Hosea 4:4 - Godigo dwagi yai po buku

⁴ Genuai Bidigo po ma weyu, te tiwai po wai, “Te mena bidi me deligo te we bidi dabe po tų me iligobeo, magi baso meni, te dwai kolesaga page augwalide me elalubeo. Meni. Te dage prisde po elalubao, tama tiyu eno dage dali po elalubao,” wali.

Hosea 4:4 Iomraidhean Croise

Jeremaia 18:18

Te we bidi dabego te tama po wali, “Tegobao, dago te Jeremaiabolo magi sę yabo sunumi gegeinao. Agai po te mu po me wabeo. Te pris dabego augwa bomo yai po dabolo pusubo sę me tagalogobeo. Te wiegi yai homu kolesaga me koneai bidi dabe, augwa wiegi yai po me tagalogobeo. Tama te profet dabego me, te augwa profet po pusubo sę me tagalogobeo. Tama tialima, dago te Jeremaiago poba olo me mugobeo. Menio. Dago aga po tų naga inao,” te po wali.

Esekiel 3:26

Te eno nago pedauwali pania somainogo ilama, tama te po sela sąbo bidi dabeba te nago po bomo elama, augwaliba me weyu, augwaligo te dwai kolesaga tagalao po bomo elama me wagobeo.

Hosea 4:17

Te tibo godigo te Israel dabe kegalio. Tagalao, te augwa homu wali pomainao.

Amos 5:10

Te doloba pai bidi dabe augwali te po tųba sabalobo sogo, te mu po naga weyu, te dage dwai kolesaga ebo bidi dabeba wado po obaso da, teda dagego te doloba pai bidi dabe wei homu me ebo meni.

Amos 5:13

Te we bidi augwaligo te tobage dwai kolesaga ebo sogo, te kolesaga koneai bidi, doloba pai bidi, agai pedauwali pania sai elalu, te agai po me deli augwaliba me wagobeo.

Amos 6:10

Te bidi me deli isali sogo, te aga deli kaneme bidi me deli asama, te aga tigi selama, ulugi painu yaibao. Tama te deli kaneme hani bidigo te be tomode geme dualalubo bidi i weyu, te tiwai waibao, “Te gasa bidi dabe me bidibawe, ma meniwe?” Te geme dualalubo bidigo te tiwai po wei ponaibao, “Menio,” wali. Tialima, te deli kaneme hani bidigo te tama po waibao, “Pedauwali pania sao. Dago Genuai Bidigo nogi munu me nogi ilamo dao,” te po waibao.

Bomai Po 17:12

Ma, bidi mego te jas o te pris te Genuai Bidigo gedude sę ebo bidigo po sela sąwani da, teda dagego te bidi elama, isilao. Te tama tiyu, dagego te dwai kolesaga te Israel tomode sela sąyu yao. Po menio.