Jems 2:9 - Godigo dwagi yai po buku

⁹ Tiali goli, dagego bidi deli dali wiegi yai homu eyu, tama bidi me bidi dali dwai homu eyu da, te dage dwai sęgę saibao. Tama tibaso, te bomo yai pogo dage homude dene iliyu, tama te dene dagego mu siyu, tama dage te dwai sę eyu bomo yai po bolobo bage dao olama, tama dagego te sęde mu koneaibao.

Jems 2:9 Iomraidhean Croise

Pris Sę Ebo Bomai Po 19:15

“Te dagego po tų odobo si da, teda dagego te po tųde doloba pai kolesaga naga yao. Te dagego po bugagia dodolao. Dagego te magi nai meni yai bidi dabe tau siyu, te augwaligo po tų ebode ugwaba ela holomainogo elamuo. Me ma, dage te nogi yai bidide wi eyu, te augwali tau selama, te po tųde ela holomainogo elamo dao.

Dwagi Yai Gesi Po Jongo Asęani 16:8

Tama aga asobo si, tama agai te tǫde we bidi augwaligo te dwai sęde geda muani sę augwalibolo hanilagasaibao. Tama agai augwaligo dwai sę ebo page ola mawaibao. Te doloba pai kolesaga page me, te po tų ebo page me, te Mobo Bidi agai augwalibolo ola mawaibao.

Dwagi Yai Gesi Po Jongo Asęani 8:46

Dage tomode bidi me deligo te enabolo nago dwai sę yali po weyu, tama te dwai sę page agai hania ola mabo usu egobeo. Te po kedu enade meni yai po dao. Tialima, eno mu po obadi, te dagego magi baso homude dąų olama, mubewe?

Dwagi Yai Gesi Po Jongo Asęani 8:9

Augwaligo tama po odolama, tama augwali tomode te sęgę meni yai bidi meni baso, tama augwali tigidali buluba deli deli naga buluba pai. Tobolu bidi polasa pai, tama meba augwali nosali pai, te po tų ebo tagalama, tama augwali Jisas taga pai. Tama Jisas agaduba deli digi bidai, tama te we Jisas aga gesabide dolaluai.

Godigo Sęba Tagala Palai Bidigo Po 10:34

Te Pita agai po wabo sę gagalali, “Mu tama dao, megi eno koneanio. God agai deli hani naga homu ebeo. Te mu menio.

Polgo Po Pas Rom Dabeba Asęani 3:20

Magi baso meni, te bomai po wali pabo kolesagade te bidi deli agade Godigo ‘Aga doloba pai bidi dao’ po me wagobeo. Te bomai pogo dena dwai sę ebo kolesaga denabolo hania mu ola mayu ebo dao, te tama sę naga te bomai pogo ebo dao.

1 Korin 14:24

Tiali goli, dage tigidali deli deligo Godigo po dena pogo pusubaso, tama Kraisba augwa homu musiąwani bage, ma bugagia konesiąwani bidi me deli, aga te tomoba asobaso da, teda dage tigidaligo pogo te bidi homude enaibao, tama dage tigidaligo pogo aga po tų ela mabo tiwai eyu tama aga koneaibao, Godigo gedude aga dwai sę yali sęgę elalubao.

Galesia 2:19

Tama eno te bomo yai po nedeyu tama te nedebogo eno koneani, eno te bomo yai po dabe bolama, tama eno Godigo gedude dwai sę yai dao, tama agai ena sęgę mawaibao, te eno konea sali. Tama koneyu, eno te me koneani, eno te dena wąį dabego bomo yai po wali peyu, tama tedu ena Godigo gedude te doloba pai bidi munu me pedalogobeo. Tama tibaso, megi eno Godigo po wali peyu aga sę eyu bidibo dao. Tama ena te bidi Jisas dali te ni pedaide isali tiwai ebo ąǫ te homu ebo dao.

Bomai Po 1:17

Dagego te tigidali bidi dabe te deli kolesagago naga dodolao. Te aga genuai bidi me, ma olo bidi me. Tama dage bidi me delide wi me elamuo. Magi baso meni, God aga digi dagego homu kolesaga te po tų ebode dodolaibao. Ma, te sęgę genuai mu me elalubaso da, tama dodolabo usu isąbaso da, teda dagego ena pageba odasa asao, teda eno po tų odaibao.’ Eno augwalibolo te tama po walai dao.

1 Jon 3:4

Dwai sę ebo bidi, agai Godigo bomo yai po olo oda tagaluyu sela sąbo bidi dao. Magi baso meni, te dwai sę ebo kolesaga page da, te Godigo bomo yai po bolobo kolesaga dao.

Jutgo Asęani Pas 1:15

Tama aselama, tama agai te we bidi tigidali osola sueibao. Tama osola sulama, agai augwaligo aga tudiba muani bidi tebolo augwaligo sęgę hania ola mawaibao. Tama augwaligo Godigo po oda tagalama te dwai sę eyu, tama te God tagalali bagego dwai sesena pai nogi posobo po agade odu geai. Tama te yali sę tigidali me, te wali dwai po tigidali me wei ponoyu, tama Godigo augwali dene mawaibao,” te bidi Inok agai te po polobadu wai.