Jems 3:9 - Godigo dwagi yai po buku

^9-10 Tama dago kelego naga po weyu, te dago po si wabo dao. Po me deli te dago Genuai Bidi dali te dago Aya God te augwali sigo nogi dago ugwaba sabo dao. Tama gasa po me dago kelego dwai po weyu, meba bidi dabe dali posobo po olama dolobo dao. Tiali goli, God agai tigidali tǫde we bidi aga tigi tiwai nigaligo da, Godigo nogi ugwaba sabo po dali, te bidi posobo dwai po wabo dali, te tiwai po si dago deli kelego olamuo. Eno ama dedeo, te dwai po wabo tagalao.

Jems 3:9 Iomraidhean Croise

Tigidali Nai Gagalama Nigali Side 5:1

Te Adamgo wąį hani dabe pedelali nogi e tama dao, Godigo bidi dali, we dali, te aga digi tiwai nigai.

Tigidali Nai Gagalama Nigali Side 9:6

Te bidigo gasa bidi ela mubosi, aga digi te bidi dabego nogode isimainogo yaibao, magi baso meni, ena God eno bidi nigali, te ena noma bidi tiwai digi nigali.

2 Samuel 16:5

Devitgo te Siba dali po miani silibo si da, teda Devit te aga hani dabe dali te Bahurim buluba pali. Augwali te pesageba sabalubo sogo, te Solgo hani bidi me deli te buluba dįą aselama, te Devit dali deli gesabidi ununani. Aga nogi te Simei, tama aga te Gerago ogwa da. Simeigo te wado po wabo sę eyu, tama dwai po Devitba weyu, tama asidualio.

2 Samuel 19:21

Tiali goli, Abisai, te Devitgo abe Seruiago ogwago, te tama po wai, “Te Simei isimaina ebo homu te wiegi yai da homu yai. Magi baso meni, agai te Genuai Bidigo nigilali kingba po dwai walio,” wali.

Tuni Bidi Dabego Po Elalubo Buku Deli 29:10

Tialima te tigidali we bidigo gedude Devitgo te Genuai Bidigo nogi ugwaba siyu, tama agai gedu haluasa po te tiwai wali, “O Genuai Bidio, nage dago wąį nǫų Jekopgo God da, da naga we bidi dabego te sesemane sogo nago nogi ugwaba sidueibao,” walio.

Tuni Bidi Dabego Po Elalubo Buku Deli 29:20

Tialima Devitgo te we bidi augwaliba te tiwai po walio, “Godigo nogi ugwaba sao, dago Genuai Bidi dao.” Te we bidi augwaligo odama, te augwa kidu sugunama, te gesabidi tǫba pǫgulali, te genuai nogi Devitba me Godiba mayu tialio, te augwaligo Genuai Bidi me augwa wąį nǫų dabego Genuai Bidi me dao.

Godigo Nogi Ugwaba Sabo Tęąbi Po Wabo Buku Dabe 10:7

Te sesemane sogo agai te gasa bidi dolomainu, agai te i ola mabo po wabo dao, tama tibo po me, te gasa bidi wi ilibo po me weyu ebo dao. Polo tama agai te dwai sę ebo kolesaga me, te haniani sę yabo po mibo sę ebo dao.

Godigo Nogi Ugwaba Sabo Tęąbi Po Wabo Buku Dabe 108:1

God, eno homu te sisi ilama, dodolali elalubao. Megi da, te eno tęąbi weyu, tama nago nogi ugwaba saibao. Ena me pigobeo, te ena hogodama tama tiaibao.

Godigo Nogi Ugwaba Sabo Tęąbi Po Wabo Buku Dabe 145:1

God, me eno tuni bidi, te eno nago genuai nogi po pusaibao. Tama sesemane sogo bidada peyu, eno nagebolo usu da po waibao.

Godigo Nogi Ugwaba Sabo Tęąbi Po Wabo Buku Dabe 145:21

Te eno Genuai Bidigo nogi sesemane sogo ugwaba saibao. Tama tigidali nai agai nigali, dagego aga wiegi yai olo bugagia bidibo nogi sesemane bidada pabo sogo ugwanu mu sao.

Godigo Nogi Ugwaba Sabo Tęąbi Po Wabo Buku Dabe 16:9

Tama tibaso, eno homu dwagi yai eyu, tama eno po wabo mobo dwagi yai homu ebo dao. Tama eno magi nai me dali wi ebo menio.

Godigo Nogi Ugwaba Sabo Tęąbi Po Wabo Buku Dabe 30:12

Tama tialima, eno pedauwali me pania sogobeo. Te eno nago nogi ugwaba sabo tęąbi po waibao. Genuai Bidi, nage eno God da, te eno sesemane sogo nageba usu da weyu, gedu haluasa po waibao.

Godigo Nogi Ugwaba Sabo Tęąbi Po Wabo Buku Dabe 34:1

Te eno Godiba usu da weyu, gedu haluasa po weyu, tama eno aga nogi sesemane sogo ugwaba sobao.

Godigo Nogi Ugwaba Sabo Tęąbi Po Wabo Buku Dabe 35:28

Tama tiyu, te eno nago doloba pai kolesagade po hanilama weyu, tama nago nogi tigidali sogo giligade me, hulide me ugwaba saibao.

Godigo Nogi Ugwaba Sabo Tęąbi Po Wabo Buku Dabe 51:14

God, nage te God nago ena ma sabo bidi dao, nago ena dali olo mabo sę tigidali dwagi yai eyu, tama nago ena ma elegio. Tama eno nago nogi ugwaba siyu, nagebolo tęąbi hauwa waibao, nago doloba pai kolesaga naga ebo dao.

