Hosea 6:3 - Godigo dwagi yai po buku

³ Dago te Genuai Bidi koneabo sę bomo inao. Dago koneani, tigidali sogo kigamu te giliga pedalubao. Tama dago koneani, te tigidali sogo tulubage tulubo, tulubage te tǫba tulubao. Tama te tiwai naga dago koneao, Genuai Bidi te aselama, te da wiegi yai bugagia ma ilaibao,” augwaligo te po wai.

Hosea 6:3 Iomraidhean Croise

2 Samuel 23:4

teda te we bidi dabego agaba wiegi yai homu pemene eyu, augwa te kigamude giliga bugagia naniyu, tama te pǫgo te ula mesegelisiąbaso, te wiegi yai homu pemene ebo tiwai yaibao. Tama te tulubage nosali silibo side, te giligago te nosa ula ilali.’ Eno te po wai.”

Jopgo Po Asęani Elalubo Buku 29:23

Te bidi dabe augwaligo eno po bugagia sainu olo saganama, odai dao. Augwali te moni giliga nanai digi te tulubage tulubaso, te dwagi yai homu ebo tiwai yai dao.

Godigo Nogi Ugwaba Sabo Tęąbi Po Wabo Buku Dabe 19:4

Tiali goli, ulade me, hulide me, te nai dabego da tigidali tǫde we bidi te Godigo bomo dali, genuai nogi dali si ola mabo dao. Tama augwaligo po tigidali buluba pelama, usu mu ebo dao. Tama dagalude Godigo giligago ugwa be me deli sę yai tiwai elalubao.

Godigo Nogi Ugwaba Sabo Tęąbi Po Wabo Buku Dabe 19:6

Sia ge pedalobo te dagalu sesege badu pedalobo dao, tama gasa badu pabo dao, tama magi nai me agai posolo ebo digi me duala sogobeo.

Godigo Nogi Ugwaba Sabo Tęąbi Po Wabo Buku Dabe 63:8

Ena nage dali bilibaso, tama nago ena bugagia tonalubo dao.

Godigo Nogi Ugwaba Sabo Tęąbi Po Wabo Buku Dabe 65:9

Nago te tulubage tagala palu, te tama tebogo naga nago te tǫ bugagia tonalubao. Tama nago te tǫ ili hauwa pedalumainu ilama, tama te nai bugagia holobao. God, nago te wę dabe tigidali badu muai elalubao, tama augwali te me sula sabeo. Tego te nai hauwa pedalumainu ilama, tama te we bidi dabego sobao. Te sę nago digi ebo dao.

Godigo Nogi Ugwaba Sabo Tęąbi Po Wabo Buku Dabe 72:6

Nago te king wiegi yai bidi pedalumainu ilao, teda agai kolesaga wiegi yai eyu, te tulubage te gi nasi dabeba tulama, tama te nai wiegi yai pedalubo tiwai emainu yao.

Bugagia Bidibo Kolesagade Po Asęai Buku 4:18

Te dwai sę ebo bidi dabego wali pabo sunumi te be hulia siyu, mu hulia sai dąų mu wabo tiwai ebao. Augwali te tula muyu, tama te magi naigo te augwali sągąde dolali te augwa me konegobeo. Tiali goli, te doloba pai bidi dabego sunumi da, te giliga kigamu nanobo tiwai elama, tama te giliga nanobo sę bomonama pedelama, te giliga tomo yagasoboba usu nubo dao.

Aisaia 2:3

Te tigidali bulu badu we bidi hanigo te po waibao, “Asiąo. Da bulu du Saionba pinao, Genuai Bidigo bulu duba. Te Israel dabego Godigo beba pinao. Te agai dabolo dago emaina homu ebo te kolesaga ola momainu. Tama da aga digi sa muani sunumidu pogo o.” Augwaligo te tama po waibao. Magi baso meni, Genuai Bidigo bomai po te bulu du Saionde gagalasa, tama tigidali buluba paibao. Awe, Jerusalem te Genuai Bidi agai bulu elaluama, tama agai po we bidibolo ola mabo digi elaluaibao.

