Hosea 3:4 - Godigo dwagi yai po buku

⁴ Te tiwai naga te Israel dabe te hauwa sogo olo bidaibao. Tama te augwali tonalubo te polalubo bidi, me king bidi te meni yaibao. Te augwaligo te tibo godiba ofa me isąyu, te augwaligo masigi pos ni me dualisąma, lotu me wagobeo. Te augwaligo te haniani tibo god dabe tagalaibao, tama te piksa dabe augwa te nosali pedelabo sę konemainu ola mabo nai dabe, te tagala silaibao.

Hosea 3:4 Iomraidhean Croise

Tigidali Nai Gagalama Nigali Side 31:19

Te augwali pisiąbadi, tama Laban te sipsip dabe nisi togogi peyu, digibulu gana pai digi, tama Reselgo te aga ayago be tonalubo tibo god te bede wi salio.

Tigidali Nai Gagalama Nigali Side 31:34

Reselgo te aga ayago god dabe wi selama, tama agai te kamel dabe beg tomoba geme dualama, tama aga te beg daide ugwa dualaluali. Labango te ugwa be tomode te tigidali doado bage susa bilali, tiali goli agai te god dabe me subeo.

Tigidali Nai Gagalama Nigali Side 49:10

Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

2 Samuel 6:14

Devitgo te prisgo bebo ugwa me deli gudali, te augwa sawi yai name ugwago nigai. Tama aga tęąbi eyu, tama sasa mano pali, te Genuai Bidigo nogi ugwaba siyu tiai dao.

Te Israel me Juda Hani Sigo Tuni Bidigo Po Elalubo Buku Si 23:24

Tama te king Josaia agai te isali we bidi dabe noma dali po mibo we bidi dabe me agai augwali sela sąyani, tama me te agai te augwaligo bede munalua pali te tibo dwasianu god dabe agai sela sąsą pali, tama me te augwaligo nogogo nigali god noma me. Tama te Jerusalem bulude elaluali me, tama me te tigidali Juda bulu pedaide me elaluali doado bage me, te bulu badu Genuai Bidi Godibolo lotu po wasiąwai we bidi hani dabego lotu po wabo dwai haniani doado bage dabe buluba tigidali agai buluba sela sąyani. Agai tama tiali, magi baso meni, agai homugo augwaligo te tobolu pris bidi Hilkiago te Genuai Bidigo tempel be tomode munalubo ma suali bukude te Godigo tigidali Bomai Po elalubo podu wali pomainu, tama kolesaga yai.

Tuni Bidi Dabego Po Elalubo Buku Si 15:2

Tama king Asa te Jerusalemba ma asobadi, te Asaria aga tiąba pelama, tama agabolo e tama po wali, “King Asa, me tigidali Juda dabe, me tigidali Benjamin hani, dagego odiąo. Tialima dage Genuai Bidi dali pąde mu bidiyu da, teda aga dage dali pąde mu bidaibao. Ma, dagego aga gegebo sę iyu da, teda dage aga pąba mu asobo usu yaibao. Tiali goli, dagego aga tudi ola mayu da, teda agai dage tudi ola mawaibao.

Ma Dobola Sali 28:4

Tama augwalibolo olama, te Arongo hagawiade muabo dwasianu ugwa dage deli au ilama, hobolao po wao. Tama augwaligo au yai ugwa me deli hobolobadi, me bobage ugwa deli badi, me te au ilai holobo ugwa, me tobolude bagulabo ugwa badi, me kukulu deli tama hobolao. Augwaligo te tedali gasagi yai ugwa dabe te Aron pris dali, te aga ogwa dabe, augwaligo me te ena tiwai pris sę emainogo yabo ugwa dabe nigao.

Ma Dobola Sali 28:6

“Tama augwaligo te husugu hobi, me mama hobi te augwaligo sipsip nisigo nigali, me te gol hobi selama, tama wiegi yai ugwago hobolama, bugagia au ilao. Te tobage sę ebo mu koneai bidigo naga te sę yao.

