Hosea 9:11 - Godigo dwagi yai po buku

¹¹ Te Israelgo bomo te ba bola pabo tiwai elama, augwaligo bomo hagawaibao, tama silaibao. Tama te we dabe sibigo te haliga me isąma, te wai me ame nogobeo,” wali.

Hosea 9:11 Iomraidhean Croise

Tigidali Nai Gagalama Nigali Side 41:52

Agai te tiwai po me wali, “Godigo te ena e sęgę sali bulude tau siyu, tama te agai enabolo te gasa wai me mani.” Tama tibaso, agai te aga tomo ogwa nogi te Efraim poali.

Tigidali Nai Gagalama Nigali Side 49:22

“Josep te bidigo tonalusiąbo donki me deli tiwai. Aga te wę ulu sesegede bidibo donki me deli tiwai. Aga te bulu du pedai badu bidibo, te ogwa bidi hos me deli tiwai dao.

2 Samuel 6:23

Tama Mikal, Solgo wegi, te aga wai me ame nisąbadi, te aga isibo sogoba usu nani.

Jopgo Po Asęani Elalubo Buku 18:5

Dwai kolesaga ebo bidi dabe augwali dene sabo dao. Godigo augwali silibo da, te bidigo lam sole sula sabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 58:8

Eno homugo augwali te ma damubo tiwai gilama emainao, moni dwai kukumini emainao. Tama augwali te wai idago haligade isibo tiwai emainao. Nosali idago aga ame nenama, tama te waigo giliga susiąbo tiwai emainu yao.

Kolesaga Koneai Bidigo Pusali Po Elalubo Buku 6:3

Te bidi me deligo wai dabe te bidi sese a naga, te 100 elaluali bidi te kibu be hauwa bidali. Tiali goli, aga wiegi yai doado bagede wiegi yai pemene isąyu, tama te aga isibo sogo augwaligo aga bugagia me pubalusiąyu da, teda te dwai mu yali. Eno mu po tama obao, te wai bǫų me deli aga idago haligade isali waigo, agai te bidi aiyaba elalualio, te bidi te umabo hauwa kibu be te tǫde bidali digi tagalao.

Aisaia 17:3

Te boi bidi dabego te Israel dabego bomai hanu dabe dolaibao. Tama me ma, augwaligo te Damaskus we bidi tonaluaibao. Megi da, Israel de Siria si genuai nogi elama, genuai we bidi hani hauwa te bidibao. Tiali goli, te bulu si dolama, tama dwasianu we bidi hani naga tede bidaibao. Ena Tigidali Bomo Elalubo Genuai Bidigo eno po polo wai dao,” wali.

Hosea 10:5

Te bulmakau gol Betelde elaluali te dolaibao, tama te taun Samariade bidali we bidi te augwali wi elama, te bulmakaude homu dene yaibao. Te tibo godide sę ebo we bidi, me pris dabe, augwali agade te homu dene eyu, gela waibao, magi baso meni, te Asiria dabego aga au dobage hųgia sąnama, te aga dolaibao.

Hosea 4:7

“Dage pris te hauwa mu pedelali, tama tiyu dagego dwai sę hauwa mu yali. Megi dage genuai nogi elalubo, tiali goli te eno dage aiyaba elaluama, tama dage dwai hale mu yaibao,” te po wai.

Hosea 5:9

Te dwai sę wei ponobo side naga te Israel dabe mu dolaibao. Eno te po dage Israel haniba pusubao, mu tamao, te eno wali gilama te sę pedelaibao,” wali.

Hosea 9:14

“Tama tialima, eno nageba hanalu obao, te nago magi sę te Israel dabeba yaibawe? Nago te we dabe sibigo te wai ame nomainu me iligio. Te dwasianu wai dabe elalubo we dabego ame te nago ame pę wa palama, te augwa wai dabeba te ame mabo usu meni emainu ilao,” po walio.

Amos 1:13

Genuai Bidigo wabo po e dao, “Hauwa sogo te Amon we bidi dabego dwai sęgę sabo sę idu geai. Augwaligo te tebode dwasianu toma me nabeo. Menio. Augwaligo te tǫ dage me badu sainu, boi hwįbo sę ebadi, te tǫ Gileat bulude augwaligo te wai haliga elalubo we dabe haliga hwągo aluali. Tama tialima, mu tama, eno te Amon dabeba dwai sęgę mabo dene mawaibao.

Dwagi Yai Gesi Po Lukgo Asęani 23:29

Odao. Nosali te sogo pedelaibao, tama augwaligo te po waibao, ‘We dabe augwali wai ame nisiąbo we dali, te wai ame nisiąwai we dali, te we dabe augwali wai ame masiąwai we dali, te augwali dwagi yai homu mu yagameo.’

Bomai Po 28:18

“Godigo dage dali dwai sę elama, tama dagebolo wai bǫų dabe hauwa me magobeo. Tama dagego gi dabe mu dwai mu yaibao, tama te kau kibu me sipsip kibu dabe hauwa me ame nogobeo.”

Bomai Po 33:17

Te Josep hani augwali bomo elalubo, te bulu uni kau kibugo tobolude gąų holai tiwai elalubao. Te Josepgo ogwa me Manase, te hani we bidi augwali te kau kibugo tobolu gąų me deli tiwai dao. Tama me te Josepgo gasa ogwa Efraim aga we bidi hani tausen hauwa te kau kibugo me tobolu gąų tiwai dao. Tama te tobolu gąų sigo te gasa we bidi hani enebo dao, tama augwali popogolo pelama, te tǫ sabiba usu nigi paibao,” wali.