Hosea 7:7 - Godigo dwagi yai po buku

⁷ “Augwaligo te wado po olama, te deli deli pedalubo king ela muyu iduali, te augwa tobolu bidi dabe dali te tama tiai. Te dwai kolesaga augwa bulu kantri tǫde elaluali, tama te bidi me deligo enaba gedu haluasa po weyu me ebeo,” Genuai Bidi Godigo te po wai.

Hosea 7:7 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 15:28

Tama tilama, te bidi Basa aga te Israel hanigo king bidi nigilama bidali. Te tama sęgę pedelali, te bidi Asa aga te Juda hanigo king bidi nigilama bidiyu, te kibu be sela wabo kibu bede te sęgę pedelali.

Te Israel me Juda Hani Sigo Tuni Bidigo Po Elalubo Buku Deli 16:18

Tama te king bidi Simri aga te Tirsa taunde bidibo sogo tama agai suali, ma te Omrigo ami bidi dabego bomo mu eyu, tama augwaligo agai ami soldia dabe aiyaba elaluama, tama te Tirsa hanu te taun sali, tama tibaso, aga te kingo kompaunde te dila pai be me deliba aga bula sigi pali. Tama agai te beba isi nogonama, tama te kingo be dabe tigidali siago dela peyu, tama aga me aga digi aga te siago delama, aga isali.

Te Israel me Juda Hani Sigo Tuni Bidigo Po Elalubo Buku Deli 16:22

Tama nosali te king Omrigo hani augwaligo bomo mu elama, te king Tipnigo hani dabe augwali aiyaba elaluali. Tama te Tipni isilama, tama te bidi Omri aga king bidi pedelali.

Te Israel me Juda Hani Sigo Tuni Bidigo Po Elalubo Buku Si 10:14

Jehugo te po odali, tama aga hanibolo e tama po augwalibolo wali, “Te bidi dabe augwali polo tuao.” Tama augwaligo te bidi dabe tigidali tulama, tama augwaligo te bidi dabe te moni maguludawe elalubo madigi te bidi dabe odasa pai. Tama augwaligo te king Ahasiago hani tigidali ela silali, me deli me munu me bidibe. Te augwaligo namba te bidi sese si olama, te ugwadu si tama usu, bidi 42 isali.

Te Israel me Juda Hani Sigo Tuni Bidigo Po Elalubo Buku Si 10:7

Tialima, te genuai bidi dabe augwaligo te Jehugo te pas sali, tama augwaligo te Ahapgo hani ogomani te bidi sese sela olama, te nogo si bidi, te 70, te augwaligo elama, isilali. Tama augwaligo te bage tobolu togolama, tama augwaligo te basket wa dabeba bulama, te Jehubolo tolali, te Jesril hanuba.

Te Israel me Juda Hani Sigo Tuni Bidigo Po Elalubo Buku Si 15:10

Tama te Salum, aga te Jabesgo ogwa da, Salum dali, te me badu bidi dabe dali, augwali sisinama, tama augwaligo te Sekaraia ela muainogo tų me deli gegali. Tama nosali te Salumgo te tigidali we bidi dabe gesabidide Sekaraia ela muani, tama te Salum aga te king bidi nigilama bidali.

Te Israel me Juda Hani Sigo Tuni Bidigo Po Elalubo Buku Si 15:14

Tama te sogo te bidi te Menahem, aga aya te Gadigo ogwa, aga te Tirsa hanu tagalama, tama aga te Samaria hanuba pali, tama agai te king Salum ela munama, tama Menahem aga king nigilama bidali.

Te Israel me Juda Hani Sigo Tuni Bidigo Po Elalubo Buku Si 15:25

Tama te king Pekahia agai boi hwįbo ami gavman tobolu bidi me deli, te bidi agai nogi Peka, te bidi aga aya Remaliago ogwa da, tama te bidi Peka dali, te me badu bidi dabe te moni taun Gileat bulu bidigo te 50 bidi dabe dali, augwali sisinama, tama augwaligo te king Pekahia ela muabo po minama, dąų wali. Te king Pekahia aga te Samaria bulude te king be te bomai daga rum habude bidibadi yaide, tama te bidi dabe augwali te bomai rum habu tomoba pelama, tama augwaligo te king Pekahia ela muani. Tama augwaligo te bidi me si nogi Argop me te Arie, te bidi si me ela muani. Tama te ami tobolu bidi Pekago te king bidi nigilama, sę yali.

Te Israel me Juda Hani Sigo Tuni Bidigo Po Elalubo Buku Si 15:30

Te bidi Jotamgo agai kibu be te bidi sese deli, te bidi king Usiago ogwa da, aga te Juda hanigo king bidi nigilama bidali, te bidi me Hosia, aga aya Elago ogwa da, tama te Hosia dali, te me badu bidi dabe dali sisinama, te king bidi Peka elabo po minama, sunumi kegali, tama nosali te bidi Hosiago te king Peka ela muani. Tama Hosia aga te Israel hanigo king bidi nigilama bidali.

Te Israel me Juda Hani Sigo Tuni Bidigo Po Elalubo Buku Si 9:24

Tialima, te Jehugo aga enesigi polo bomonama kegelama, tama te ene toga peyu, te Joram tudide dolali. Tama te enego aga hobolu dude dolali. Tama te Joram aga te karis daide tulaluama, tama te Joram aga isali.