Te We Bidi Dabego Jerusalem Hagede Gela Wali 2:9

Tama agai te obogo sunumi dabe hųginama, sąnama tagaliyu, me te sunumi palibo ain dili mimia sąnama, tagaliyu yalio. Tama te dolali nai dabe augwali tǫde munalubadi, te dwai olo masigi hogomu dabego augwali mesegelama elalubao. Te boi bidi dabe augwaligo te king aga tobolu bidi dabe dali selama, tama augwali gasa kantriba kalabus elama, odasa pali. Te pris dabe augwaligo te we bidibolo te Godigo bomai po me ola mabo meni. Me te profet sibigo te nade subo nai tiwai ma susiąyu, tama augwaligo Genuai Bidigo po ma sabo menio.

Esekiel 19:14

Isi te ni pedelama, te ni nologo tigidali dobadi, te ni wai du dabe me dalio. Tama te bomai nologo me elalusiąwai, te kingo tolasa bilibo dono tiwai pedelabo ni nologo tiwai me pedalubeo. E po da, te homu dene ebo balia po da. Te balia po augwaligo hauwa sogo odu geaibao,” wali.

Esekiel 20:32

“Dage te gasa tǫ kantri we bidi dabe tiwai mu pedelabo homu godolo eyu, te bagego te ni dabeba me masigi dabeba lotu obao. Tialima, eno dage te tiwai pedalumainu me egobeo. Mu menio.

Esekiel 21:21

Tama kingo aga te mena sunumidu pabo konesiąwai, tibaso agai te hanilibo sę ebo kolesaga yaibao. Hasia bolo agai te ene beledide elaluali ene dabe memenege ilaibao. Gasa enego te Raba taunba nogo tų eyu, te gasa ene mego te Jerusalem taunba nogo tų iliyu, te kingo deli naga sabo homu yaibao. Te aga tibo god dabeba me hanalu olama, tama nosali agai te elali kibu hasago homu hobolu duba bugagia tonaluama, te augwa ofa yainu elali hasa dao.

Esekiel 21:31

Eno dagede haliga sębę ebaso, te dage eno dolaibao, te genuai isi bogoligo te kala isi dala sabo tiwai yaibao. Tama eno te bidi dabe dolobo koneai bidi dabe tagala palama, te augwali aselama, dageba dwai dene magasaibao. Te bidi dabego te gasa bidi dabeba dwai kolesaga ebo godolo mu ebo dao.

Daniel 11:31

Te agai ami bidi mebago te Godigo be te God gedude meda ilaibao. Tama te Israel dabego te Godiba tigidali sogo ofa ebo te habu selaibao, tama augwaligo te dwai nai mu te Godigo be tomode dodolai elalueibao,” te po wai.

Daniel 12:11

“Te boi bidi dabego te Israel dabeba te Godibolo tigidali sogo ofa ebo kolesaga tagala weyu, tama augwa te doado bage me nai dabe dolabo dwai nai mu te Godigo be tomode dodolobo side gagalama, tama te 1,290 bodolu sogo wali te siligi pomainao,” walio.

Daniel 9:27

Te kingo te dąų wabo bomai po te hauwa we bidi dali eyu, te agai po augwaligo wali pomainu yaibao. Tama te dąų wali po kontrak te elalua pidubadi, te kibu be a naga olama, me si teba usu naibao. Tama nosali te sela kibu be, me te kibu be pedai me badu siminigi pabo si da, teda agai te we bidi dabego te Godiba ebo tobage ofa tigidali te paliaibao. Tama te king bidi agai te dwai nai mu me deli te Godigo be pedu daide ugwadu munama, tama te doado bage me nai dabe dolabo dwai nai tede munaluyu, te Godigo te king dolabo sogo bodoluba usu nagasaibao,” ensel Gebrielgo te po wai dao.

Hosea 13:10

Polobadu dagego enabolo hanalu, te king me polalubo tobolu bidi dabe mao po odu geani, tiali goli augwaligo dage mena tama tau sogowe? Augwali usu munu me egobeo.

Hosea 13:11

Polobadu eno wado elama, te eno dageba king mawai. Tama megi me, eno te wado po umabo mu olama, te eno augwali sela sąwai dao,” wali.

