Hosea 2:9 - Godigo dwagi yai po buku

⁹ Tama tibaso, te gide nai inilama sabo side, eno te nai dabe me wain agabolo mani nai te eno ma saibao. Tama aga tigi bolo olo elalu idali weyu, eno te gudubo ugwa dabe polobadu mani. Eno agabolo te mani gudubo wiegi yai ugwa dabe me ma saibao,” wali.

Hosea 2:9 Iomraidhean Croise

Esekiel 16:27

“Tialima, polobadu eno dwai dene nageba menama, te eno nageba mani wiegi yai nai hauwa sela sąwani. Tama te Filistia dabego nageba dwai sę yagasomainu eno nage sula tagalai. Augwaligo nage homu godolo mu isąma, tama nago dwai kolesaga tigidali ebaso, te augwaligo nagede haliga dwai yalio,” wali.

Esekiel 16:39

Naga te abagi dabego nageba dwai sę ilibo eno sula tagalaibao. Tama augwaligo nago te tibo godiba lotu weyu, te aga dali penani kolesaga ebo pesage dabe aluaibao. Te augwaligo nago ugwa dabe, me beli, me ring te au dobage pepeda sąnama, te nage habu olo elaluaibao.”

Esekiel 23:26

Te bidi dabe augwaligo nago ugwa pepeda sąnama, te nago wiegi yai beli me nogode muani ring dabe saibao.

Daniel 11:13

“Siria kingo te genuai ami hani mu sisinaibao, te polobadu hwįgi pali ami dabego namba te aiyaba elalueibao. Tama nosali kibu be mebade, agai te genuai bomai ami selama, te augwaligo te Isip king dali hwįgi paibao. Tama augwa te hwįgi pabo sogo, te augwa te nai hauwa dali sela paibao.

Hosea 2:3

Te agai tagalisąbaso da, teda eno aga gudali ugwa tigidali peda sąnama, tama aga tigi olo gagolama, te aga ame nani sogo tiwai tigi olo bidiyu, tama aga hale dwai mu yaibao. Tama eno aga te tǫ wa pai pedalubo tiwai elama, te ni meni ebo tiwai ilaibao, tama te tuabo wę me meni yaibao, tama tebo kolesagago te eno aga dolaibao.

Hosea 8:7

“Augwaligo ebo dwai kolesaga te dwasianu naga dao, te dwasianu wali asobo tiwai naga dao, augwaligo te homu ebo dao. Tiali goli, nosali te kolesaga ebode augwali dolaibao, te pobegebo wali genuaigo te bidi dolobo tiwai yaibao. Tama augwali te wit gide te nai walisąbo tiwai eyu, tama te bret nigabo wit meni yani. Tialima, te dwai witgo nai me pedai badu waligi sogo da, tagalao, te gasa badu tǫ kantri bidi dabego naga tuagasigi da,” wai dao.

Hosea 9:2

Tiali goli, pąde sogo dage te nai sǫą peyu, te oliv wel me wain meni yaibao.

Joel 2:14

Dego konegowe? Te dage dena Genuai Bidi Godiba ma asigi sogo da, teda agai homu te ma hasegelama, te dabolo wiegi yai sę eyu, te da nai hauwa magi da. Tama tiyu, te dago te ofa yabo nai hauwa me, te ofa yabo wain me, elalueibao.

Sefanaia 1:13

Te boi bidi dabego te bage augwaligo nai dabe wi saibao, tama augwaligo be dabe dolaibao. Augwaligo gesi be dabe sę yai goli, augwali te be dabede bidigobeo. Te augwaligo ni wain bulaiba, tiali goli augwaligo te ni du sogobeo, tama augwaligo te wain wę me geselegobeo,” Genuai Bidigo te po wai.

Malakai 1:4

Te Idom dabego te po weyu, “Te dago taun dabe dolalio, tiali goli te dago ma nigaibao,” wabo. Tialima Genuai Bidigo augwaliba te tiwai po wei ponaibao, “Duga ma da nigaibao, tiali goli te eno augwali ma aluama dolaibao,” wali. “Te gasa hani dabego te Idom dabe nogi te tiwai nogi yaibao, ‘Te dwai hani bage dao, te Genuai Bidigo sesemane sogo augwaliba wado po weyu, haliga sębę ebo hani bage dao,’ te po waibao,” wali.

Malakai 3:18

Tama tiyu, te sogo te ena wali pabo doloba pai we bidiba eno ebo kolesaga ma suiyagameo, te eno dwai bidi dabeba ebo kolesaga, te augwaligo eno po sela sąbo dao, te bageba me eno ebo kolesaga suiyagameo,” wali.