Aisaia 32:15

Tiali goli, Genuai Bidi aga mobo bidi daba ma tagala palaibao, bidigo wę gelebo tiwai yaibao. Tama te nai meni yai kemi sane nai meni yai olo elalubo bulu wiegi yai bulu tǫ ma yaibao. Tama haniani nai dabe tede holaibao. Teda te mone buside te ni dabe olo holobo tiwai holaibao.

Aisaia 44:3

Te ąį sǫą pabo tǫba eno te ąį gelaibao, tama te wa pai tǫde te ąį somainu ilaibao. Te eno mobo bidi te dagego wai dabeba gelaibao. Te eno dagego waigo ame nabo wai dabeba wiegi yai bugagia ilaibao.

Aisaia 5:6

Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Aisaia 54:13

“Te ena digi eno nago wai dabe ola mayu, te augwa bidabo pesage bugagia mu elalueibao.

Jeremaia 24:7

Te eno augwaliba homu kolesaga mobaso, augwa te tiwai koneaibao, ena digi ena Genuai Bidi bidibao. Te augwali enaba ma asiyu, te enaba homu kęą peyu bidaibao. Te augwali eno hani we bidi mu pedalaibao, te ena augwa God bidaibao,” wali.

Esekiel 36:25

Tama eno wiegi yai meda meni yai ąį selama, dage tigiba gelaibao, te dage eno gedude wiegi yai ma pedalomainu. Awe, eno dagego dwai damua pai kolesaga, me dagego tibo god dabe me sela sąwaibao, tama dage eno gedude wiegi yai pedelaibao.

Hosea 10:12

Eno te Israel me Juda augwaliba te tama po walio, ‘Dagego te dwai kolesaga tagalama, te doloba pai kolesaga wali peyu, te enaba lotu waiąo,’ wali, ‘bidigo te gesi gide tǫ elama, te nai bulama, te nai bugagia holama, te hauwa walobo tiwai yaibao,’ wai. ‘Megi te dage ena God duga Genuai Bidiba ma asobo sogo dao. Te dage enaba ma asali da, teda eno dage bugagia mu wiegi yai sę ilaibao.’ Eno dagebolo te po wai.

Hosea 14:5

Te eno Israel dabeba wiegi yai sę ilaibao, te tulubage segeni te wa pai tǫba tulama, te telabo tiwai yaibao. Te augwali te gasa wiegi yai sawi yai plauwa tiwai pedaliyu, tama te tǫ kantri Lebanonde te genuai bomai ni dabe tiwai pedaliyu yaibao. Te ni dabe sele te tǫ aya tomoba mu dulali tiwai ebo dao.

Hosea 14:6

Te augwali wiegi yai mu te gesi ni yabe pedalubo tiwai eyu, te oliv ni wiegi yai pedalubo tiwai yaibao. Tama te we bidigo augwalide wiegi yai homu pemene eyu, te augwaligo te Lebanon wiegi yai ni sida dabe te wiegi yai denami ebo tiwai yaibao.

Hosea 2:20

“Eno te ena dąų wali po wali peyu, tama nage te eno we tiwai sesemane bidaibao. Tama nago te tiwai koneyu, ena tama te naga Genuai Bidi da homu yaibao,” wali.

Maika 4:2

Tialima, augwa te po waibao, “Asiąo, da te Saion bulu duba holinao, te Genuai Bidigo bulu du dao. Da te Israelgo Godigo beba pelama, te agai dago emainu homu ebo kolesaga ola momainao, tialima te aga digi sa muani sunumidu da bilaibao.” Augwaligo te po waibao. Te magi eyu, augwaligo te tama po waibawe, Jerusalem da, te Genuai Bidigo agai bomai po te we bidi dabe ola mayu, te agai po augwaliba pusa mabo pesage dao.

Maika 5:2

Genuai Bidigo te tiwai po wali, “Betlehem Efrata, te tigidali Juda taun tomode nage te dwasianu taun mu elalubao. Tiali goli, nagede te genuai tuni bidi me deli pedelama, tama agai te Israel hani tonaluabo bidi dao. Te polobadu mu aga hasia wąį monu nǫų me deli pedelali, tama aga hani bidi me bidibao,” te po wai.

