Hosea 9:2 - Godigo dwagi yai po buku

² Tiali goli, pąde sogo dage te nai sǫą peyu, te oliv wel me wain meni yaibao.

Hosea 9:2 Iomraidhean Croise

Tigidali Nai Gagalama Nigali Side 50:10

Augwali tama pelama, tama te wit penibo pesage te Jordan ąį u badu, te augwali Atat teba pedelali sogo, augwaligo te bobage sesabi ebo gela genuai te bidi pubalubo gela tiwai wali. Tama Josepgo te homu dene ebo kolesaga elama, tama aga gela udubadi, te a naga olama, me badu nogo si sogo bidali.

Hosea 2:11

Te eno agai te wiegi yai homu pemene ebo te genuai side wabo te tigidali mu silimainu yaibao. Te genuai side da wabo te tiwai, te lotu wabo genuai side te deli deli kibu bede pedalu, te deli deli poluade pedalu yai, tama te Sabat side lotu wabo me, te gasa tobage lotu dabe me, te tama tiwai yai.

Hosea 2:12

Te eno te wain ni dabe, me te ni fik kaya ni dabe te bidi dabego aga wei elama, aga mani, te aga mone mabo tiwai yai, te nai dabe eno mu dolaibao. Tama te uni hasa dabego te wain gi dolagaselama, tama te ni kaya fik gi me dolama, te olo bus tiwai pedelaibao,” wali.

Hosea 2:9

Tama tibaso, te gide nai inilama sabo side, eno te nai dabe me wain agabolo mani nai te eno ma saibao. Tama aga tigi bolo olo elalu idali weyu, eno te gudubo ugwa dabe polobadu mani. Eno agabolo te mani gudubo wiegi yai ugwa dabe me ma saibao,” wali.

Amos 5:11

Me, dagego te magi nai meni yai bidi dabego nai sainu anoma eyu, te dagego augwaligo tubo nai wi sabo dao. Tama tiyu, dagego augwali agabo dao. Tama tibaso, dagego dwagi yai be dabe masigigo sę yani goli, dage te bede bidigobeo. Te dagego wiegi yai wain gi bulali goli, dagego te gi dabede wain ąį me tugobeo.

Hagai 1:9

“Dagego homugo duga gide bulali nai umabo sainu homu te yali, tiali goli nai umabo mu me pedalobeo. Tama dagego te nai dabe beba sesebaso da, te nai polo sia sabo bage e tiwai dao, te nai dabe te eno mobogo sela sąbaso peyu te yali,” wali. “Odao. Eno tama yali da, magi baso meni, dage tigidaligo te duga digi bidabo be sę ebo sęde dene mu yalio, tiali goli dagego te eno be tologa pai dwai mu elalubo da, tede dagego homugo kone palobeo.

Hagai 2:16

Dage te pelama, te nai pesage me deliba pai, tama dagego homugo te me si me si tama begde nai bubo usu yaiba, tama tiali goli te nai da te beg si naga bubo usu yai dao. Tama dage te wain wę manobo tank wę elalubo madigi pelama, dagego homugo te nogo si sene genage wain wę pągąwaiba homu elama, tama tiali goli te wain węgo da, te sene genage me si me si tama pągąbo usu yai dao,” wali.