Hosea 4:6 - Godigo dwagi yai po buku

⁶ Te we bidi dabego ena bugagia konesiąbaso, augwaligo ena wali me asobeo, tama teyu, te augwali dolaibao,” wai. “Dage pris dabego ena wali me asisąyu, tama dagego eno po sela sąwanio. Tama tiyu, te eno dage sela sąwaibao. Tama eno te dagego wai dabe me te eno pris pedalumainu me egobeo,” wai dao.

Hosea 4:6 Iomraidhean Croise

Tuni Bidi Dabego Po Elalubo Buku Si 15:3

Bobobage sogo mu te God Mu Israel dabe dali munu me bidai menio. Magi baso meni, augwaligo agaba tudi ola mobaso. Tama augwaligo Godigo po augwaliba ola maiabo pris bidi meni yai dao. Tama me augwaligo agai bomai po dabe wali me pai menio.

Jopgo Po Asęani Elalubo Buku 36:12

Tiali goli, augwaligo po odisąma yali da, teda augwa boi bidi dabego augwali ela muagasaibao. Tama augwaligo magi nai augwali tigiba pedalaliwe olama, konegobeo,” wali.

Godigo Nogi Ugwaba Sabo Tęąbi Po Wabo Buku Dabe 119:139

Te eno boi bidi dabe augwaligo nago pode homu kone palobo sę me ebo menio. Tama tibaso, eno haliga te isi dabo posolo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 119:153

Nago suali, ena te genuai sęgę elalubo, tama tialima, nago te sęgę sela sąyao. Eno nago bomo yai po homu kone me gegeda palobo menio.

Godigo Nogi Ugwaba Sabo Tęąbi Po Wabo Buku Dabe 119:61

Te dwai bidigo usu sabo homugo ena paliyu, tama ena augwaligo kolesagaba oda sainogo ebao, tiali digi eno nago bomai po tagalobeo.

Godigo Nogi Ugwaba Sabo Tęąbi Po Wabo Buku Dabe 18:27

Nago te augwa digi te haliga aiyaba elalubo we bidi dabe augwali te ma sabo da. Tiali goli, nago te augwa digi augwa nogi ugwaba sabo we bidi te aiyaba elaluaibao.

Bugagia Bidibo Kolesagade Po Asęai Buku 10:21

Te doloba pai bidigo pogo te bidi hauwa tau saibao. Tiali digi, te wiegi yai homu isąwani bidi dabe da, teda augwali te isaibao, magi baso meni, te augwaligo augwa bidibo kolesagade homu kone paliyu, dolo dagalobo menio.

Bugagia Bidibo Kolesagade Po Asęai Buku 19:2

Tama te bidi me deli agai te sę me deli yabo bomo eyu, tama agai te yabo sę te bugagia konesiąbadi tiyu da, te wiegi yai me egobeo. Tama te bidi mego te sę me deli asesa ebaso da, teda agai te sę te wiegi yai me pedalugobeo.

Aisaia 1:3

Te kau kibu dabego augwa aya konebo dao, me te donki kibu dabego augwa ayago nai mabo pesage konebo dao. Tiali goli, eno Israel we bidigo kolesaga menio. Te kau kibu de donki kibu sigo kolesagago augwaligo kolesaga edelalio,” wali.

Aisaia 17:10

Magi baso meni. Israel dabe, nago te God nage ma oda sabo God nago homu kone ebeo. Aga te genuai masigi te dwai sogo duala sigi pabo masigi tiwai dao. Tiali goli, mu tama, nago aga mu gegeda pali. Tama nago gasa hanigo godiba lotu po wali. Tama nago homugo tibo te god dabego nage tau selama, tama nage bugagia bidiba homu ebo. Tiali goli, nage dolama, tama nage usu ma yabo sunumi mu menia saibao. Te naga gide ni wain wai bulama, tama kulubi polo holama, tama aga du walainu duduli ebo sulama nage wiegi yai homu ebo tiwai dao. Tiali goli, nago agai du sogobeo. Menio. Deli sogo polo tama te wain ni dolama, sasi elama, te wain gi dolaibao.

Aisaia 27:11

Tama te ni nologo dabe sasia pabo si da, te ni nologo dabe mobia pelama, tǫba tulalubo si da, te we dabe sibigo isi nogainu gigila sagasobo dao. Te tobage dwai sogo pedalali. Magi baso meni. Te hanu we bidi augwali bidi po sela sąbo we bidi mu. Tama tibaso, God, te aga te God augwali deli we bidi hani pedalomainu ilai goli, agai augwali godolo elama, augwali me hobede me yai menio.

Aisaia 28:7

Te profet dabe, me pris dabe, augwaligo te wain wę me bia wę hauwa tulama, polobo homu yabo homu elama, dodolama, wa bilabo homu eyu, dodola bilabo homu ebo dao. Augwaligo homu kolesaga menia pabo dao. Tama augwaligo augwa sę bugagia ebo menio. Tama me, te pris bidi dabe augwaligo te we bidi dabego sęgę bugagia dodolobo menio.

