Hosea 7:13 - Godigo dwagi yai po buku

¹³ “Odiąo. Te augwali dolomainu yaibao. Augwaligo ena tagalama, te enaba hagoma yali. Tama tibaso, eno augwali dolaibao,” wali. “Hasia bolo eno augwali tau sainu yali, tiali goli augwaligo tibo kolesaga enaba yalio.

Hosea 7:13 Iomraidhean Croise

Nehemia 1:10

“Genuai Bidi, da Israel te nago sę bidi, me sę we tiwai dao. Tama da te nago we bidi dabe mu da. Te nago genuai bomogo nago da te boi bidi dabego nogode polobadu ma salio, tama da mu hagabeo.

Jopgo Po Asęani Elalubo Buku 22:17

Te bidi dabe augwaligo Godibolo e tama wali, ‘Nago da tagalama, naga pa,’ me ma augwaligo e tama wali, ‘God Tigidali Bomo Elalubo Bidigo dade magi sę mu ebo usugowe?’

Godigo Nogi Ugwaba Sabo Tęąbi Po Wabo Buku Dabe 106:10

Agai augwali te augwa boi bidi dabego nogode ma sali. Agai augwali tąu selama, tama te boi bidi dabego augwali me dolobeo.

Aisaia 30:1

Genuai Bidigo te po wali, “Te Juda hani, te da augwali eno wai bǫų hani dabe, augwali dolaibao. Magi baso meni. Augwali bidi po odisiąwai hani mu dao. Augwaligo eno homu kolesaga wali me pabeo. Menio. Augwaligo augwa homu kolesaga wali naga peyu, augwaligo gasa bulu bidi dabe dali abagi me olama, bidibao. Tama tiyu, augwaligo dwai sęgę hauwa augwa hasi tigide pesage holalio.

Aisaia 30:2

Augwaligo eno homu kolesaga hanalusiąma, tama augwaligo Isip tuni bidi dali po wali pali dao. Te Isip dabe dolaluama, augwali tau selama, tama augwali me dolidali weyu.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Aisaia 59:13

Dago te dena Genuai Bidi, God, nageba dwai sę yali, te dago nage tudiba munama, nago po sela sąwani. Dago nage dologode bidibo te hagela homu yai dao. Dago te gasa bage elaluama, te haniani hagoma kolesaga yali. Dago te gasa bage dabe tibo po ola mayu, po geagano bilama, haniani sunumi nigibo po wali.

Aisaia 63:8

Genuai Bidigo te po wali, “Te hani dabe, augwali te eno hani we bidi dabe mu da, te augwa hagoma elama, eno po me sela sągobeo.” Tama te aga augwali ma sali bidi pedelai dao.

Jeremaia 14:10

Tialima, Genuai Bidigo te tiwai po wali, “Te we bidi hani, augwa te wau bilabo homu godolo ebao. Te augwa bilibo bugagia me tonalubeo. Tama tibaso, ena, Genuai Bidi, eno wiegi yai homu pemene augwaliba me ebeo. Megi da, eno augwa ebo dwai kolesagaba kone palama, te eno augwaliba te tigi dene mabo sę yaibao,” wali.

Jeremaia 42:20

Dagego enabolo te Genuai Bidiba gedu haluasa po omainogo hanalu wagasali, dena God, te enabolo dagego e tiwai po wali, ‘Jeremaia, Genuai Bidiba gedu haluasa po wao, dago God, te agai po dabolo momainogo hanalu wao. Te agai mena po nagebolo mobaso da, teda nago dabolo olama, te dago wali paibao,’ dagego tama wali. Tiali goli, megi dagego gasa kolesaga yainu ebao, te kolesaga mu geda mubao, te tama tebogo dage dolaibao.

Jeremaia 51:9

Te Israel me Juda augwaligo e tiwai po waibao, “Da te kalabus bidi dabego te Babilon usu ma ilabo homu yali, tialima, aga usu yai me pedalubeo.” Nosali augwa te po wali, “Tagalao, dago te Babilon tagalama, da deli deli te dena page buluba ma pinao. Magi baso meni, te Babilongo yali dwai sę genuai mu elalu, te dagaluba usu nigi holali. Tibaso, Genuai Bidigo te Babilonba dwai dene mabo sę umagia mu yai dao.

Jeremaia 7:15

Tama eno dage sela sąwaibao, eno te Israel dabe sela sąwani tiwai yaibao, te duga deli hani dao. Te dagego ena tagaliyu, te eno dage munu ma sugobeo,” wali.

Te We Bidi Dabego Jerusalem Hagede Gela Wali 5:16

Dago genuai nogi polo tulalualio, te dago gawe yali nai dabe dolai dao. Da hobede mu yao. Magi baso meni, dago yali dwai sęde sali sęgę dwai yalio.

Esekiel 16:23

Genuai Bidigo po te tama ma wali, “Ena God Genuai Bidigo, eno te tiwai po nageba walobao, nage mu dolaibao. Nago te dwai sę tigidali yaligo da,

Esekiel 18:2

“Dage Israelgo godolo ebo po begelama wabo po me deli e tiwai da, ‘Te aya idago te tau isąwai ni wain du tubo da. Tiali goli, te augwaligo wai dabego pedauwalide ha ebo da.’ Magi baso dagego te tobage po wabo dawe?

Esekiel 18:25

“Tiali goli, dagego te tama po obao, ‘Genuai Bidigo ebo te kolesaga, te dolo menio,’ wali. Tialima, dage Israelgo, eno po wabo bugagia odao. Dagego homude eno kolesaga te dolo meni da homu eba, agawe? Menio. Te dagego ebo kolesaga da, te dolo me ebe dao.

