Jems 5:2 - Godigo dwagi yai po buku

² Tama dagego te wiegi yai walu dali te au dobage te nai dabe tigidali te dolama, tama damua pai dao. Tama dagego te ugwa dabe me tigidali, te asibago me te sagado dabego tula silai.

Jems 5:2 Iomraidhean Croise

Jopgo Po Asęani Elalubo Buku 13:28

Da bidi dabe dobo da, te ni pago tulama, damua pabo tiwai dao. Tama te ugwa te asoba dabego tulama, popodolo pai tiwai dao,” Jopgo te po wali.

Godigo Nogi Ugwaba Sabo Tęąbi Po Wabo Buku Dabe 39:11

Nago te bidi me deliba wado eyu, tama aga yali sę wei ponoyu ebo dao. Tama nago te agai godolo ebo nai te mu siliyu yaibao, te asobago te ugwa togobo tiwai eyu, tama te ugwa dolobo tiwai ebao. Mu tama, tigidali bidi pedauwalide te po mobo wali asobo tiwai ebo dao.

Aisaia 50:9

God Genuai Bidigo ena tau siyu, tama dego te po weyu, eno dwai sę me yalio waibawe? Ena po kisilama wali hani bage, augwali te ugwa asobago togolama silibo tiwai mu yaibao.

Aisaia 51:8

Te hani dabe te ugwa asobago tologolama, te silibo tiwai eyu dolaibao. Tiali goli, eno te we bidi dabe tau siyu ma sabo kolesaga, te me sia sogobeo. Menio. Te sesemane sogo elalua pidu elalueibao,” wali.

Jeremaia 17:11

Te bidigo kolesaga dolo isąbadi, te mone hauwa sobaso da, te aga te ba me deligo te gasa bago ge wi selama, tama te gede pedelali wai dabe sabo tiwai ebao. Te bidigo mone tigidali te aga monu dabe isąbadi hagawaibao. Tama nosali, te bidi dabego koneaibao, aga te homu kolesaga meni yai bidi tiwai yalio.

Hosea 5:12

Tama eno digi te Israel dabe me Juda dabe dolaibao, te dwai osogani me sumadigi dabego te nai dolobo tiwai yaibao,” wali.

Dwagi Yai Gesi Po Lukgo Asęani 12:33

Duga munalubo nai dabe tigidali gasa bidibolo menama, mone ge selama, nai meni yai we bidibolo maiąo. Dagego tama tiyu da, ta duga wiegi yai nai dabe dagalude muiąo. Tama tede te nai me dologobeo, bidi mego wi sogobeo, mano dabego me tugobeo.

Jems 2:2

Te bidi me deli agai wiegi yai tedela ugwa gudama, tama aga nogode te nogi wabo dwagi yai nai ring munama, tama te bidi aga dagego lotu be tomoba asiyu, tama me te nai meni yai bidi aga me meda yai ugwa gudasa dagego te lotu be tomoba asobadi da,

1 Pita 1:4

Aga bidibo digi dage maiabo nai agai dagala munama, megi bugagia tonalubo dao. Tama agai dagebolo maiabo nai te gamonabo nai dao, te dwai sęgo dolisiąbo nai dao, te nai munu me mobia pogobeo.