Hosea 9:9 - Godigo dwagi yai po buku

⁹ Dagego te dwai kolesaga sesemane sogo ebao, te duga wąį nǫų dabego polobadu te bulu Gibeade yali sę tiwai yai. Tama te Godigo dagego yali dwai sęgę te homu kone paliyu, te agai dageba dwai dene mu mawaibao.

Hosea 9:9 Iomraidhean Croise

Ma Dobola Sali 32:7

Tama Genuai Bidigo Mosesbolo te po wai, “Nage polo e bulu dude bidali tagalama, aba dulao. Te naga Isipde odasa asali we bidi dabe augwaligo dwai kolesaga hauwa megi ebao.

Aisaia 24:5

Te tǫ te we bidigo dwai meda yai kolesagago meda ilalio. Augwaligo te Godigo bomai habu selali poba tudi ola menama, tama agai po sela sąnama, tama augwaligo God aga dali dąų walali po toga sąyu yai dao. Teda te aga dali tigidali sogo bidiabo dąų wali po augwaligo sela sąwai dao.

Aisaia 31:6

O dage Israel dabe, dagego Genuai Bidigo po sela sąbo dao. Tiali goli, dage mu begelama, tama agaba ma asiąo.

Jeremaia 14:10

Tialima, Genuai Bidigo te tiwai po wali, “Te we bidi hani, augwa te wau bilabo homu godolo ebao. Te augwa bilibo bugagia me tonalubeo. Tama tibaso, ena, Genuai Bidi, eno wiegi yai homu pemene augwaliba me ebeo. Megi da, eno augwa ebo dwai kolesagaba kone palama, te eno augwaliba te tigi dene mabo sę yaibao,” wali.

Esekiel 21:28

Genuai Bidigo po ma weyu, te tama wali, “Tǫde bidio, eno homugo nago po me deli te Amon dabe pusao homu ebao, te augwaligo Israel dabeba dwai po wabo bidi dabe da. Ena God Genuai Bidigo eno te tama po augwaliba obao. Augwaligo eno bainat hwą meda bugagia mu holama, te gegemani ula gasagi yai eyu, te dula gegemani ula tiwai yali. Tama agai te bidi elabo sisi elalubao,” wai dao.

Hosea 10:9

Tialima, Genuai Bidigo te po wali, “Polobadu te Israel dabego te Gibeade enaba dwai sę yali, tama augwaligo te kolesaga tagalobeo. Tialima, te boi bidi dabego te Israelba hwįagaselama, tama te hwį hwį pali, te Gibeaba usu nigi paibao.

Hosea 4:9

“Tama tibaso, eno te we bidiba dwai dene mayu, te augwali dolaibao, tama dage pris dabe me te sabo dene tiwai saibao,” wali, “te eno dwai dene mabo sę dageba eyu, te dagego yali dwai kolesaga wei ponoyu tiaibao,” wai dao.

Hosea 5:8

“Dage Gibea, dage Rama, dage Betel, dage Benjamin, te bu wabo nai biugel bu waiąo. Bomonama i wao. Udada peyu, te boi hwiąo.

Hosea 7:2

Eno augwaligo ebo kolesagade homu kone me gegeda palogobeo. Menio. Tiali goli, augwaligo te sę yali homu kone palisąwai. Te augwa ebo dwai sęgęgo te augwali mesegelali, tama sesemane sogo eno te sęgę naga sudu gebo dao.” Genuai Bidigo te po wai.

Hosea 8:13

“Augwaligo te ofa hauwa eyu, te ofa ebo mi tubo dao. Tialima ena, Genuai Bidi, eno augwaliba te wiegi yai homu pemene me ebeo. Tibaso, megi da, eno augwa yali dwai sęde homu kone palama, te dene mawaibao,” wali. “Te eno augwali Isipba ma kalabus igi pomainu tagala palaibao,” wai.

Hosea 9:8

Godigo digi te dage aga we bidi dabeba te profet bidi nigilama, te bomai po pusagasomainu tagala palali. Tiali goli, te ena bilibo badu te tigidali badu, dagego ena te umbengo te ba tola sabo tiwai emainu homu yai. Te Godigo tǫde digi dagego enaba boi bidi ebo dao.

Sefanaia 3:7

Eno homugo te eno we bidi dabe augwaligo eno te kolesaga sulama, tama augwali ena dologode bidigowe homu yali, tama eno augwali dodolomainu sula tagalogowe homu yali. Tialima, augwaligo eno augwalibolo polobadu ola mani nai dabe bugagia koneyu da, teda eno augwali me dologobeo. Me eno augwaliba dwai dene magi menigi da. Tiali goli, augwaligo eno ola mani po odobeo. Menio. Deli sogo tama augwali hogodama, tama augwaligo bomonama, augwa polobadu yali dwai kolesaga edelama mu yalio,” te po obao.

Te Israel Tobolu Bidi Dabe 19:12

Tiali goli aga mama monugo te po wai, “Menio, da te Israel hani ąǫ isiąwai bagego hanude me bidigobeo. Te da dwasianu ma pelama gana te Gibeade ma Rama tede piaibao,” wali.

Te Israel Tobolu Bidi Dabe 19:16

Augwali tede duadalaludubadi, tama monu dabe bidi me deli asali. Te aga gide sę yali silama, tama aga ma asali. Te bidi te Efraimgo te bage bulude bidai bidi, tiali goli aga aselama, te Gibea buluba bidagasali. Tama te Gibeade te Benjamingo hani bage bidaluai.

Te Israel Tobolu Bidi Dabe 19:22

Te augwali wiegi yai homu pemene elama bidibadi, tama te hanude dwai kolesaga ebo bidi meba aselama, te be bagua sagaselama, tama te be sunumiba bebego wabo sę iduali. Tama augwaligo te monu dabe bidiba po waliyu, te po wali, “Te nago bede nage dali bidibo bidi, te aga buluba dinao. Te dago aga penani yaio,” wali.

Te Israel Tobolu Bidi Dabe 20:43

Te Israel dabego te Benjamingo hani dabe pobeasa pelama, tama augwali te Nohade ela muna muna pidubadi, te Gibea pedai badu te giliga pedalubo pedaiba sabolali.