Jems 2:6 - Godigo dwagi yai po buku

⁶ Tiali goli dagego te magi nai meni yai bidi augwali gisugu mabo dao. Tama dagego bugagia kone palao. Te walu hauwa munalubo bidi augwaligo Godigo po wali pisiąbadi, augwaligo dage dali dwai sę haniani eyu, tama dage aiyaba elaluama, tama dagebolo sęgę mabo dao. Tama te bidi dabe augwaligo naga dage te po tų ebo digi kegasa pabo dao, augwaligo dagego nai somainogo.

Jems 2:6 Iomraidhean Croise

Jopgo Po Asęani Elalubo Buku 20:19

Agai te tama tiaibao. Magi baso meni. Augwaligo nai meni yai bidi dabe hobede isąma yali pode. Meni. Augwaligo augwalide dwai sę yali. Tama haniani tibo sę elama, tibo po olama, gasa bidigo be dabe sali.

Godigo Nogi Ugwaba Sabo Tęąbi Po Wabo Buku Dabe 10:10

Te dwai sę isiąwai bidi dabe mu dolama, tama pila mudali. Te dwai bidigo genuai bomogo te augwali aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 10:14

Tiali goli, menio. God, nago te dwai sę ebo bidi dabego kolesaga subo dao. Tama da gasa we bidi dabeba te sęgę me dene mabo, te nago koneani, tama nago da tau sainu sisi yai. Te bomo meni yai bidi aga digi te nage nogoba muani, magi baso meni, te sesemane sogo nago te magi nai meni yai bidi tau sabo dao.

Godigo Nogi Ugwaba Sabo Tęąbi Po Wabo Buku Dabe 10:2

Te dwai bidi dabego te hagoma eyu, tama te magi doado bage meni yai bidi dabe pobeasa biliyu, te augwali dolainu ebo da. Augwa te gasa bidi dabe kalabus ilainu, te nigali tǫ dedageba te augwa digi teba tulolumainao.

Godigo Nogi Ugwaba Sabo Tęąbi Po Wabo Buku Dabe 10:8

Te bidi te bidibo be nani pesage tomode geme dulaluyu, tama te dwai sę isąwai bidi dabe asobo tonaluama, tama augwali ela mubo dao. Aga te geme dulaluyu, tama te bomo meni yai bidi dolainu tonalubo dao.

Godigo Nogi Ugwaba Sabo Tęąbi Po Wabo Buku Dabe 12:5

Tiali goli, Genuai Bidigo te tama po wai, “Te megi da, ena asaibao, magi baso meni, te magi doado bage meni yai bidi dabe te bidi dabego aiyaba elaluai. Tama te dene me sęgę tolali bidi dabe, te augwaligo gela udali. Te eno augwali te bugagia bidabo te augwa sainu tonaluali madi, teba muaibao,” wali.

Godigo Nogi Ugwaba Sabo Tęąbi Po Wabo Buku Dabe 14:6

Te dwai sę ebo bage augwaligo te nai meni yai bidi dabego yainogo ebo sę dali gisugu mabo dao. Tiali goli, Genuai Bidigo te nai meni yai bidi dabe augwali bugagia tonalubo dao.

Bugagia Bidibo Kolesagade Po Asęai Buku 14:31

Godigo tigidali bidi nigali, tama tiyu, te bidi me deligo te magi doado bage meni yai bidi dabe aiyaba elalubaso da, agai te God aiyaba elalu dolobao. Tiali goli, te magi doado bage meni yai bidi dabe bugagia wiegi yai ilibo kolesaga ebo bidi da, agai te Godiba genuai nogi mabo dao.

Bugagia Bidibo Kolesagade Po Asęai Buku 17:5

Godigo tigidali bidi nigali. Tama tiyu, te bidi me deligo te magi doado bage meni yai bidi dabeba te dwai posobo po obaso da, te agai Godiba te dwai posobo po obao. Te bidigo suali, te gasa bidi dolai baso, te aga homu wiegi yai pemene ebaso da, te aga digi dwai dene saibao.

Bugagia Bidibo Kolesagade Po Asęai Buku 18:23

Te magi nai doado bage meni yai bidigo te nagame yai po dua digi te mone hauwa elalubo bidi dali weyu, tama agaba hanalu te aga tau somainu yali. Tiali goli, te mone hauwa elalubo bidigo te sesanobo po bomonama agaba wei ponobo dao.

Bugagia Bidibo Kolesagade Po Asęai Buku 22:16

Te bidigo te magi nai doado bage meni yai bidi dabego nai dabe sainogo te augwaliba dwai sę ebaso da, ma te bidigo te mone hauwa elalubo bidiba te wiegi yai homu ilibo nai mobaso da, teda te aga digi te magi nai doado bage meni yai bidi tiwai pedelaibao.

Bugagia Bidibo Kolesagade Po Asęai Buku 22:7

Te mone hauwa elalubo bidi dabego te doado bage sǫą pabo bidi dabe tonaluaibao. Tama te negeli elalubo bidi dabe augwali te negeli mani bidi dabego olo sę ebo bidi tiwai bidaibao.

