Hosea 5:5 - Godigo dwagi yai po buku

⁵ Te Israel dabe augwa hagoma kolesagago digi augwa ma po tų ilali. Te augwa dwai sę yali sęgęgo digi te augwa tulaluama, tama te Juda dabe me te augwali dali tulaluai dao.

Hosea 5:5 Iomraidhean Croise

Bugagia Bidibo Kolesagade Po Asęai Buku 11:21

Mu tamao, Genuai Bidigo te dwai kolesaga ebo bidi dabeba po tų ilama, tama agai augwaliba dene gesoai mu ilaibao. Tiali goli, te wiegi yai kolesaga ebo bidi dabego hanigo te po tų ebo ugwaba igulaibao.

Bugagia Bidibo Kolesagade Po Asęai Buku 11:5

Te doloba pai kolesagago te doloba pai bidi dabe augwa tau siyu, tama te doloba pai sunumi wali pabo usu yaibao. Tiali goli, te dwai kolesagago te dwai bidi dabe augwa digi tula mumainu ilibo dao.

Bugagia Bidibo Kolesagade Po Asęai Buku 14:32

Te dwai sę ebo bidi dabe te augwa dwai kolesagago digi te dolobao. Tiali goli, te doloba pai bidi dabe te magi nai me delide homu si me egobeo. Te augwa isibo sogo pedalubo si da, te augwa konealubo po te me dąų elalueibao.

Bugagia Bidibo Kolesagade Po Asęai Buku 24:16

Te doloba pai bidi hauwa sogo tulalubadi digi tagala, te sesemane sogo aga ma hodaluaibao. Tiali digi, te dwai sogogo te dwai kolesaga ebo bidi dabe gegebaso da, teda augwali mu dolobo dao. (28)

Bugagia Bidibo Kolesagade Po Asęai Buku 30:13

Te meba bidi dabego homugo augwali te wiegi yai mu da homu elama, tama gasa bidi dabe te olo bage te olo tiwai da homu ebo dao.

Aisaia 3:8

Jerusalem de Juda si te dwai sogoba sabolama, tulalubo gagalali. Magi baso meni. Augwaligo tigidali pogo me, sęgo me, augwaligo Genuai Bidigo nogi aiyaba elalubo dao. Augwaligo te dwai kolesaga agai gedude ma ebo dao.

Aisaia 3:9

Te po tų odobode augwaligo augwa godolo ebo bidi dabe naga tau sabo dao, tama gasa bidi dabe aiyaba elalubo dao. Tama te kolesagago augwa digi augwa ma po tų ela mabo dao. Augwali te we bidi dabego gedude dwai sę ebode augwali hale me ebeo, te Sodom bagego polobadu yali gilama. Augwali dolaibao. Augwa dagede augwa dolaibao.

Aisaia 44:9

“Te tibo god piksa noma nigibo bidi dabe, augwa digi te dwai mu ilibao. Te sawi wiegi yai piksa augwa wiegi yai pemene ebo, augwali te olo nai tiwai ebao. Te tibo godiba lotu wabo bidi dabe, tiwai bidibao. Tiali goli, te augwali hale mu yaibao, magi baso meni, augwaligo te tibo godigo magi sę me deli ebo me sugobeo. Augwali te homu kolesaga mu umuna sai bidi tiwai dao.

Aisaia 59:12

“Genuai Bidi, te dago dwai sęgę nago gedude hauwa mu elama, te sęgę dabego da po tų ilali. Tama dena digi dena yali te dwai sę tigidali bugagia koneai dao. Mu tama, dago dago dwai sę hauwa yali dao.

Jeremaia 14:7

Te we bidi dabego gedu haluasa po weyu, te tiwai wali, “Mu tamao, Genuai Bidi, dago nage tudiba muyu, te nago gedude dwai sę hauwa yali. Tama dena te yali dwai sęgo dena ma po tų ilalio. Tialima, Genuai Bidi, te naga genuai nogide digi homu kone palama, te nago da hobede yao.