Hosea 2:11

Te eno agai te wiegi yai homu pemene ebo te genuai side wabo te tigidali mu silimainu yaibao. Te genuai side da wabo te tiwai, te lotu wabo genuai side te deli deli kibu bede pedalu, te deli deli poluade pedalu yai, tama te Sabat side lotu wabo me, te gasa tobage lotu dabe me, te tama tiwai yai.

Pris Sę Ebo Bomai Po 8:7

Tama agai te holobo ugwa Aronba bolo gudulali. Tama agai te bobage name ugwa te Aron tabidu belali. Tama Mosesgo bobage aiyaba tagalalubo ugwa te genuai name ugwa Aronba gudulama, te welia kukulu au yai selama, te genuai ugwago te Aron tabidu soani kekalio.

Sekaraia 10:2

Te bidi dabe augwaligo te augwa bede munalubo tibo god dabeba me, te mena sę page konea pabo bidi dabeba me hanalu te nosali mena sę dabe pedelabo po omainu ebo dao. Tiali goli, augwaligo tibo po wei ponoyu, te dwai po augwaliba wabo dao. Bidi mebago te na yali po page pusali, te augwaligo me dage tibo po ola mobao. Augwaligo te tama po weyu, te dage nagame yai homu saibao po wabo, tiali goli te menio. Te haliga sęgę me elaludalio. Tama tialima, te we bidi dabe tedela palama, te hagawai sipsip kibu wai tiwai yali. Augwa polalubo tuni bidi meni baso, tama augwali sęgę elaluai dao.

Sekaraia 13:2

Te Tigidali Bomo Elalubo Genuai Bidigo geninama ma weyu, te po wali, “Te sogo eno te eno we bidi hanigo tǫde tibo god dabe sela sąwaibao, tama te bidi dabego augwali homu kone mu ma palogobeo. Tama eno te tibo profet dabe me sela sąwaibao. Tama eno te we bidi dabego dwai homu kolesaga elalubo sela sąnama, tama augwaligo te tibo god dabe godolo homu munu ma egobeo.

Dwagi Yai Gesi Po Lukgo Asęani 21:24

Tama te boi bidi dabego te Juda dabe me badu moni hwągo ela muaibao, me badu nogo si dųlama, kalabus ilama, odasa pelama, tama tigidali gasa tǫba mugi paibao, tede mu bidimainu yaibao. Tama te boi bidi dabe, te Juda bidi hani isąwai dabe, augwaligo te Jerusalem hanu mu dola silaibao, te aiyaba elaluaibao. Tama nosali te Juda hani isąwai dabego Juda dabe aiyaba elaluabo si silaibao,” Jisasgo te po augwalibolo wai.

Dwagi Yai Gesi Po Jongo Asęani 19:15

Te augwaligo po dagą weyu, te po wai, “Te bidi sela sąyao, te bidi sela sąyao,” tama po wai, “Te bidi ni pedaide elao,” te po wai. Pailat tuni bidigo augwali Juda bage dali te po wai, “Dagego homugo eno duga tuni bidi ni pedaide elao, te homu ebawe?” Te pris hani tobolu bidi dabe augwaligo po wei ponoyu, te po wai, “Dago tuni bidi me menio, te dago tuni bidi te Sisar deli tama dao,” te bidi dabego tama po wai.

Hibru 10:26

Te dago te Kraisde mu po mu sai digi tama nosali te dena homugo digi dago te sęgę sabo kolesagade ma bilidubaso da, teda te sęgę sela sąyabo te gasa ofa me elalugobeo.

Te Israel Tobolu Bidi Dabe 17:5

Te bidi Maika, agai dwasianu lotu be elaluali. Tama agai te pris bidi gudubo ugwa me te tibo god te lotu beba muani. Tialima, augwaligo teba lotu weyu, te aga ogwa digi me deli te pris bidi pedalumainu ilali.