Esekiel 34:6

Eno sipsip kibu dabe augwali te bulu du dabeba wi pobao, tama augwali tigidali tǫba tigidali polo pepelawalio. Tama augwali gegabo bidi meni yanio. Mu menio.’ Te po augwalibolo pusao,” Genuai Bidigo enabolo te po wai.

Hosea 11:12

Genuai Bidigo po ma weyu, te po wai, “Te Israel we bidi augwaligo enaba tibo po hauwa sogo mu wai. Te Juda dabego eno po sela sąbo sę mu idualio. Tiali goli, ena God, ena augwali tiwai menio. Ena doloba pai, te eno homu hasegelama, te eno tibo po me wagobeo, te we bidide eno homugo mu kęą pai God dao,” te po wai.

Hosea 11:2

Eno te hauwa sogo augwali i weyu, te ena wali asao po wai. Tiali goli, sesemane sogo te augwaligo ena tudiba muani. Eno we bidi augwaligo te tibo god Balba ofa yalio. Augwaligo te wiegi yai denami ebo hano ilibo ofa te haniani tibo godiba yai dao.

Hosea 5:7

Augwaligo te Genuai Bidi tagalali, te wego aga bidi tagalama, te penani ela bilibo we tiwai yai. Tama augwa wai dabego te tama konebe, God te augwa aya mu da homu ebeo. Tialima, te dwasianu sogo gana, tama te boi bidi dabego augwali dolagasaibao, tama augwa tǫ dabe dali dolaibao,” wai.

Hosea 7:1

“Eno te Israel dabe usu ma ilama, te augwa sę tigidali te wiegi yai pedalumainu ebo sogo, tegoba, eno te augwaligo dwai kolesaga naga suali, tama te Samaria bage augwaligo yali dwai sę dabete pebeli dilide elalubo suali. Augwaligo te abagi dabe tibo po ola mayu, tama augwaligo te be aluama, te doado bage wi siyu yai. Tama augwaligo te bidi dabego doado bage te taun sunumide anoma eyu, kekelama siyu yai.

Hosea 7:3

Genuai Bidigo te po wali, “Te meba we bidigo te haniani dwai kolesaga yabo po minama, tama augwaligo te king, me aga ofisa dabe dali homu bega sabo po weyu, tama augwali tibo po ola mabo dao.

Hosea 9:12

“Tiali goli, te mebago wai elalubaso da, teda te wai dabe eno ela mueibao, tama eno te me deli sula tagalama, elalumainu me egobeo. Eno te we bidi tagalobo sogo, te dwai nai haniani augwaliba pedelaibao,” Genuai Bidigo te po wai dao.

Hosea 9:17

Eno aga sę ebo God, te Godigo te aga we bidi tudiba mueibao, magi baso meni, augwaligo agai po wali pisąbaso tiali. Tama augwali te bulu tǫ kantride te tǫ meni yai bidi dabe tiwai bidaibao walio, augwali te bulu wau bilibo bage naga bidaibao.

Jona 1:10

Tama Jonago te sip tomode sę ebo boskru bidi dabe augwalibolo hasia bolo te po wai dao, “Eno te Genuai Bidi taga soyu, wi soai.” Tialima, augwaligo te po odama, tama augwali wi mu yai. Tama augwaligo Jonabolo te po wali, “Tegoba! Nago dwai sę genuai mu yalio!” po wai.

Jona 1:3

Tiali goli, Jonago te Genuai Bidi tagalama, tama te hanu me deli nogi Tarsis teba wi painogo yai. Tialima, aga hogodama, te nambisde elalubo dwasianu hanu Jopa teba pelama, tama agai te hanu Tarsisba painu ebo te sip me deli gegali. Agai te sip abelama, teba holali. Agai te Genuai Bidi tagalama painu wi palio.

Maika 6:12

“Te Jerusalemde bidibo mone hauwa elalubo bidi dabego te magi nai meni yai bidi dabego doado bage anoma elama, sali. Te dage tigidali te tibo po wabo bidi naga dao,” wali.

Maika 6:4

“Eno tama te eno dage kalabus togolama, te dage Isipde selama, te dage odasa asali. Tama eno te Moses nigilali, me Aron, me Miriam me, te tama bage polasa peyu, te dage sunumi ola mawai dao.

Matyu 23:37

“Jerusalem, Jerusalem, nago te Godigo tagala palali bidi profet dabe augwali ela munama, tama nago te Godigo nageba tagala palali sę bidi masigi sąnama, augwali me ela muanio. Hauwa sogo mu eno nago we bidi sisinainogo ebadi, te so ba kakarukgo te aga wai dabe augwali te bogo dologoba sisinibo tiwai, tiali goli dagego hagela yai dao.

Bomai Po 15:15

Dagego te dage me te Isipde olo sę ebo bidi bidali te kone paliąo, tama Genuai Bidi dago God agai dage oda selama, olo ma tagala palai dao. Te tama tiali po pagede eno megi te bomai po dagebolo te mobao,” wali.

1 Jon 1:10

Dago hogwa sabo po weyu, “Eno dwai sę me ebeo,” dago te po weyu da, teda te po wabogo dago God aga nogi ili po wabo bidi dao wai, tama agai po dago homude menio.

Kraisgo Geme Dualali Sę Pedelabo Po Jonbolo Ola Mani 8:13

Tama eno suali, te ba kemodage tiwai ba me deli dagalu tomodu sigide bola pabo eno suali. Tama eno odali, agai i bomonama weyu te po wali, “Hobede, hobedeo, te tǫde bidibo we bidi hobedagia bidaibao. Te gasa ensel mobo bidi me sela augwaligo te ona tiwai nai elebo si, tebode te genuai dwai dwai sęgę te tǫde we bidi augwaliba pedalaibao,” te bago te po wai.