Hosea 9:1 - Godigo dwagi yai po buku

¹ Israel dabe, dagego te wiegi yai kolesaga wali pisąbo te haiden bidi dabego ebo kolesaga te dagego te genuai nai daa tuyu, te lotu wabo sogo ebo kolesaga tagaliąo. Magi baso meni, te dagego duga God tudiba munama, te dagego aga wali me pabeo. Te tigidali badu, dagego te Balba lotu weyu, te sunumide penani ela bilibo wego ebo kolesaga tiwai ebao. Tama te penani ebogo te mone sabo sę tiwai ebo dao.

Hosea 9:1 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 73:27

Mu tama, te nage tudiba mubo we bidi dabe, teda augwali mu hagawaibao. Tama nage polobadu te wali pali bidi dabe, tama megi te augwaligo nage tagalubaso da, teda nago augwali dolaibao.

Jeremaia 2:19

Naga digi ebo dwai kolesagade te nageba dwai dene mawaibao. Nago ena tudiba mubaso, tama naga te kolesagade nageba wado ilaibao. Nago ena Genuai Bidi tagalu, te nago God, te nago ena dologoba me bidagasobe. Tama nago bugagia homu kone palama, koneao, nago te dwai kolesaga dabe mu ebogo te nageba dwai dene mobao. Ena God, Tigidali Bomo Elalubo Genuai Bidi, eno te po wai dao.”

Jeremaia 2:20

God, Genuai Bidigo po ma weyu, te tiwai po wai, “Israel, odao. Polobadu digi nago enaba hagoma eyu, tama nago eno nageba mani sę tagalai, tama nago te po wali, ‘Eno nago sę munu ma egobeo,’ wai. Mu tama, nage te tigidali bulu duba holoyu, tama te tigidali genuai ni dologoba sisinama, te nago tibo god dabeba lotu wali, te wego bidi hauwa dali penani igi pabo tiwai yalio.

Jeremaia 44:17

Dago te dena yaibao olama, po dąų wali sę tigidali yaibao. Dago te wiegi yai denami ebo ofa te god weba idu geaibao, augwa te tama nogi yali, Te Dagalude Kwin We dao wali. Te dago agaba te wain ofa gelidu geaibao. Polobadu dena digi me, dago wąį me, king dabego me, te tobolu bidigo me, dago te tobage ofa Te Dagalu Kwin Weba yali. Dago te ofa te Juda taunde, me Jerusalem sunumi dabede yalio. Te dago tama tiali sogo, te dago nai hauwa elalu, te da bugagia bidiyu, te dwai me deli dabolo me pedalubeo,” te po wali.

Te We Bidi Dabego Jerusalem Hagede Gela Wali 4:21

Kantri Idom, megi nage Usgo tǫde bidibao. Megi da, nage gisugu dwai olama, tama nage Saion dolaibaso, wiegi yai homu pemene megi yao. Genuai Bidigo sębę te wain wę kapu deli tiwai dao. Tama agai te Saiongo te kapude tumainu ilalio. Tiali goli, agai nagebolo nosali me maiwaibao. Tama nage dolama mu polaibao. Tama nago naga tigide ugwa peda sąnama, tama nage hale genuai mu yaibao.

Esekiel 16:15

“Tialima, nage sawi yai mu da, nago te tama homu yali. Tigidali bidigo nage godolo yai. Tialima, nage hagoma eyu, nago pemene elama, te nageba asali tigidali bidi dali pagela piali dao.

Esekiel 16:30

“Tialima, ena God Genuai Bidigo, eno po nagede elaluali. Nago naga te homu godolo ebo wali pidu, tama nage te hale menisąbo we me deli tiwai pedelai dao.

Esekiel 20:32

“Dage te gasa tǫ kantri we bidi dabe tiwai mu pedelabo homu godolo eyu, te bagego te ni dabeba me masigi dabeba lotu obao. Tialima, eno dage te tiwai pedalumainu me egobeo. Mu menio.

Esekiel 21:10

Te hwą poa pai mu pedelali, te gegemani ula emainu augwaligo meda holali, te dagalu ula tiwai yali. Dage eno we bidi dabe, dagego homugo te dage bugagia bidaiba homu eyu, te wiegi yai pemene eba, agawe? Mu menio. Eno dila pai po dageba mani, tiali goli dagego hagoma ebo sę me iduai dao.

