Hosea 4:5 - Godigo dwagi yai po buku

⁵ “Tigidali sogo dagego sę yali, tiali goli dagego sę besela palama eyu, tama dagego geda mubo dao. Tama te profet dabego me tama naga tibo dao. Tama tibaso, eno te Israel dolaibao, te dagego ida tiwai dao.

Hosea 4:5 Iomraidhean Croise

Aisaia 50:1

Genuai Bidigo te Israel we bidi dabeba te tiwai po wali, “Taun Jerusalem te duga ida tiwai elalubao. Dagego homugo eno aga tudiba mubao homu eyu, te bidigo we sabo kolesaga bolama, te sai we mu sela sąbo tiwai homu eba, agawe? Te dagego tama homu ebaso da, teda te tama po wali pepa mena elalubawe, eno aga mu sela sąwaniwe? Tama me, te eno bidi me delide negeli sali me elalubeo. Te tama homu dagego magi baso ebawe, eno wai dabe eno dage te gasa bidi dabeba te olo sę ebo bidi tiwai ilama, tagala paliyu, eno te negeli sali dodolabo mone saliwe? Mu menio. Te dagego dwai sę hauwa ena haliga sębę ilibaso, eno te Jerusalem tudiba munama, tama eno dage te gasa bidi dabego nogoba muai dao.”

Jeremaia 15:8

Eno te ami bidi hauwa ela muani, tama augwa we dabe te augwa naga olo bidali. Te we dabe namba umabo mu bidai, te nambisde masigi sane aiyaba elaluali. Te giligade digi eno te boi bidi dabe tagala palama, te ami bidi dabego ida dabe ela muagasali. Deli sogo mu tama eno augwaliba te genuai dene menama, te augwali wi dwai mu ilai dao.

Jeremaia 23:9

Jeremaiago te tiwai po wali, “Eno te Genuai Bidigo wiegi yai doloba pai po eno koneai, tama eno te profet dabede homu kone palobo sogo, eno homu doloyu, te ena wi elama, te eno dili dabe didibili mu ebo dao. Ena te bomai ąį wain hauwa tuai bidi tiwai pedelama, te gęǫ elama, te wabo pabo tiwai ebo dao.

Jeremaia 50:12

Tialima, dage Babilongo tǫ kantri te hale dwai mu elama, te aga genuai nogi elaluali mu tulalueibao. Te aga tǫ kantri dwai mu elalu, te gasa hani we bidi tigidali tomode nogi elalugobeo. Te tǫ wa pai bulu pesage te olo bulu pesage elalueibao.

Esekiel 14:3

“Tǫde bidio, te bidi dabe augwaligo te tibo god dabeba sesemane homu kone elama, te augwaligo sęgę genuai pedelali. Tialima, augwaligo te tibo god dabe homu godola pelama, te augwali tagalabo homu me ebeo. Tialima, augwali odolali naga asali. Eno augwaligo hanalubo po wei me ponogobeo,” te po wali.

Hosea 2:2

Godigo te tiwai po begelama, te aga we bidiba wali, “Eno wai dabeo, dagego ida te eno we da homu me elalugobeo, tama ena te agai bidi ma elalubeo. Tiali goli, dagego aga dali konila po weyu, agaba bomonama hanalu, te penani ebo kolesaga tagalao po wao.

Hosea 2:5

Te wego te tama po wali, ‘Te eno wei eyu, godolo homu ebo bidi dabe wali paibao,’ wai. ‘Augwaligo ena te nai me wę mayu, te gudabo ugwa dabe me mayu yali, tama te oliv wel me wain mayu ebo dao,’ te po wai.

Hosea 5:5

Te Israel dabe augwa hagoma kolesagago digi augwa ma po tų ilali. Te augwa dwai sę yali sęgęgo digi te augwa tulaluama, tama te Juda dabe me te augwali dali tulaluai dao.

Sekaraia 11:8

Tialima te ena dali sę ebo abagi selago enaba godolo homu isąbaso, tama eno augwali sela te polua deli tomode sela sąna silalio.

Sekaraia 13:2

Te Tigidali Bomo Elalubo Genuai Bidigo geninama ma weyu, te po wali, “Te sogo eno te eno we bidi hanigo tǫde tibo god dabe sela sąwaibao, tama te bidi dabego augwali homu kone mu ma palogobeo. Tama eno te tibo profet dabe me sela sąwaibao. Tama eno te we bidi dabego dwai homu kolesaga elalubo sela sąnama, tama augwaligo te tibo god dabe godolo homu munu ma egobeo.

Galesia 4:26

Ao, tiali goli megi eno te gesi hanu me Jerusalem tede po digi po begelama obao, te hanu aga dagalude megi tonalubo dao. Te gesi hanu Jerusalem te gasa we dao, te we nogi Sara dao. Aga te olo sę ebo we menio. Tama da te Godigo mani gesi kontrak po dologode olo bugagia bidibo, tama te we Sara aga te dago ida tiwai bidibo dao.