Te Israel me Juda Hani Sigo Tuni Bidigo Po Elalubo Buku Si 9:33

Tama Jehugo augwalibolo e tama po wali, “Te we eba eda sąyao,” wali. Tama augwaligo te Jesebel selama, tama te we aga aba sąwai. Tama agai kanemego dobola sąyu, tama te kanemego tama te bede me te kaneme dagana sali, tama te Jehugo hos kibude me te kaneme dagana sali. Tama Jehugo te hos kibugo me te karisgo me te Jesebel tigidu agaga pali.

Jopgo Po Asęani Elalubo Buku 36:13

“Te God tudi ola mabo bidi dabe, augwaligo genuai sęgę augwaliba sabalobo si, augwaligo God dali sębę genuai mu ebo dao. Tama augwaligo Godigo augwali tau somainu i wabo menio.

Godigo Nogi Ugwaba Sabo Tęąbi Po Wabo Buku Dabe 14:4

Genuai Bidigo te po wai, “Te bidi dabe augwaligo dwai kolesaga yai, augwaligo homu kolesaga meni, agawe? Augwaligo te eno we bidi dabe ela silibao, te augwaligo te bret tubo tiwai gilama te mu silibao. Tama augwaligo enaba gedu haluasa po wabo menio,” wali.

Aisaia 43:22

Genuai Bidigo te po wai, “Dage Israel dabe, dage te Jekopgo hani, eno dage te eno hani we bidi digi pedalumainu ilali goli, dagego eno nogi wasiąyu, enaba lotu wabeo. Tama magi naigo tibaso, te dagego enaba hagela eyu, te dagego ena godolo mu isiąyu ebawe?

Aisaia 64:4

Polobadu te bidi mego te god me deli tobage bomai sę yali po odobeo, te we bidi tau siyu, te konealu tonaluabo sę. Ma, bidigo aga gedugo te god me deligo te tobage bomai sę ebo subeo. Menio. Genuai Bidi, nago naga te tiwai bomai sę ebo dao.

Aisaia 64:6

Da tigidaligo dwai sę eyu, te da nago gedude meda yai mu elalubao. Te kolesaga dabe dago homugo doloba pai kolesaga da olama, te kolesaga dabe te dago gawea pai nai tiwai dao, tiali goli dago te ebo, augwali nago gedude dwai mu eyu, te ugwa meda dwai mu tiwai ebao. Te dena ebo dwai sęgo te pąde da mu haga yabo homu yai, te wa pai ni yabe te waligo sela pabo tiwai yaibao wali.

Aisaia 64:7

Te nageba gedu haluasa po weyu, te nage nogi wabo bidi meni yai, te nage pąba asu, nageba homu kolesaga kęą pabo bidi meni, magi baso meni, nago naga gesabidi daba geme dula selama elalu, te nago dena sęgęgo da dodolomainu ilama, te da dwai mu bidibao.

Aisaia 9:13

Te Israel we bidi homu begelebeo. Genuai Bidi Tigidali Bomo Elalubo Bidigo augwali dene mani. Tiali goli, augwali agaba ma asobeo.

Esekiel 22:30

“Te eno po pusulama, te we bidi dabe enaba ma odasa asabo bidi deli me eno gegebo usu sali. Tialima, eno gegebo sę ela pali, menio. Te tobage bidi bidigi sogo da, aga te taun dolainu asobo boi bidi dabe asobo sunumi paligi da, te taun bagulali obo tiwai pedaligi da. Tama aga te obo alua pali badu dolalu, te boi bidi dabe taun tomoba asainu ebo sogo, te hwįbo bidi tiwai pedaligi da. Ena digi eno te Israelgo boi bidi tiwai pedelali, te eno augwaligo tǫ kantri dolainu yali, tiali goli te tobage bidi bidigi sogo da, eno tama sę igi menio. Tialima, eno te tiwai bidi me subeo. Mu menio.

Daniel 9:13

Nago te Mosesgo bomai po tomode wali po gilama dago te sęgę tigidali sali. Tiali goli, megi me dago te sęgę sabo kolesaga me tagalisiąma, tama dago nageba hanalu, te dabolo bugai haliga yabo po me hanalusiąwai, tama dago nago mu po wali me pisąwai.

Hosea 13:10

Polobadu dagego enabolo hanalu, te king me polalubo tobolu bidi dabe mao po odu geani, tiali goli augwaligo dage mena tama tau sogowe? Augwali usu munu me egobeo.

Hosea 5:15

“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.

Hosea 7:10

Te Israel dabe augwa hagoma ebo kolesagago digi augwa po tų ilali, tiali goli te augwa homu begelama, te augwa Genuai Bidi, God enaba ma asobeo. Mu tama, augwaligo ena kegasa asobeo.

Hosea 7:14

Augwaligo tibo gedu haluasa po enaba wabo dao. Tama augwali te tǫba degasa dulama, tama te dwai gela te Genuai Bidigo po odisąbo bidi haiden dabego wabo tiwai ebo dao. Te augwaligo nai me wain ąį sainu gedu haluasa po wabo sogo, te augwa digi augwa tigi dabe ge hwągo togobo, te haiden eno po wali pisąbo bidi dabego ebo tiwai ebo dao. Augwaligo ena dali hagoma mu ebo dao.

Hosea 8:4

“Eno we bidi augwa digi augwa dolaluaibao homu eyu, augwa king bidi dali polaluabo tobolu bidi dali nigilibao, tibaso eno augwaliba usu da homu ebeo. Augwaligo te tibo god te augwa silva me golgo nigali. Tibaso, eno te we bidi augwali dolaibao,” wai.

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.