Hosea 5:8 - Godigo dwagi yai po buku

⁸ “Dage Gibea, dage Rama, dage Betel, dage Benjamin, te bu wabo nai biugel bu waiąo. Bomonama i wao. Udada peyu, te boi hwiąo.

Hosea 5:8 Iomraidhean Croise

2 Samuel 21:6

Tama tibaso, dago homugo te nago dabolo te Solgo hani sibigo bidi te a naga olama, me si, te tama bidi dabolo momainu homu ebao. Tama dago augwali te bulu Gibeaba sela paibao, magi baso meni, Gibea te Solgo page bulu dao, te king te Genuai Bidigo nigilali. Tama te God Genuai Bidigo gedude te dago augwali te niba walama, tama augwali isimainu yaibao,” te Gibeon bagego te po wai. Tama Devitgo augwaliba te tama po wai, “Tialima, te eno augwali dageba mawaibao,” wai.

Te Israel me Juda Hani Sigo Tuni Bidigo Po Elalubo Buku Deli 12:29

Tama tialima, agai te tibo god noma dabe nigali te me deli te taun Betel buluba mugi pali, tama me te taun Dan buluba mugi pali.

Aisaia 10:29

Augwali aiya dulama, wę odogo nogegi pali. Tama augwali ugwaba holama, hanu Gebaba pigi pali. Te Rama hanu we bidi wi genuai mu eyu, midigi sali. Tama te hanu Gibea, te tuni bidi Solgo hanu, augwali hanu tagalama, wi pepelawali.

Jeremaia 4:5

Genuai Bidigo enabolo te po weyu, te Juda dabeba me, Jerusalemba me, te po pusao wali. Agai po e tiwai, “Dage pelama, te tigidali tǫ habu kantri pedaiba te biugel bu ola biligi pao,” wali. “Te we bidi dabeba te tiwai i omainu yao, ‘Dage sisinagaselama, te dage bomai obo elalubo taunba geme duala sigi piąo,’ wai dao.

Jeremaia 6:1

Genuai Bidigo te po wai, “Dage Benjamingo hani we bidi, dagego te Jerusalem tagalama wi pao. Tiyu dage dolabuo. Dagego te Tekoa taunde te bu wabo nai biugel bu weyu, te plak te bulu Bet Hakeremde ugwaba siąo, te bidi dabego te biugel bu wabo odoyu, te walobo plak sulama, te augwali wi pao omainao. Magi baso meni, te dwai nai mu te not badu tagalama asiyu, te dage mu dolainu ebao.

Hosea 10:5

Te bulmakau gol Betelde elaluali te dolaibao, tama te taun Samariade bidali we bidi te augwali wi elama, te bulmakaude homu dene yaibao. Te tibo godide sę ebo we bidi, me pris dabe, augwali agade te homu dene eyu, gela waibao, magi baso meni, te Asiria dabego aga au dobage hųgia sąnama, te aga dolaibao.

Hosea 4:15

“Dage Israel we bidi te penani we tiwai elama, tama dagego ena tagalalio. Tiali goli, tiyu dage te Juda we bidigo te tobage kolesaga tiwai igimio. Dage munu me te tibo lotu te Gilgalba ma te Betelba me wagi pelamuo. Dagego te tebo kolesagago te Betel te dwai pesage pedalubo tiwai ebao. Tama teyu, te eno be tiwai ąǫ me egobeo. Tama te bulu pesage side, dagego te po dąų walobo po te eno nogide me wagio, ‘Genuai Bidi te sesemane bidada pabo dao.’

Hosea 8:1

Genuai Bidigo enabolo te po wai, “Te boi hwįmainu biugel bu wao,” wali. “Te boi bidi dabe polo aselama, te eno tǫba hwįagasaibao, te ba kemodage polo te tǫba bola dulama, te hasa bolo ela sigulubo tiwai yaibao. Magi baso meni. Eno te ena we bidi dabe dali dąų walali po te augwaligo togolama, te bolama, tama augwaligo eno bomai po sela sąwani.

Hosea 9:9

Dagego te dwai kolesaga sesemane sogo ebao, te duga wąį nǫų dabego polobadu te bulu Gibeade yali sę tiwai yai. Tama te Godigo dagego yali dwai sęgę te homu kone paliyu, te agai dageba dwai dene mu mawaibao.

Joel 2:1

Genuai Bidigo te dwai sę ebo we bidiba dene maiabo bodolu, te pąba megi yagasoba wali. Tialima, dagego te biugel bu weyu, te Godigo bulu dude digi, te Saionde belo dabe elao. Tama te side te tigidali Juda we bidi noma somainao wali.

Joel 2:15

Dagego te bulu du Saionde te biugel naigo bu wao. Te we bidi dabeba weyu, te augwa nai habu selao, tama dagego augwali sisinama, lotu omainu yao.

Amos 3:6

Te bu wabo nai biugel te taun me deli tomode bu obaso, te boi hwįabo bidi asobao po pusubo tiwai ebo si da, te hanu we bidi augwa wi homu yaibao, agawe? Magia, wi yaibao. Te tiwai naga, te taun me deli dolobaso, dagego homugo Genuai Bidi Godigo te dolabo nai tagala palai dao homu ebo da, agawe? Magia, tagala palai dao.

Josua 7:2

Josua te Jerikode bidiyu, tama bidi meba te bulu nogi Ai teba tagala palai, te hanu me deli te giliga pedalubo badu te Betel badu, te Betaven pąde elaluai. Agai augwalibolo te hanu susa biligi pao po wai. Tialima, te bidi dabe augwali pelama, tama tiwai igi pai.

Te Israel Tobolu Bidi Dabe 5:14

Te Efraim dabe aiyaba dulama, tama te tǫ maluba pali. Augwaligo te Benjamin hani bidi dabe wali pali. Te Makir bidi sibi tobolu bidi dabe te buluba dulali. Tama te Sebulungo hanide ofisa dabe te buluba dulali.

1 Samuel 15:34

Tama nosali Samuel te Ramaba ma geasa peyu, tama te king Sol aga be te Gibeaba palio.

1 Samuel 7:17

Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.

1 Samuel 8:4

Tama tibaso, te Israel polalubo tobolu bidi dabe deliba sisinama, tama pelama, Samuel te Rama hanude bidibo sugi pali.