Kolesaga Koneai Bidigo Pusali Po Elalubo Buku 5:8

Gavman bidigo te magi nai meni yai bidi dabeba sęgę mabo nago subaso, te nage homu dwagila hogodigio. Ma, te po tų ebode augwaligo po bugagia dodolisąma, te olo bidi bugagia dugulaluabo sę isiąbaso da, teda tede noma sigio. Magi baso meni. Te kolesaga page e tiwai elalubao. Te ofisa dabego te tobage kolesaga ebao, augwali te augwa bos tonalubo bidigo osolama, te augwaliba sęgę muani. Tama te bos tonalubo bidi dabe augwali tobolu ugadu elalubo bidi dabe bidibaso, te augwaligo me te tobage deli tigi poai kolesaga ebo dao.

Aisaia 53:3

Te bidi dabego aga tudi ola menama, te aga begela dolama, te aga godolo mu me isąwai. Sesemane sogo agade te homu dene me haniani sęgę pągąnaluali. Augwaligo aga tudiba mu muanio. Te dago aga te olo bidi me tonobo tiwai yai dao.”

Amos 4:1

Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.

Amos 5:11

Me, dagego te magi nai meni yai bidi dabego nai sainu anoma eyu, te dagego augwaligo tubo nai wi sabo dao. Tama tiyu, dagego augwali agabo dao. Tama tibaso, dagego dwagi yai be dabe masigigo sę yani goli, dage te bede bidigobeo. Te dagego wiegi yai wain gi bulali goli, dagego te gi dabede wain ąį me tugobeo.

Habakuk 3:14

Te boi bidi dabe, augwali te genuai wali asobo tiwai yali, te da gasaba tedela palainogo tiali. Augwaligo da aiyaba elalualide wiegi yai homu pemene yali, te dwai sę ebo bidi dabe geme duala selama, te magi nai meni yai we bidi augwaliba dwai sę yainu tonalubo tiwai ebao. Tiali goli, nago te boi bidi dabego ami tobolu bidi kepten te aga ene dabego digi ma enanio.

Sekaraia 7:10

Dagego bidi isai wilawe we dabe dali dwai sę me elamo dao. Me dagego wai puluba augwa aya isai wai dabe dali me dwai sę me elamo dao, te digibulu bidi dage dali bidagasali te we bidi dabe dali me dagego dwai sę me elamo dao, me te nai dabe habuge yai we bidi dali me dwai kolesaga elamo dao. Tama dagego duga deli hani bidi dabe dolainu homu elamo dao,’ eno te po mawai dao,” Genuai Bidigo enabolo wali.

Dwagi Yai Gesi Po Jongo Asęani 8:49

Jisasgo po wei ponoyu, te po wai, “Enade dwai haubo mobo bidi me bidibeo. Eno ena Ayago nogi ugwaba sabo dao. Tiali digi, dagego eno nogi posobo dao.

Godigo Sęba Tagala Palai Bidigo Po 13:50

Tama te Antiok be nanide te Juda hani isąwai genuai we dabe bidali. Tiali goli augwaligo Godibolo lotu po wabo dao. Tama te Juda dabe augwaligo te nogi yai we dabe dali, te kaunsil bidi dabe dali tigidalibolo bidi geme posobo po wali, Pol dali Barnabas si elemainogo yai. Tama augwaligo tega si gasa tǫba gudulali.

Godigo Sęba Tagala Palai Bidigo Po 17:6

Tiali goli, augwaligo tega si gegali munu me sube. Tama tibaso, augwaligo Jeson badi, me badu Jisasgo po wali pabo bidi dabe badi, augwaligo te bidi dabe nogo tulama, te bulu page bidi kaunsil bidi pageba odasa pali. Augwaligo moni dagą bomai mu weyu, te po wali, “E bidi dabe augwaligo gasa kolesaga eyu, tigidali bulude bidibo we bidi dolobo dao,” wali.

Godigo Sęba Tagala Palai Bidigo Po 18:12

Te nosali te bidi me deli nogi Galio, te Rom gavman genuai mu tobolu bidi dabe augwaligo te bidi Galio te Grik tǫ tonaluabo tobolu bidi nigilali. Tama te sogo te Juda hani augwali sisinama, Pol selama, augwaligo aga po tųba odasa pali.

Godigo Sęba Tagala Palai Bidigo Po 8:3

Tiali goli, Sol agai homugo te Jisas wali pabo we bidi tigidali eno ela silaibao, te homu yai. Tama agai te be deli deliba pelama, Jisasgo po wali pabo we bidi tigidali naga agai augwali nogo aligabo dunama, kalabus beba mugi pali, we dabe me, bidi dabe me.

1 Korin 11:22

Magi basowe? Te dagego nai tuyu wę tuyu yabo be elalubao. Te duga bede duga nai hasia tuao, tama nosali deliba sisinama te komunion nai tuao. Ma, dagego homugo te Godigo po odobo we bidi te olo nai tiwai da homu elama, tama dagego te meba nai meni yani ama dedebolo hale mabo homu eba, agawe? Tede eno mena po dagebolo wagawe? Ma, eno dage nogi ugwaba somainogowe? Menio. Te sęde te eno dage nogi ugwaba munu me sogobeo.

Jems 2:3

tama dagego te dwagi yai ugwa gudai bidibolo te po weyu, “Nage te dwagi yai ni namide duayao,” te po wai. Tama te ugwa meda yai bidibolo dagego “U badu dolaluao, tama nage ena pagede degedude dulaluao,” te po wai.

Jems 5:4

Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.

Jems 5:6

Dagego te wiegi yai doloba pai bidi dabe po tų elama, te bidi dabe augwali ela muai. Tama dagego augwali dali te dwai sę ebadi yaide, augwaligo dage dali po wei ponobo usu ebeo.