Hosea 4:11 - Godigo dwagi yai po buku

¹¹ Genuai Bidigo te po wali, “Te haniani bomai wain ąįgo te eno we bidi dabego homu kolesaga ayana palama, dolobo dao.

Hosea 4:11 Iomraidhean Croise

Bugagia Bidibo Kolesagade Po Asęai Buku 20:1

Te bomai wę hauwa tubo bidigo te posobo po weyu, te dwai po me weyu, te hwįyu yaibao. Te bomai węgo aga tonalumainu ebo bidi da, teda aga wiegi yai homu me elalubeo.

Bugagia Bidibo Kolesagade Po Asęai Buku 31:4

Lemuel, te king dabego te wain wę tulamuo. Ma, augwaligo te bomai ąį bia tuabo homu bomonama ebaso da, te dwai mu dao.

Bugagia Bidibo Kolesagade Po Asęai Buku 6:32

Tiali goli, te bidigo gasa bidigo we dali pibaso da, te mu geda munama, tama te esela peyu, te mu umuna pabo bidi tiwai ebao. Te kolesaga ebo bidi aga digi aga dolobo dao.

Kolesaga Koneai Bidigo Pusali Po Elalubo Buku 7:7

Te wiegi yai homu kolesaga elalubo bidi bidali, tiali goli agai bomonama eyu, gasa bidigo mone sobaso da, teda aga te wabo pabo bidigo homu kolesaga tiwai elalubao. Me, te bidi mego te po tų odoyu, te bidi agai gasa bidigo nogode geme mone sabogo te kolesagago agai te wiegi yai homu kolesaga dolai dao.

Aisaia 28:7

Te profet dabe, me pris dabe, augwaligo te wain wę me bia wę hauwa tulama, polobo homu yabo homu elama, dodolama, wa bilabo homu eyu, dodola bilabo homu ebo dao. Augwaligo homu kolesaga menia pabo dao. Tama augwaligo augwa sę bugagia ebo menio. Tama me, te pris bidi dabe augwaligo te we bidi dabego sęgę bugagia dodolobo menio.

Aisaia 5:12

Te nai daa tuyu, wain wę tuyu, me haniani musik gitago eliyu, genagego eliyu, hąbidigo eliyu ebo, te dagego mu koneani. Tiali goli, Genuai Bidigo yainu ebo, te sę dabe dagego munu me konebeo. Dagego te sę dabe te olo nai dabe da homu ebo dao.

Jeremaia 23:13

“Polobadu eno te Samaria profet dabego te tiwai dwai kolesaga ebo suali. Augwaligo te tibo god Balgo nogide profet po pusulama, tama augwaligo eno we bidi dabe te dwai sunumiba odasa pali.

Hosea 4:12

Tama augwaligo te olo ni dagego nigali tibo god hanaluama, te geme dualali po page pedalumainu yali. Iya, tegoba, augwaligo homugo te ni dage dabego te augwaligo koneainu ebo nai dabe ola momainu homu elama tiali. Awe, augwaligo ena tagalalio, tama augwaligo te tibo god dabe wali pai, te penani ebo we me deligo aga bidi tagaliyu ebo tiwai yalio.

Hosea 5:4

“Te Israel dabego te tibo godiba lotu weyu yali, tama te kolesagago augwaligo homu kolesaga dąų walama, tama augwaligo te Genuai Bidi wali me pabo meni, te usu egobeo. Tama augwa te yali dwai kolesagago te augwali paniama, tama augwali te augwa Godiba ma asabo usu isąwai dao.

Hosea 7:11

Israel te kolesaga meni yai umunaluai ba hi subigila bola bilibo tiwai ebo dao,” wai. “Hasia bolo augwali pelama, te Isip dabego augwali tau sogowe weyu, hanalugi pali, tama nosali augwali pelama, te Asiria dabeba me hanalugi pai dao.

Pris Sę Ebo Bomai Po 10:9

“Te nage me nago ogwa dabego te bomai ąį wain me bia tulama, dage eno sel Ugwa Be tomoba me pelamuo. Te habu mu dao. Te dagego sel Ugwa Be tomode sę yabo sogo ąį tulama, te Ugwa Be tomoba pobaso da, te dage isaibao. Te dagego bulai wąį nǫų dabe nosali pedalubo hani, augwaligo me te bomai po wali pomainao.

Dwagi Yai Gesi Po Lukgo Asęani 21:34

“Te dage dua dao, bugagia suao. Dagego tigidali sogo bomai wę tulama, aiyoge elamu dao. Tiyu dagego tigi tau sabo homu naga egio. Te tiwai kolesagago dage mesegelebaso da, teda te Bidi Mu asobo sogo dage polo asaibao, te enego hasa enebo tiwai yaibao.

1 Samuel 25:36

Tialima, Abigel te Nabalba ma geasa pali. Tama aga te beba sabolama suali, Nabalgo te nai daa tuali, te kingo genuai wiegi yai nai daa tiwai tobage tualio. Tama Nabal te gęǫ page mu eyu, tama wiegi yai homu pemene eyu bidali, tama tibaso, te Abigelgo po me deli te agabolo me wasiąma te kigamuba usu nani.