Jeremaia 2:19

Naga digi ebo dwai kolesagade te nageba dwai dene mawaibao. Nago ena tudiba mubaso, tama naga te kolesagade nageba wado ilaibao. Nago ena Genuai Bidi tagalu, te nago God, te nago ena dologoba me bidagasobe. Tama nago bugagia homu kone palama, koneao, nago te dwai kolesaga dabe mu ebogo te nageba dwai dene mobao. Ena God, Tigidali Bomo Elalubo Genuai Bidi, eno te po wai dao.”

Hosea 14:1

Te Israel dabe, dage te Godiba ma asiąo, te duga Genuai Bidi dao, magi baso meni, te duga dwai sęgęgo dage tulalumainu yali dao.

Hosea 14:2

Dage te Genuai Bidiba ma aselama, tama te gedu haluasa po dagego Godiba te ofa tiwai iyagameo. Dagego gedu haluasa po e tiwai wagameo, “God, nago dago sęgę tigidali sela sąyu, tama dago gedu haluasa po wabo odao. Tama dago te bulmakau elama, tama nageba ofa ebo usu egobeo. Menio. Te dago te dena polobadu dąų walali po wali gilama, te dwagi yai kolesaga naga yaibao.

Hosea 4:5

“Tigidali sogo dagego sę yali, tiali goli dagego sę besela palama eyu, tama dagego geda mubo dao. Tama te profet dabego me tama naga tibo dao. Tama tibaso, eno te Israel dolaibao, te dagego ida tiwai dao.

Hosea 5:14

Megi da, ena te bomai laion tiwai pedalama, tama eno te Israel me Juda si dali hwįaibao,” wai. “Te ena digi eno augwali pepeda palama tagalaibao, tama augwali te tiwai bidimainu yaibao. Te eno augwali kekasa pelama, te bidi me deligo augwali tau siyu, eno nogode ma sainu ebo usu me egobeo,” wali.

Hosea 7:10

Te Israel dabe augwa hagoma ebo kolesagago digi augwa po tų ilali, tiali goli te augwa homu begelama, te augwa Genuai Bidi, God enaba ma asobeo. Mu tama, augwaligo ena kegasa asobeo.

Hosea 8:14

“Te Israel dabego homugo te kingo bomogo augwali tau sabo usu yaiba homu yai, tama tiyu augwaligo te kingo bomai be sę yani. Tiali goli, augwaligo te naide homu kone isąwai, ena God, eno te we bidi nigai dao. Tama te Juda dabego me te dwai sę yai elaluali, magi baso meni, augwa taun dabe bagulabo te bomai obo dabe nigali, tama augwa homugo te augwali bugagia bidaiba homu yai. Tiali goli, tagalao, eno sia te taunba tula palama, te kingo be dabe dali siago dela silimainu yaibao,” Genuai Bidigo enabolo te po wai.

Amos 5:2

Te tiwai balia obao, “Te gesi wegi Israel, aga degasa dulalio, ela mubaso, te ma hodalubo usu ebeo. Aga te aga tǫde pila mubao, te aga tau selama hodolabo bidi deli me meni dao.”

Matyu 23:31

Dagego te pogo ola mani, dage da te polobadu po pusali bidi dabe elali te bidi dabego wai dabe te dage megi e bidalubao.

Dwagi Yai Gesi Po Lukgo Asęani 19:22

Te genuai bidigo agabolo po wei ponoyu, te po wai, ‘Nage dwai sę ebo bidi, nago megi wali pogo eno nage aiyaba elaluaibao. Ena da homu sesena pabo bidi dao, nago koneani. Gide nai bulisąma, eno te tubo nai naga sabo bidi dao, te me nago koneani. Gide nai bulisąma, ena tubo nai sabo bidi dao, te me nago koneani.