Jems 1:24 - Godigo dwagi yai po buku

²⁴ Agai aga gesabidi polo sulama, tama bedu buluba teda pelama, aga gesabidi suali ma polo gegeda pabo dao, eno gesabi mena tiwai suali wagawe homu ebo dao.

Jems 1:24 Iomraidhean Croise

Matyu 8:27

Tama augwali moni noma siyu, tama augwaligo te po wali, “E bidi da, aga te mena tiwai bidi weyu, tama te wali de te wę sigo agai po odali dawe?” augwa hasi te po hanalu wai dao.

Dwagi Yai Gesi Po Lukgo Asęani 1:66

Augwaligo te po odobo si, monu pomo mu ebaso, augwaligo te po wali, “Te wai nosali mena tama tiwai wai bidigowe?” wali. Genuai Bidigo bomo aga dali bidibo augwaligo koneanio.

Dwagi Yai Gesi Po Lukgo Asęani 7:39

Tama Jisas i wali Farisi bidigo aga homude ‘E bidi Godigo po ola mabo bidi tigi sogo da, teda te mena tama bilibo wego ena dią yagasobo we homu egi dao, ma mena tama bidibo we yaliwe wagi dao,’ te Farisi bidigo te homu yali.

1 Tesalonaika 1:5

God agai dagebolo te homu yali dago mena tama koneaniwe? Dago te Godigo po dagebolo pusagasali sogo, te olo po dali naga wagasai menio. Te pode Godigo Mobo Bidi agai bomo mu eyu, tama dagego te po mu po dao homu yali, te dagego te pode homu si ebeo. Duga digi dago dage dali hodobo bidiyu tau sabo kolesaga, te dagego konebo dao.

Jems 1:23

Niwai bidi agai Godigo po ologo naga odama, agai te po wali pisąma ebo bidi, te aga digi gesabidi te duluade subo bidi tiwai dao.

Jems 1:25

Godigo wiegi yai doloba pai bomo yai po te bomo yai pogo da we bidi tau siyu, tama da bugagia bidiyu, tama da magi nai mego da kalabuside bidibeo. Tama niwai bidi me agai te Godigo bomo yai po page bugagia osola susa pelama, tama te bidi agai te po olo naga odola tagalobeo, menio, te bidi agai te bomo yai po wali pabo dao. Te tiwai bidi Godigo tau siyu, tama te bidi aga bugagia bidiyu, aga ebo sęde tigidali aga homu wiegi yai yaibao.

2 Pita 3:11

Tama te nai dabe tigidali tama tiwai ela silaibao. Tama tibaso, dage kone paliąo, te dage magi we bidi megi bidaibawe? Dage te wiegi yai tedali kolesagade biliyu, tama Godigo kolesaga naga tigidali wali piąo.

Te Israel Tobolu Bidi Dabe 8:18

Nosali Gideongo te Seba de Salmuna sibolo te tiwai po hanalu wali, “Te Tabor bulude, te dage sigo ela muani bidi dabe, te augwaligo gesabidi te mena tiwai yaliwe?” Tama augwali sigo te tiwai po wei ponai, “Te augwaligo gesabidi te nago gesabidi naga tiwai. Augwali tigidali te king bidi deligo wai dabe tiwai dao,” wali.