Hosea 10:5

Te bulmakau gol Betelde elaluali te dolaibao, tama te taun Samariade bidali we bidi te augwali wi elama, te bulmakaude homu dene yaibao. Te tibo godide sę ebo we bidi, me pris dabe, augwali agade te homu dene eyu, gela waibao, magi baso meni, te Asiria dabego aga au dobage hųgia sąnama, te aga dolaibao.

Hosea 2:12

Te eno te wain ni dabe, me te ni fik kaya ni dabe te bidi dabego aga wei elama, aga mani, te aga mone mabo tiwai yai, te nai dabe eno mu dolaibao. Tama te uni hasa dabego te wain gi dolagaselama, tama te ni kaya fik gi me dolama, te olo bus tiwai pedelaibao,” wali.

Hosea 4:12

Tama augwaligo te olo ni dagego nigali tibo god hanaluama, te geme dualali po page pedalumainu yali. Iya, tegoba, augwaligo homugo te ni dage dabego te augwaligo koneainu ebo nai dabe ola momainu homu elama tiali. Awe, augwaligo ena tagalalio, tama augwaligo te tibo god dabe wali pai, te penani ebo we me deligo aga bidi tagaliyu ebo tiwai yalio.

Hosea 5:4

“Te Israel dabego te tibo godiba lotu weyu yali, tama te kolesagago augwaligo homu kolesaga dąų walama, tama augwaligo te Genuai Bidi wali me pabo meni, te usu egobeo. Tama augwa te yali dwai kolesagago te augwali paniama, tama augwali te augwa Godiba ma asabo usu isąwai dao.

Hosea 5:7

Augwaligo te Genuai Bidi tagalali, te wego aga bidi tagalama, te penani ela bilibo we tiwai yai. Tama augwa wai dabego te tama konebe, God te augwa aya mu da homu ebeo. Tialima, te dwasianu sogo gana, tama te boi bidi dabego augwali dolagasaibao, tama augwa tǫ dabe dali dolaibao,” wai.

Amos 3:2

Agai te tiwai po obao, “Te haniani we bidi hani hauwa te tigidali tǫde elalubao. Tiali goli, eno dage Israel hani deli naga te ena hani da wainu dąį ilama, dią selama, te eno dage bugagia tonalubao. Tama tialima, eno suali, dagego dwai sę ebo kolesaga te genuai ebaso da, teda eno dagego te dwai sę tigidali wei ponoyu, te dageba dene mabo sę yaibao,” te po obao.

Amos 4:5

Tegoba, dagego te eno bomai po boloyu, dagego te yis elalubo bret enaba ofa eyu, te buba hwi wabo ofa tiwai yao. Te dagego duga homugo enaba ofa yainu, te nai hauwa sesebo sogo, tegobao, tebode duga digi duga nogi ugwaba sobao. Dagego te tama tebo tobage kolesaga wei homu ebo dao,” te po wali.

Amos 6:13

Dagego te taun Lodebar aiyaba elaluali da homu elama, pemene eyu, te dage hagoma eyu, bidibao. Tama dagego duga nogi ugwaba siyu, te po me obao, “Te dena bomogo digi te taun Karnaim sali,” homu ebao.

Amos 8:10

Te genuai lotu wabo bodolu side, eno te isai bidide homu dene ebo sę pedalubo tiwai ilaibao. Te dagego wiegi yai pemene ebo balia te eno hasegelama, te augwaligo haliga sęgę elalu wabo balia pedalubo tiwai ilaibao. Te dage haliga sęgę elama, gela waibao, te aya ida aga ogwa deli elaluai, te isaide homu sęgę elalu, gela wabo tiwai yaibao. Te augwa we de bidi si te homu dene ola mabo ugwa gudama, te augwa si tobolu nisi tigidali poala sąwani, te augwali sigo homu dene ebo ola momainu yali. Tama eno dage te tobage kolesaga tiwai naga wali pomainu ilaibao. Te dwai sę ebo sogo, te dageba genuai sęgę mu pedalu, te dwai sę ebo silibo sogoba usu naibao,” wali.

Jems 4:16

Tiali goli dagego te tiwai ebo meni. Dagego genuai po dagą olo dali ola biliyu, tama dagego nosali yabo sęde duga digi nogi ugwaba sabo po wabo dao. Te tobage nogi ugwaba sabo po wabo te dwalio.

Jems 5:1

Megi eno te dage walu hauwa munalubo bidi dabe dali te po obao. Dage dwai homu eyu, te hwa weyu, gela weyu yao. Dagebolo moni dwai sęgę dali, dene dali si tamadi pedalaibao.