Hosea 5:7 - Godigo dwagi yai po buku

⁷ Augwaligo te Genuai Bidi tagalali, te wego aga bidi tagalama, te penani ela bilibo we tiwai yai. Tama augwa wai dabego te tama konebe, God te augwa aya mu da homu ebeo. Tialima, te dwasianu sogo gana, tama te boi bidi dabego augwali dolagasaibao, tama augwa tǫ dabe dali dolaibao,” wai.

Hosea 5:7 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 144:11

Te dwai sę mu ebo boi bidi dabego nogode nago ena ma sao. Tama ena te Israel hani isąwai dabego nogode ma sao. Augwa te mu po me wasiąma, tama augwa te nogo guni sisu muyu, te mu po da weyu, te tibo po dali wabo dao.

Godigo Nogi Ugwaba Sabo Tęąbi Po Wabo Buku Dabe 144:7

Nago nogo aiyaba munama, tama nago ena te Israel hani isąwai we bidi dabego bomode ma sao, te bidigo nogo aiyaba munama, tama gasa bidi ugwaba keka selama, tama aga te moni wę gede mu bidali tagalobo tiwai yalio.

Aisaia 1:14

Eno dagego te gesi poluade lotu wabo, me gasa bodolu mani lotu dabe dagego wabo eno godolo mu menio. Te nai dabe tigidaligo enabolo sęgę mabo. Tama eno tolobo mu hagela ebo.

Aisaia 48:8

Eno te tama koneani, te eno gagalama, dage te deli hani we bidi pedalumainu ilali sogo, dage te po sela sąyu, hagoma ebo hani mu pedelali. Tama tibaso, eno te nai dabe po dageba hanilama, me pusubeo.”

Aisaia 59:13

Dago te dena Genuai Bidi, God, nageba dwai sę yali, te dago nage tudiba munama, nago po sela sąwani. Dago nage dologode bidibo te hagela homu yai dao. Dago te gasa bage elaluama, te haniani hagoma kolesaga yali. Dago te gasa bage dabe tibo po ola mayu, po geagano bilama, haniani sunumi nigibo po wali.

Jeremaia 3:20

Tiali digi, menio. Dage Israel we bidi hani, dagego ena tagalama, te wego aga bidi tagalobo tiwai yali. Ena Genuai Bidi, eno te po wai dao.”

Jeremaia 5:11

Te Israelgo Juda dabego ena tudiba mu muai. Ena Genuai Bidigo eno te po wai dao,” wali.

Esekiel 12:28

Tialima, ena God Genuai Bidi, eno te Israel dabe augwaligo po te tiwai wei ponaibao,” wali, “‘Te eno ma tonalubo sę me egobeo. Eno dageba te po wali nai augwali megi naga eno te sę yaibao.’ Ena God Genuai Bidigo, eno te po wai dao,” wali.

Hosea 2:11

Te eno agai te wiegi yai homu pemene ebo te genuai side wabo te tigidali mu silimainu yaibao. Te genuai side da wabo te tiwai, te lotu wabo genuai side te deli deli kibu bede pedalu, te deli deli poluade pedalu yai, tama te Sabat side lotu wabo me, te gasa tobage lotu dabe me, te tama tiwai yai.

Hosea 2:4

Te eno agai wai dabe homu dene me egobeo, magi baso meni, augwali te hale meni isąwai penani we me deligo wai dabe dao.

Hosea 6:7

“Te we bidi dabe augwaligo te bulu Adam pesagede te wę Jordan nogelama, tama eno augwaliba te mani tǫba sabolali. Tama polo tama te eno augwali dali polobadu dąų walali po augwaligo togolama, bolai dao.

Hosea 7:13

“Odiąo. Te augwali dolomainu yaibao. Augwaligo ena tagalama, te enaba hagoma yali. Tama tibaso, eno augwali dolaibao,” wali. “Hasia bolo eno augwali tau sainu yali, tiali goli augwaligo tibo kolesaga enaba yalio.

Sekaraia 11:8

Tialima te ena dali sę ebo abagi selago enaba godolo homu isąbaso, tama eno augwali sela te polua deli tomode sela sąna silalio.