Hosea 6:1 - Godigo dwagi yai po buku

¹ Te Israel we bidi dabe augwaligo te e tama po wai, “Iya, tegoba, da te Genuai Bidiba ma pinao. Agai da dolali, tiali goli, te agai da bugagia wiegi yai ma ilaibao. Agai da elama, te keni pedelali, tiali goli, te keni agai ma pedela somainu yaibao.

Hosea 6:1 Iomraidhean Croise

Tuni Bidi Dabego Po Elalubo Buku Si 30:6

King dali, aga ofisa dabe dali, augwaligo te pas asęnama, te pas te tigidali Israel dabebolo me Juda dabeba te pas sela pao po wali, te pas te bidi mebabolo mani augwaligo sela pomainu. Te pas tomode elaluali po dabe da e tama po elaluali, “Dage Israel hani dwasianu hani dabe te Asiria dabe kingo dolisąma yali bage, dagego odiąo. Dage Genuai Bidiba ma asiąo, te dago wąįgo God, te Abraham me Aisak me Jekopgo God. Tialima dagego tama tiali da, teda Genuai Bidi aga dage dali bidagasaibao.

Jopgo Po Asęani Elalubo Buku 16:9

Godigo ena suyu, godolo isąma, ena agai boi bidi mu gagabao. Agai ena dali sębę genuai mu elama, eno tigi me dolobo, te bulu yowigo bulu hasa aga kelego pepedebo tiwai ebao,” wali.

Jopgo Po Asęani Elalubo Buku 22:23

Nage God Tigidali Bomo Elalubo Bidiba ma asiyu da, teda agai nago sęgę sela sąna silama, tama nage bugagia ma bidaibao. Tama nago te dwai kolesaga tudi ola menama, tama nage te tobage kolesagade digibulu bidao.

Jopgo Po Asęani Elalubo Buku 34:29

Tiali goli, Godigo magi sę me igi menigi sogo da, teda dego mu Godigo dwai page elalubao po wagi dawe? Ma, agai gesabidi dualigi sogo da, teda de aga pageba mu pigi dawe? Tiali goli, agai tigidali we bidi dali, tigidali bulu tǫ kantri dali si tonalubo dao.

Jopgo Po Asęani Elalubo Buku 5:18

Dago koneani, Godigo nage sęgę mu mayu elama ebaso da, teda aga digi nage usu ma ilaibao.

Godigo Nogi Ugwaba Sabo Tęąbi Po Wabo Buku Dabe 30:7

Genuai Bidi, nago enaba wiegi yai sę mu eyu, tama ena te bomonama dolalumainu eyu, te bulu dude dolalubo bomai be tiwai gilama ilali. Tiali goli, nage geme duala sali sogo, te sogo ena wi elama, aiyaba mu dulai dao.

Godigo Nogi Ugwaba Sabo Tęąbi Po Wabo Buku Dabe 6:2

God, nago te ena homu dene eyu, te tau sabo kolesaga enaba yao. Magi baso meni, ena bomo mu menibao. God, nago ena usu ma ilao, magi baso meni, eno bomo tigidali sia salio.

Godigo Nogi Ugwaba Sabo Tęąbi Po Wabo Buku Dabe 71:20

Nago te deli tigi poai sęgę enaba tagala palali. Tiali digi, eno koneai, te nago ena ma dąų walainu yai. Te ena gų pageba pidali weyu, te nago ena ma hodolaibao.

Kolesaga Koneai Bidigo Pusali Po Elalubo Buku 3:3

Agai te bidi ela muabo sogo bodolu mubadi, agai gasi ebo bidi ma usu ilabo sogo bodolu mubadi yali. Agai te nai dabe hųgiabo sogo bodolu muyu, te nai dabe nigabo sogo bodolu muyu yai dao.

Aisaia 17:7

Tama te sogo te we bidi dabe homu begelama, tama Israel dabego Godiba lotu po waibao, te aga te augwali nigali God dao. Tama aga da te Israel dabego Dwagi Yai Doloba Pai Kolesaga Naga Ebo God dao.

Aisaia 2:3

Te tigidali bulu badu we bidi hanigo te po waibao, “Asiąo. Da bulu du Saionba pinao, Genuai Bidigo bulu duba. Te Israel dabego Godigo beba pinao. Te agai dabolo dago emaina homu ebo te kolesaga ola momainu. Tama da aga digi sa muani sunumidu pogo o.” Augwaligo te tama po waibao. Magi baso meni, Genuai Bidigo bomai po te bulu du Saionde gagalasa, tama tigidali buluba paibao. Awe, Jerusalem te Genuai Bidi agai bulu elaluama, tama agai po we bidibolo ola mabo digi elaluaibao.

Aisaia 30:22

Tama da, dagego duga tibo godigo piksa dabe saibao. Te da te bidi dabego nigilama, silva dali, gol dali sigo haluai piksa. Tama dagego te piksa dabe te dwai damua pai nai tonobo tiwai tonama, e tama po waibao, “Gedao. Dago nage subo hagela ebo.”

Aisaia 30:26

Te sogo te polua te giliga tiwai bomo elama, mu nanaibao. Tama te sogo te giligago ula te bomo yai mu nanama, tama megi tama ula ebo edelama, mu nanaibao, te tigidali sogo ula ebo edelaibao. Te a naga olama, me badu nogo si sogo nanebo giliga deliba sisinama, deli bubugade nanebo tiwai yaibao. Te sę dabe te Genuai Bidigo aga we bidibolo mani sęgę dabe, me dene dabe mani sela sąbo sogo, te sę dabe yaibao. Tama agai augwali usu ma ilaibao.