Godigo Nogi Ugwaba Sabo Tęąbi Po Wabo Buku Dabe 57:8

Te ena pila mubo tagalama hodaluaibao. Eno te gita me, kulelego me, te musik waibao. Te be posa pabode, teda eno te musik waibao.

Godigo Nogi Ugwaba Sabo Tęąbi Po Wabo Buku Dabe 59:12

Sesemane sogo augwaligo te dwai sę yabo po naga weyu ebo dao. Te augwa hagoma ebo kolesagade te augwa dolomainu sula tagalao. Augwaligo te nago nogide po dwai weyu, tama sesemane sogo tibo po wabo dao.

Godigo Nogi Ugwaba Sabo Tęąbi Po Wabo Buku Dabe 62:4

Eno genuai nogi elalubadi, tiali goli, te dagego eno genuai nogi dolainu ebao. Dagego te tibo po wabo godolo homu mu ebo dao. Dagego te Godigo enaba wiegi yai sę yabo po pusai, tiali goli dagego haligade dagego te tama weyu wali, “Dago homugo te Godigo aga dolomainu homu ebao,” po wali.

Godigo Nogi Ugwaba Sabo Tęąbi Po Wabo Buku Dabe 63:4

Te eno nageba usu da weyu, tama nago nogi ugwaba sidubadi, te ena isibo siba usu naibao. Te eno nogo ugwaba selama, tama nageba gedu haluasa po waibao.

Godigo Nogi Ugwaba Sabo Tęąbi Po Wabo Buku Dabe 71:24

Tama tialima, tigidali sogo te eno te we bidi dabeba te nago doloba pai kolesagade po hanilama pusaibao. Magi baso meni, te bidi dabego ena dolainu usu sali, tiali goli, nago augwali aiyaba elaluama, tama augwali hale mu ilali.

Kolesaga Koneai Bidigo Pusali Po Elalubo Buku 7:22

Magi baso meni, nago te tiwai koneao, hauwa sogo naga digi nago gasa bidi posobo dwai po wabo dao.

Aisaia 29:13

Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.

Matyu 26:74

Tialima megi da Pitago po bomo mu elama weyu, agai tibo po obaso da, teda Godigo aga ela mumainogo eyu te po wai, “Mu tamao, eno te bidi munu me konebeo. Mu menio.” Agai te po ola silai madi, tama polo te ba kakaruk po walio.

Matyu 5:44

Tiali goli megi eno dagebolo obao, dagego duga boi bidi dali dwagi yai homu eyu tama godolo eyu yao. Tama bidi meba augwaligo dagebolo dene mobaso da, teda dagego gedu haluasa po Godibolo wao, te agai augwali dali dwagi yai sę emainogo.

Godigo Sęba Tagala Palai Bidigo Po 2:26

Tama tibaso, eno homu wiegi yai elama, tama eno tede po pusubo sogo eno bugai homu mu ebo da. Ena bidi tama dao, ena isaibao. Tiali goli, ena te po wabo da, eno God agai enabolo dwagi yai sę ebo ena tonaluaibao.

Polgo Po Pas Rom Dabeba Asęani 3:14

Sesemane sogo augwaligo dwai dwai i ola mabo po odu geyu, te bidibolo sęgę mayu tebo dao.

1 Korin 11:7

Bidigo te aga tobolu me haluamuo. Magi baso meni, te Godigo bidi nigali sogo agai aga digi tiwai nigalio, tama te bidibolo Godigo aga digi wiegi yai homu kolesaga tiwai mani. Tiali goli te we aga te aga bidigo kolesaga naga elalubo dao.

Efesus 1:3

Dago Godibolo usu da po weyu, agai nogi ugwaba sao. Aga dago Genuai Bidi Jisas Kraisgo Aya dao, agai God dao. Tama da te Krais dali wadolama, tama te da we bidigo gedugo susiąbo bomo elalubo naide, te tobage naide Godigo wiegi yai homu ilibo sę tigidali da dali yai dao. Agai te dago homu noma bidi tau somainogo eyu te wiegi yai homu ilibo sę yai dao.

Jems 1:27

Godigo gedude bidi agai wiegi yai kolesaga eyu, agai po bugagia odobo bidi agai magi dwai sę isąbo bidi, agai e tiwai kolesaga si yao: te kolesaga me e dao, niwai wai dabe meba augwa aya de ida si isiyu, tama te tiana wai dabe augwaduba naga bidibaso da, te me bidi isiyu we taga pai agaduba bidibaso me, te dago te tiwai wai dabe me, te wilawe we me augwali magi nai meni baso te sęgę sobadi tau sao. Te me kolesaga e dao: dago dena bilibo kolesaga bugagia tonalua bilao, tama e tǫde meda yai dwai kolesagago dago homu kolesaga dolidali weyu.

1 Pita 1:3

Te dago dena Genuai Bidi Jisas Kraisgo Aya God aga nogi dago ugwaba sinao. Agai da moni homu dene mu eyu, tama da tau somainogo, agai Jisas Krais te isai bidi dabe bidibo digi tomodu ma hodolali. Tebogo dabolo te gesi noma ula mawai. Tama menama, da dwagi yai homu eyu, bugagia tonaluyu bidalubao.

Te Israel Tobolu Bidi Dabe 9:27

Tialima, augwali te augwaligo wain giba pelama, tama te tau yali wain du dabe tigidali salio. Tama augwaligo te wain du pęgęlama, tama aga ąį te selama, tama augwaligo genuai nai daa tuali. Tama augwali te augwa tibo godiba lotu wabo be tempel tomoba pelama, tama augwa te nai me wę me tubo sę eyu, tama te Abimelekde dwai posobo po weyu yalio.