Te Israel Tobolu Bidi Dabe 18:14

Tama te a naga bidi te Lais dabego hanu tǫba sa pelama suali bidi dabego te augwa deli hanibolo te tiwai po wali, “Te badu te be me delide te tibo god me deli augwaligo te nigo nigilama, tama augwaligo te silvago haluama elaluali. Dagego te koneaniwe, ma meniwe? Tama te tibo god meba u mabo elalu, te pris dabego holobo ugwa me elalubao. Megi da te dago magi yaibawe?” te a naga bidi dabego te po wai.

Te Israel Tobolu Bidi Dabe 8:27

Tialima, Gideongo te tibo god me deli te golgo nigilama, tama agai te aga hanu Ofra teba muani. Tama tigidali Israel dabego te God tagalama, tama augwali te hanu Ofraba pelama, te nigali tibo godiba lotu wagi pali. Te tibo god te Gideongo nigali, te naigo te Gideon dali, te aga hani sibi we wai dabe dali, te mu kone tua pali.

1 Samuel 14:3

Pris Ahiya te prisgo bebo ugwa gudama, te augwali dali bidai. Ahiya te Ahitupgo ogwa. Tama Ahitup te Ikabotgo ama, te Finiasgo ogwa si. Tama Finias te Eligo ogwa dao, te Genuai Bidigo pris polobadu te pris bidi te Silo bulude bidai. Tialima, Jonatan pai, tiali goli, te Solgo ami bidi dabego te Jonatan pali konebeo.

1 Samuel 15:23

Magi baso meni. Te Godigo po sela sąbo kolesaga tobage te dwai pobi wabo kolesaga tobage ebao, tama te God dali hagoma ebo kolesaga te tibo god wali pabo kolesaga tiwai ebao. Te tobage kolesaga ebo te dwai kolesaga mu dao. Nago te Genuai Bidigo po tudiba muani, tama tiyu agai nage tudi ola mayu, tama nage king munu me bidigobeo dao,” Samuelgo te po wali.

1 Samuel 2:18

Augwali sigo te tobage dwai sę tama yali, tiali goli, te sogo me te gesi ogwa wai Samuelgo te Genuai Bidigo sę eyu, tama agai te prisgo sę ebo ugwa gudama, te sę yai.

1 Samuel 21:9

Tama Ahimelekgo agabolo te po wai, “Eno te bainat hwą deli naga munalubao. Te Goliatgo bainat, te Filistia nago te Ela bulu odogode elali. Augwaligo te name ugwago mesegelama, tama te prisgo name ugwa elalubo madi te tudi badu munalubao. Te nago sabo homu ebaso da, nago te bainat sao.” Tama Devitgo te po wai, “Ena mao. Te bainat wiegi yai mu tama. Te gasa bainatgo te bainat aiyaba me elalubeo,” wali.

1 Samuel 22:18

Tama tialima, Solgo te Doekbolo weyu, “Nage pelama, augwali ela mugi pao,” wali. Tialima, Doek pelama, te pris dabe tigidali ela muani. Te side agai te Genuai Bidigo pris bidi dabe te bidi sese me si me si olama, a naga, te 85 bidi elali, te bidi dabe augwali te prisgo gudubo ugwa mumainu nigilali bidi dabe dao.

1 Samuel 23:6

Te Devit te Keilaba pisiąbadi, tama Abiatar, te Ahimelekgo ogwa, te king Solde wi peyu, tama te Devitba asali sogo, Abiatargo te prisgo masigi si elalubo ugwa sesali, augwa te Godigo homu konea sabo nai, tama te sela asai. Tama augwali te Keilaba pabo sogo, teda Abiatargo te ugwa pedai augwa dali peyu sela pai dao.

1 Samuel 23:9

Tiali goli, Devitgo odali, te Solgo agaba dwai sę yabo homu ebo po wai. Tama tibaso, agai te pris Abiatarbolo walali, “Te pris ugwa selama, sesao,” po wali.

1 Samuel 30:7

Tama tialima, Devitgo te pris Abiatarbolo wali, te Ahimelekgo ogwa da. Agai te tama po wai, “Te pris ugwa seselama, tama dago te Godigo homu sulama koneaibao.” Tialima, Abiatargo te Devitba sesalio.