Maika 5:7

Tama te Israel hani meba te boi bidi dabego me dolisąwai bage, augwali te gasa hani hauwa tau sabo bidi pedelaibao, te Genuai Bidigo te hulide tulubage segeni wę te nosaiba tulumainu tagala palobo tiwai eyu, te olo tulubagego te ni dabe wiegi yai pedalumainu ebo tiwai yaibao. Tama augwaligo te sę te Genuai Bidigo bomode naga yaibao, te augwaduba bomogo digi te tegobeo.

Sekaraia 10:1

Te gide nai dabe pedalubo sogo dagego te Genuai Bidiba hanaluyu, te agai tulubage tagala palomainu emainao. Genuai Bidigo te pǫ hauwa dabe tagala palama, te tulubage tulumainu ilibaso, tama te nai dabe pedelama holobo dao.

Malakai 4:2

“Tiali goli dage eno po wali pabo we bidi, te eno bomogo dage ma saibao. Eno bomo te giliga ulago bomo tiwai elalu, tama dage we bidi te giligago tigi dili ilibo tiwai yaibao. Te dage wiegi yai pemene eyu, te bulmakau wai dabe te banis tomode bidai te buluba dinibo side te sasa mano pabo tiwai ebo dao.

Matyu 13:11

Agai po wei ponoyu te po wai, “Godigo agai we bidi tonalubo sę geme dualaluali po page haninama te agai dagebolo ola mawai dao. Tiali goli e bidi dabebolo te geme dualali po page te haninai menio.

Dwagi Yai Gesi Po Lukgo Asęani 1:78

Dago God da dali hobede mu elama, agai e tama tiwaibao. Te dagalu be posobo ula elalubo e tǫba dabolo tagala palaibao.

Dwagi Yai Gesi Po Jongo Asęani 17:3

Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.

Dwagi Yai Gesi Po Jongo Asęani 7:17

Niwai bidigo Godigo homu kolesaga wali pabo bidi agai eno ola mabo po page koneagameo. Eno te we bidibolo ola mabo po menade saliwe? Te Godigo po dawe? Ma eno homugo naga te po obawe? Niwai bidigo Godigo homu kolesaga wali pabo bidi agai eno ola mabo po page koneagameo.

Godigo Sęba Tagala Palai Bidigo Po 17:11

Te Beria bidi dabe te Tesalonaika be nani bidi hani tiwai meni. Te polobadu te Tesalonaika bagego tega sigo po polo sela sąwai dao. Tiali goli, te Beria bidi hani augwaligo da bugai homu elama, te po odali. Tama tigidali sogode Godigo po asęai bukude nedali, Polgo wali po usu niba pabo wenama suali.

Bomai Po 32:2

Eno pogo te dage we bidi bugagia sę mu ilaibao, te tulubage tulama, tama te nosai dabe bugagia holobo tiwai yaibao. Eno pogo da, te tulubage tulama, tama te tubo nai dabe hogodo gesi ma holama, dila pelama, tama genuai ebo tiwai yaibao.

Hibru 3:14

Magi baso meni. Polobadu dago Godide konealubo po dąų wali, teda te konealubo po megi me dago bugagia dąų weyu, teda da isiboba usu nigi paibao. Dago tama tiyu da, teda da te Krais dali wadolama, tama sę deli naga aga dali hodobo eyu tama bidaibao.

2 Pita 1:19

Tama tibaso, dago te Godigo po odolama we bidibolo pusali bidi dabego polobadu wali poba dena homu te poba dąų wabo dao. Tama te tiwai gilama tama dagego me augwaligo wali po bomonama dąų ola siyu da, te wiegi yai yaibao. Te Godigo po pusali bidi profet bagego po te be hulia sai madide te lam sole ula elalubo tiwai dao. Tama dagego te profet bagego po bugagia odao, tama te po ododubadi te be posainu ebode tama te genuai ula elalubo hǫ pedalugulama tama te hǫgo ula te dagego homu tomode ula elaluaibao. Te sogo asobo tonalubadi, dagego te profet bagego po bugagia odiąo.

Kraisgo Geme Dualali Sę Pedelabo Po Jonbolo Ola Mani 22:16

“Ena Jisas, eno digi eno mobo bidi dageba tagala palai, tama agai te eno po wali pabo we bidi hani dagebolo e po pusumainogo yai. Ena digi ena te polobadu bidai bidi Devit aga hani bidi wąį dao. Tama te kigamu mu pedalobo te genuai hǫ te ena dao,” agai te po wai.