Aisaia 29:12

Tama ma, nago te buku nedisiąwai bidibolo nago te bukude elalubo po dabe nedao obaso da, teda agai te po waibao, “Eno te buku nedebo konebeo.”

Aisaia 3:12

Hobede mu da, dage eno we bidi dabe. Te gesi we bidigo dage te tonalubao. Te tobolu bidi dabego dage halubaso, tama dagego augwaligo dwai sunumidu dage wali te pobao.

Aisaia 45:20

Genuai Bidigo te tiwai po wali, “Te tigidali tǫ kantri we bidi dabe, dage sisinagasiąo. Te hwįani sogode dolisąma bidalubo we bidi dabe, dage tigidali te po tųba asiąo. Tama dego te tibo god piksa dali sela asobo bidi, aga homu kolesaga mu meni ebao. Aga te tibo godiba gedu haluasa po weyu, aga tau somainu tiaibao, tiali goli te god te bidigo nigo dulama naga nigali, tama agai te bidi tau sabo usu me egobeo.

Aisaia 5:13

Tama tibaso, Genuai Bidigo te po wali, “Mu tama, eno we bidi dabe dagego ena konebo hagela yali. Tama tibaso, boi bidi dabego dage gasa buluba me kalabus elama, odasa paibao. Te genuai bidi dabe nai menia saibao. Te olo we bidi dabe te ąį nogone eyu bidaibao. Tama augwali mu dolaibao.

Jeremaia 2:8

“Te pris dabego me enaba homu kone me palobeo. Te eno bomai po page koneai bidi dabe, augwaligo ena me konebeo. Te bulu tǫ kantri tonalubo polalubo bidi dabego enaba hagoma ebao. Te profet dabego te tibo god Bal nogide profetgo wabo po tiwai weyu yali. Augwaligo te augwa tau sisąbo naiba lotu wai dao,” wali.

Jeremaia 4:22

Genuai Bidigo tama po wali, “Eno we bidigo homu kolesaga wiegi yai me elalubeo. Augwaligo ena me konebeo. Augwali te homu kolesaga konesiąwai wai puluba tiwai elalubao, te augwali umuna pai elalubao. Augwaligo te dwai sę ebo mu konea pai elaluali, tialima augwaligo te wiegi yai kolesaga ebo me konebeo,” wali.

Jeremaia 5:21

“Dage we bidi dabe te wiegi yai homu kolesaga meni yai. Duga gedu elalubao, tiali goli te elalubo nai dagego me susiąwai. Te dagego olo elalubao, tiali te dagego po me odobeo. Tiali te dagego olo eno te poba bugagia muiąo,

Esekiel 44:23

“Te pris dabe augwaligo te we bidibolo mena nai dabe eno gedude te tedali gasagi yai meda meni yai nai mu augwalibolo ola mayu, me mena nai dabe eno gedude te olo da wabo nai dabe augwalibolo ola mayu yao. Tama me augwaligo mena nai eno gedude meda yai augwalibolo ola mao.

Hosea 13:6

Tialima, nosali dage te wiegi yai tǫba sabalubo sogo, te dage nai pągąna pelama, te dage tigidali nai usu yali. Dagego te nai sela selama da, tama dagego te homu yali, te duga bomogo digi dagego te nai sali homu yai. Tama tiyu, dagego ena homu kone gegeda palubao,” wai.

Hosea 2:13

“Agai ena hauwa sogo homu kone gegeda palali, tama te tibo god Balba te wiegi yai denami ebo ofa iligi palio, tama agai te wiegi yai au dobage munama, te aga godolo ebo bidi wali bilali. Tama tibaso, eno te dwai dene agaba mawaibao. Ena Genuai Bidi, eno te tama po wai dao,” wali.

Hosea 4:1

Genuai Bidigo te kantri tǫde bidibo we bidi dabeba po kisilama wali. Dage Israel, te Genuai Bidigo po odao. Agai te tama po wai, “Te bulu tǫ kantride bidibo we bidi dabego te mu po wabo kolesaga konesiąma, tama augwa abagi dabe digi te godolo homu me ebeo. Augwaligo te ena augwa Genuai Bidi da homu me isąwai.

Hosea 4:12

Tama augwaligo te olo ni dagego nigali tibo god hanaluama, te geme dualali po page pedalumainu yali. Iya, tegoba, augwaligo homugo te ni dage dabego te augwaligo koneainu ebo nai dabe ola momainu homu elama tiali. Awe, augwaligo ena tagalalio, tama augwaligo te tibo god dabe wali pai, te penani ebo we me deligo aga bidi tagaliyu ebo tiwai yalio.

