tigi bea sabo ugwa dao. Te ugwa nago tolalubaso da, te aga tigi magi naigo halua selama pigowe? Te eno aga tau somainogo, agai gedu haluasa po enabolo obaso da, te eno agai gedu haluasa po wabo odaibao, magi basowe, eno tigidali we bidi olo tau sabo homu kolesaga mabo dao.”

Ma Dobola Sali 3:9

Mu tama, eno te Israel hani we bidigo gela odolama, eno suali, te Isip dabe augwaligo dwai kolesaga mu augwali dali ebo dao.

Aisaia 1:9

Ma, Genuai Bidi Tigidali Bomo Elalubo Bidigo da meba bidimainu sula tagalisąma menigi sogo da, mu tama, teda da polo dolama siligi dao, te hanu Sodom de Gomora si dolali yali tiwai gilama, polo dologi dao.

Aisaia 5:7

Te Juda we bidi, me Israel we bidi, te Genuai Bidigo Tigidali Bomo Elalubo Bidigo wain gi tiwai dao. Agai godolo mu elama, agai augwali bugagia mu tonalubo dao. Te we bidi dabego wiegi yai doloba pai kolesaga naga emaina homu ebo dao. Tiali goli, augwaligo dwai kolesaga ebo dao. Agai homugo augwaligo gasa we bidi dabe dali wiegi yai kolesaga emai homu ebo dao. Tiali goli, augwaligo gasa we bidi aiyaba elaluama, tama augwaligo augwali dali boi bidi homu kolesaga ebo dao. Tama te aiyaba elaluali we bidi dabego i wabo agai odali.

Aisaia 5:9

Eno odali, Genuai Bidi Tigidali Bomo Elalubo Bidigo te po wabo eno odali, “Mu tama, te genuai dwagi yai be dabe dolama, te olo elaluaibao. Awe, bidi dabe te wiegi yai be dabe me bidigobeo.

Jeremaia 22:13

Genuai Bidigo po ma weyu, te tama po wali, “Te aga wiegi yai genuai be sę yabo homu ebo bidi agaba te Genuai Bidigo sęgę pedalumainogo yaibao, magi baso meni, agai dwai kolesaga te we bidi dabeba yali. Aga be te genuai mu, tama te be habu ugwadu elalubao. Te aga abagi dabego agai te sę yali. Tiali goli, agai mone augwalibolo me mabeo. Menio. Augwaligo sę olo naga yai dao.

Pris Sę Ebo Bomai Po 19:13

Dagego gasa bidi me doloyu, te agai nai dabe wi me sigio. Te dagego bidi me deliba sę mawai baso da, teda dagego agai sę te ela silibo side te abelebo mone mao, te sogo piode. Dagego te mone tolalubadi be huliama te kigamude me magio,” wai.

Habakuk 2:11

Tama dagego te duga be dabe be paiyai masigi dabe augwaligo me te i weyu, te dage kisiliyu, po tų ąǫ ilaibao. Te duga be walawalago me te tobage po tiwai naga wei ponobo po waibao, dagebolo.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Matyu 9:37

Tama agai aga wali pabo bidi dabebolo te po wali, “Te nai hauwa mu te gide tau yai elalubao, tiali goli te tau yai nai sabo sę ebo bidi hauwa menio.

Dwagi Yai Gesi Po Lukgo Asęani 18:7

Te God aga sa muani we bidi augwaligo ulade me, hulide me aga hanalu wabo si, te God agai augwali tau magowe, ma magobewe? Agai bobenu bidama, tau sogowe?

Polgo Po Pas Rom Dabeba Asęani 9:29

Tama polobadu Aisaiago te po olama po wai tiwai. Agai te po wai, “Te tigidali bomo elalubo Genuai Bidi agai te dago dwasianu hani bidimainogo egi menigi sogo da, teda da mu doloyu, te bulu si nogi Sodom dali Gomora dali si tiwai pedalama, tama da mu dolai bidigi dao.” Aisaiago te po asęani.

Bomai Po 15:9

Dagego homugo te negeli yali sela sąyabo kibu be pąba yalio homu igio. Tama tilama, dagego homu dąų olama, tama abagi tau sabo hagela ebo homu igimio. Dagego te dwai homu kolesaga dagede pedalomainogo sula tagalamuo. Ma, dagego tau sabo mone agabolo mabo hagela homu yali da, teda te bidigo Genuai Bidi i olama, tama agai dage wei ponoyu, dage Godigo gedude sęgę saibao.

Kolosi 4:1

Dage sę bidi tonalubo bidi, dagego augwali tigidali dali kolesaga deli naga yao, te doloba pai kolesaga naga yao. Koneao, dage me te tonalubo Genuai Bidi elalubao, aga dagalude bidibao.