Jems 5:1 - Godigo dwagi yai po buku

¹ Megi eno te dage walu hauwa munalubo bidi dabe dali te po obao. Dage dwai homu eyu, te hwa weyu, gela weyu yao. Dagebolo moni dwai sęgę dali, dene dali si tamadi pedalaibao.

Jems 5:1 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 17:14

Mu tama, Genuai Bidi, nago bomogo ena tau siyu, tama bidi dabe augwaligo ena siligobeo. Ena te tǫde nai naga sisinibo bidi dabe augwaligo nogode ma sao. Nago te dwai sę ebo bidi dabego kolesaga wei ponainogo sisi yai, tialima megi augwalibolo te sę yao. Tama augwaligo wai dabe dali me tiwai, tama augwaligo wąį dabe nosali pedalubode me tama naga tiwai sę yao.

Bugagia Bidibo Kolesagade Po Asęai Buku 11:28

Te bidigo homugo te aga monego naga aga tau siyu bugagia bidibao homu ebaso da, teda aga te mu tuloluaibao. Tiali goli, te doloba pai bidi dabe da, te bugagia mu bidiyu, te gesi ni yabe elalubo tiwai yaibao.

Bugagia Bidibo Kolesagade Po Asęai Buku 11:4

Te nago masigi hauwa elalubadi digi te tagalao, tego te Genuai Bidigo nageba te dwai sę yali wei ponainu ebo sogo te nage tau me sogobeo. Tiali goli, nago te doloba pai kolesaga wali pali da, tego te nage tau selama, tama nage polo me isigobeo.

Aisaia 13:6

Dage gela bomonama wao. Magi baso meni. Te Genuai Bidigo aga tigidali we bidi po tųde dodolabo bodolu pąba polo yagasalio. Tama te sogo God Tigidali Bomo Elalubo Bidigo te genuai dolabo sę taga palaibao.

Aisaia 15:3

Tama augwaligo hobede yai ugwa dabe gudama, tama te hanu sunumi dabede bilaluali. Tagala, augwali augwa be pedude bidibo me, o deliba sisinibo pesagede bidibo me. Tigidali gela genuai mu wali. Tama gela ųga hauwa mu augwaligo gedudu tulalualio.

Jeremaia 4:8

Tama tialima, dage te homu dene ebo sogo gudubo ugwa dabe munama, te gela weyu, hobede ebo tęąbi po waiyąo. Magi baso meni, Genuai Bidigo dade haliga sębę umabo eyu, tama agai te haliga sębę ebo me tagalobeo.

Jeremaia 9:23

Genuai Bidigo te tama po wali, “Te po page koneai bidigo aga koneani kolesaga wiegi yai homu pemene igio. Tama bomai bidigo aga bomode homu pemene igio. Te mone bidigo aga monede wiegi yai homu pemene egio. Menio.

Esekiel 19:2

“Nago ida te wiegi yai hasa laion sou mu da. Aga te hasa laion omai dabe tomode bidu, tama agai aga wai dabe negelama, te augwali genuai pedelalio.

Esekiel 30:2

“Tǫde bidi, eno homugo nago ena God Genuai Bidigo po pusumainu homu ebao. Nage gela bomonama mu olama, tama hobede mu dao e po wao,

Joel 1:11

Dage te gide sę ebo bidi dabe, dage te homu dene eyu, gela waiąo. Tama dage te wain gide sę ebo bidi dabe, dage gela waiąo. Magi baso meni, tigidali wit, me bali, me tigidali nai dolalio.

Joel 1:13

Dage te altaba ofa ebo pris dabe, dagego te homu dene ebo side gudubo ugwa gudama, tama dage gela waiąo. Te hulide dagego te homu dene ebode gudubo ugwa gudama, te Godigo be tomoba pelama, tama gela udubadi, te be posoboba usu nao. Magi baso meni, te dena Godiba ofa yabo nai me wain meni yai dao.

Joel 1:5

Dage te bomai ąį tulama, gęǫ page ebo bidi dabe, hogodama gela waiąo. Dage te wain wę tubo bidi dabe, dage me gela waiąo, magi baso meni, te kuli mano dabego dagego te gesi wain ąį nigabo bono du tigidali te dolali dao.

Maika 6:12

“Te Jerusalemde bidibo mone hauwa elalubo bidi dabego te magi nai meni yai bidi dabego doado bage anoma elama, sali. Te dage tigidali te tibo po wabo bidi naga dao,” wali.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Bomai Po 32:15

“Te Genuai Bidigo we bidi augwaligo nai dabe hauwa mu sali. Tiali goli, augwaligo aga dali dwai hagoma sę yali. Augwali nai hauwa sogo mu tulama, tama augwali genuai bidi dabe mu nisali. Godigo augwali nigilali, tama aga bomogo augwali ma oda sali. Tiali goli, augwaligo aga tudiba togolali, tama aga tagalali.

Jems 1:11

Tama dago koneai. Te noswai plaua duduli wiegi yai au osogo elalubo dao. Giliga pedaliyu, te giliga posolo eyu, tama te noswai tigidali bogwa selama wa pabo dao. Tama te noswai tǫba tulaluai, tama te noswaigo au yali dolobo dao. Te tiwai te nai hauwa munalubo bidi me aga te tigidali sę yali nai dabe tagalama, tomode isiyu, te nai walu doado bage taga pabo dao.

Jems 2:6

Tiali goli dagego te magi nai meni yai bidi augwali gisugu mabo dao. Tama dagego bugagia kone palao. Te walu hauwa munalubo bidi augwaligo Godigo po wali pisiąbadi, augwaligo dage dali dwai sę haniani eyu, tama dage aiyaba elaluama, tama dagebolo sęgę mabo dao. Tama te bidi dabe augwaligo naga dage te po tų ebo digi kegasa pabo dao, augwaligo dagego nai somainogo.

Jems 4:13

Dage meba bidi dagego te po wabo dao: “Megi me, do me, da te hanu meba pelama, tama te hanude dago bisnis sę eyu, kibu be deli bidaibao. Tama dago mone ge hauwa saibao,” te po dage mebago wabo dao. Tialima eno dagebolo te po obao:

Jems 4:9

Tama duga te dwai sę ebo kolesagade homu sęgę eyu tama gela hauwa waiyąo. Tama dagego megi tama tebo kolesagade dagego dwagi yai homu eyu gisugu wai, tama dagego te dwai sęde gisugu wabo te kolesaga hasegelama, tama duga te dwai sę yalide homu begeleyu gela wao. Tama dage te megi naga wiegi yai homu te dwai sęde ebo bidi dabe, dagego te homu ebo hasegelama, tama duga te yali dwai sęde hale eyu homu dene yao.