Hosea 9:16 - Godigo dwagi yai po buku

¹⁶ Te Israel dabego wai ame nabo usu isąwaibao, augwali te ni me deli te ni sele ąį wa pelama, te nai walisąbo tiwai yaibao. Tialima, te mebago wai ame nobaso da, teda augwaligo te godolo homu mu ebo wai dabe te eno ela muaibao,” te po wai dao.

Hosea 9:16 Iomraidhean Croise

Tigidali Nai Gagalama Nigali Side 41:23

Nosali te gasa a naga olama, me si te yuyu sia pedelali. Augwali te dwasianu holama, tama te bulude posolo yai waligo augwali ulama, tama sasia pali.

Jopgo Po Asęani Elalubo Buku 18:16

Dwai kolesaga ebo bidi dabe da, mu sia saibao, te ni aga pedali dali, nologo dali si sasia pelama, damua pabo tiwai yaibao.

Aisaia 40:24

Augwali te plaua dabe te bidigo tamadi tama bulama, te augwa sele aiyaba dulusiąwai tiwai elalubao. Te Genuai Bidigo bomai posolai wali tagala palobo sogo, augwali te deli sogo polo tama sasia pelama, te baguasa pabo waligo augwali te hogomu sela pabo tiwai ebo dao.

Aisaia 5:24

Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

Esekiel 24:21

te dage Israelba te po pusao wali, Godigo te tama po wali, ‘Dagego God eno moni tempel bede wiegi yai homu pemene eyu, tama dagego te po weyu, te bomai dila pai be mu da, wali. Tama te be dagego godolo mu ebao. Tiali goli, eno te be dolaibao. Te dage hani wai dabe te Jerusalemde me bidalubo te boi hwįnama dolaibao.

Hosea 5:11

“Te Juda dabego genuai sęgę te Israelba mawai. Te Israel dabe te gasa king meba bidiboba pali, tama augwaligo te augwali tau saibao homu yali. Tiali goli, te king dabe te olo bidi tiwai, tama augwali tau sabo usu meni yai.

Hosea 8:7

“Augwaligo ebo dwai kolesaga te dwasianu naga dao, te dwasianu wali asobo tiwai naga dao, augwaligo te homu ebo dao. Tiali goli, nosali te kolesaga ebode augwali dolaibao, te pobegebo wali genuaigo te bidi dolobo tiwai yaibao. Tama augwali te wit gide te nai walisąbo tiwai eyu, tama te bret nigabo wit meni yani. Tialima, te dwai witgo nai me pedai badu waligi sogo da, tagalao, te gasa badu tǫ kantri bidi dabego naga tuagasigi da,” wai dao.

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Bomai Po 32:25

Tama genuai wąbi hwįbo si asobo suaibao. Te tama tialima, augwali sunumide bidali da, te boi bidi dabego augwali elama, isilaibao. Tialima, augwali bede geme dualaluyu da, augwali wi dwai mu yaibao, tama augwali me isaibao. Te boi bidi dabe augwaligo augwali sese tama ela isila silaibao, te gesi bidi, me gesi wegi, me wai bǫų dabe, me polo monu dabe me ela silaibao.