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Jeremaia 3:22

Genuai Bidigo te po wai, “Dage te hagoma ebo wai puluba dabe, dage enaba ma asiąo. Te eno dagego ena te duga tudiba mubo kolesaga dodolama, te dage ena dali bugagia bidimainu yaibao.” Tama te we bidi dabego po wei ponoyu, te po wai, “Awe, megi da, da nageba ma asaibao, magi baso meni, nage God, te dago Genuai Bidi dao.

Jeremaia 30:12

Genuai Bidigo te tiwai po wali, “Israel, te augwaligo nage dwagilama mu elama, te nago genuai keni pedela sabeo.

Jeremaia 30:17

Te nago boi bidi augwaligo te tiwai po waibao, ‘Saion te olo nai tiwai elama, te mu dwaibao. Te bidigo agade homu me egobeo,’ te po waibao. Tialima, ena Genuai Bidi, eno te tiwai po obao, eno digi nago tigi usu ma ilama, te nago keni pedela somainogo yaibao,” wali.

Jeremaia 33:5

Tama augwa te Babilon dabe dali hwįgi pali. Tiali goli, eno wado po umagia mu weyu, te eno haliga sębę dwai mu te Jerusalem augwaligo ebo dwai kolesagade ebaso, te eno augwali tau sabo hagela yali. Tama tialima, te boi bidi dabego augwali ela munama, tama te isai bidigo tigi dabego te taunde be dabe pągąna saibao,” wali.

Jeremaia 33:6

“Tialima, nosali eno te taun tau selama, tama te taun dali, te we bidi dabe me, wiegi yai ma pedelaibao. Te eno wiegi yai sogo mu augwaliba menama, te augwali bugagia mu bidiyu, tama te boi bidi dabego augwaliba me hwįagasogobeo.

Jeremaia 50:4

Genuai Bidigo te tiwai po wali, “Te sę dabe te Babilonba pedalubo sogo, te Israel we bidi me Juda te sisinama, gela weyu, te augwa Genuai Bidi, God ena gegaibao.

Jeremaia 50:5

Augwali te Saion bulu duba painogo da, teda augwa teba pabo sunumi hanalu waibao. Te augwa te tiwai po waibao, ‘Tegoba, da pelama, te Genuai Bidi dali po dąų wagi pelainao, te da aga hani we bidi bidaibao. Tama te dąų wali bomo yai po sesemane elalueibao, te bidigo agade homu kone me gegeda palama tagalamu dao.’ Augwaligo te sogo te po waibao.”

Te We Bidi Dabego Jerusalem Hagede Gela Wali 3:11

Genuai Bidigo eno sunumi tagalomainu elama, tama agai ena dolalio, te laion de bea sigo hasa pobeasa peyu, te hasago tigi togola tagalobo tiwai yalio. Tama tialigo ena dolama mu bidibao.

Hosea 11:10

“Te eno ena we bidi dabego boi bidi te i bomonama weyu, te hasa laiongo ga weyu, i wabo tiwai eyu, te eno augwali wi ilaibao. Tama eno we bidi dabego te giliga dega sigulubo badu tagalama, tama didibili ebo dali te polo asesa, ena wali asaibao.

Hosea 12:6

Tialima, dagego duga Godiba konealubo po dąų olama, ma begasa asiąo. Tama dagego aga naga wali mu asiyu, te po tų ebode te doloba pai kolesaga naga eyu, tama agai dage tau sabo tonaluiąo.

Hosea 14:1

Te Israel dabe, dage te Godiba ma asiąo, te duga Genuai Bidi dao, magi baso meni, te duga dwai sęgęgo dage tulalumainu yali dao.

Hosea 14:4

Genuai Bidigo te po wai, “Tialima, ena te tagalali we bidi dabe eno ma dobola saibao. Te eno haligago augwali godolo mu eyu, te eno augwaliba wado yabo homu begelama, munu me egobeo.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Pris Sę Ebo Bomai Po 14:48

“Tialima, prisgo te be suagasobo sogo da, teda agai suali, te be wiegi yai elaluyu, te nai ma pedalisąbaso, te agai te tiwai po augwaliba walao, ‘Te be Godigo gedude wiegi yai elalubao.’ Magi baso meni, te oiyabe tiwai naigo te be dolali, te munu ma elalubeo.

Sefanaia 2:1

Dage e kantri we bidi, dage deliba sisinao. Dagego duga dwai kolesagade dage hale dwasianu me ebo menio. Dagego homu bugagia kone palama, tama te dwai kolesagade hale iyąo.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

1 Samuel 2:6

“Genuai Bidigo te bidi ela munama, tama te isai bidi dabe te bidibo ula mawaibao. Tama agai te we bidi dabe te isai bidi dabego pesageba tagala palama, tama agai te isai bidi dabe selama, tama augwali ma odasa aselama, tama augwa te bidibo ula ma selama, bidibo dao.

1 Samuel 7:3

Tama nosali Samuelgo te Israel dabebolo te tiwai po wai, “Te dage homu mu begelama, tama Genuai Bidiba ma begasa asabo homu ebaso da, teda duga te tibo god, me tama te tibo god we Astarte piksaba lotu wabo, te dagego sela sąyao. Tama dage Genuai Bidi dologode mu bidiyu, tama aga deliba naga lotu waiąo, tama teyu da, agai dage tau selama, tama te Filistia ami bidi dabe sela sąyu, te augwaligo dage ma tonalumainu me egobeo,” wali.