Hosea 4:14

Tiali goli, te eno augwaligo ebo dwai kolesaga wei me ponogobeo,” wali. “Magi baso meni, dage bidi dabe duga digi me te tibo godigo lotu beba te penani ebo we dabeba pabo dao. Tama dage augwali dali deliba sisinama, tama te tibo godiba ofa ebo dao. Tama eno po dolo dageba te tiwai wali, ‘Dage te we bidi te wiegi yai homu kolesaga elalusiąbo we bidi, te dage dolaibao.’ Eno te po wali.”

Hosea 5:4

“Te Israel dabego te tibo godiba lotu weyu yali, tama te kolesagago augwaligo homu kolesaga dąų walama, tama augwaligo te Genuai Bidi wali me pabo meni, te usu egobeo. Tama augwa te yali dwai kolesagago te augwali paniama, tama augwali te augwa Godiba ma asabo usu isąwai dao.

Hosea 6:6

Dagego te hasa elama, tama enabolo olo mabo kolesaga, te tobage ofa sę ebo te eno godolo homu mu egobeo. Menio. Te dagego gasa we bidide homu dene eyu, tau sabo kolesaga ebo, te eno godolo mu ebo dao. Eno godolo ebo homu te dagego homu kolesaga te enaba sesemane momainu homu ebao, tama tiyu, te dagego ena bugagia konemainu homu ebo dao,” wali.

Hosea 7:11

Israel te kolesaga meni yai umunaluai ba hi subigila bola bilibo tiwai ebo dao,” wai. “Hasia bolo augwali pelama, te Isip dabego augwali tau sogowe weyu, hanalugi pali, tama nosali augwali pelama, te Asiria dabeba me hanalugi pai dao.

Hosea 7:9

Te Israel dabe augwa te kolesagago te augwa digi bomo tamunani, tiali goli augwaligo te konesiąwai. Awe, augwali te monu dabe bomo meni yai tiwai yali, tiali goli augwaligo te me konebeo.

Hosea 8:1

Genuai Bidigo enabolo te po wai, “Te boi hwįmainu biugel bu wao,” wali. “Te boi bidi dabe polo aselama, te eno tǫba hwįagasaibao, te ba kemodage polo te tǫba bola dulama, te hasa bolo ela sigulubo tiwai yaibao. Magi baso meni. Eno te ena we bidi dabe dali dąų walali po te augwaligo togolama, te bolama, tama augwaligo eno bomai po sela sąwani.

Hosea 8:12

Eno augwalibolo te eno bomo yai po hauwa asęani. Tiali goli, augwaligo te bomo yai po suali, te gasa hanigo ebo tobage kolesaga naga yali, te augwaligo ena wali me asobeo,” wai.

Hosea 8:14

“Te Israel dabego homugo te kingo bomogo augwali tau sabo usu yaiba homu yai, tama tiyu augwaligo te kingo bomai be sę yani. Tiali goli, augwaligo te naide homu kone isąwai, ena God, eno te we bidi nigai dao. Tama te Juda dabego me te dwai sę yai elaluali, magi baso meni, augwa taun dabe bagulabo te bomai obo dabe nigali, tama augwa homugo te augwali bugagia bidaiba homu yai. Tiali goli, tagalao, eno sia te taunba tula palama, te kingo be dabe dali siago dela silimainu yaibao,” Genuai Bidigo enabolo te po wai.

Hosea 9:17

Eno aga sę ebo God, te Godigo te aga we bidi tudiba mueibao, magi baso meni, augwaligo agai po wali pisąbaso tiali. Tama augwali te bulu tǫ kantride te tǫ meni yai bidi dabe tiwai bidaibao walio, augwali te bulu wau bilibo bage naga bidaibao.

Matyu 1:6

Tama Obetgo ogwa Jesi. Tama Jesi aga ogwa te tuni bidi Devit dao. Tama Devitgo ogwa Solomon, te Solomon aga ida te polobadu te bidi Uriago we dao.

Matyu 15:14

Dagego te Farisi dabe augwali sula tagalama elaluao. Augwali te gedu widai, tama te gedu widai mego te gasa gedu widai bidi te pabo tų ola mawainogo ebao. Tiali goli, te me gedu widaigo te me gedu widai bidi te tų ola mayu da, teda bidi talua si te ąį gamia pageba tulaluaibao,” Jisasgo te po wai.

Matyu 15:8

‘Te hani we bidi augwaligo eno nogi te pedauwaligo naga ugwaba sabo dao, tiali goli augwaligo homu kolesagago augwaligo ena dali abagi homu ebo menio.

1 Samuel 2:12

Hopni me Finias, te Eligo ogwa si, te bidi dwai si mu. Augwali si te pris bidai, tiali goli, augwali sigo te tiwai homu yai, Genuai Bidi te olo nai tobage tiwai da homu elama, tama augwali sigo subigila sę yali.