Hosea 2:1 - Godigo dwagi yai po buku

¹ “Megi dagego duga deli kaneme hani Israel dabe nogi eyu, e tama tiwai waiąo, ‘Dage te Godigo We Bidi Dao, tama Godigo Dage Godolo Mu Yai Dao,’ te po wao,” Genuai Bidigo Hoseabolo te po wai.

Hosea 2:1 Iomraidhean Croise

Tigidali Nai Gagalama Nigali Side 22:17

Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Jeremaia 31:33

Tialima, eno te Israel we bidi dali dąų wainu ebo bomo yai po e tiwai elalubao. Te eno bomo yai po augwaligo homude munama, te augwaligo haligade te bomo yai po asębo tiwai yaibao. Te ena augwaligo God bidiyu, te augwali eno we bidi hani dabe bidalueibao.

Jeremaia 32:38

Tama augwali eno we bidi hani dabe bidiyu, te ena augwaligo God bidaibao.

Jeremaia 51:5

Te Israel me Juda augwa tǫde bidali sogo, augwaligo te dwai sę hauwa te Israelgo God gedude yali, aga magi dwai sę deli munu me isąwai wiegi yai doloba pai kolesaga elalubo God dao. Tiali goli, God, Tigidali Bomo Elalubo Genuai Bidi, agai augwali tudiba mu me musiąma, te wilawe we bidibo tiwai me ebeo.

Esekiel 11:20

Tialima, dagego te eno bomai po, me eno po dali te dagego bugagia wali paibao. Tama dage eno we bidi hani dabe dolo mu pedelebaso da, teda ena dagego God bidaibao.

Esekiel 36:11

Tama te we bidi dabe me dagede bidibo hasa dabe hauwa mu pedelaibao. Tama te we bidi tigidali pesage badu polobadu bidali yali gilama yaibao, tama eno dage dali wiegi yai kolesaga mu yaibao. Tama te kolesagago da, eno polobadu yali kolesaga edelama mu yaibao. Tama dagego bugagia mu koneaibao, ena deli naga ena Genuai Bidi dao homu yaibao.

Esekiel 36:28

Tama dage eno duga wąį dabebolo mani te tǫde bidaibao. Tama dage ena we bidi dolo mu pedelaibao, tama ena dagego God mu bidaibao.

Esekiel 37:27

Tama eno bidibo madi augwali dali bidaibao. Tama ena augwaligo God bidaibao, tama augwali eno we bidi bidaibao.

Hosea 2:2

Godigo te tiwai po begelama, te aga we bidiba wali, “Eno wai dabeo, dagego ida te eno we da homu me elalugobeo, tama ena te agai bidi ma elalubeo. Tiali goli, dagego aga dali konila po weyu, agaba bomonama hanalu, te penani ebo kolesaga tagalao po wao.

Hosea 2:23

Tama eno te ena we bidi te tǫba munama, tama augwali te eno nigali wiegi yai gi tiwai pedelaibao. Polobadu eno ena we bidibolo te tama wali, ‘Eno Dage Godolo Me Ebeo,’ wai. Tiali goli, nosali te eno augwali godolo mu yaibao. Polobadu eno augwaliba te tiwai po wali, ‘Dage Eno Menio,’ wali. Tiali goli, nosali eno te tiwai po waibao, ‘Dage Te Ena We Bidi Mu Dao,’ waibao. Tama te augwaligo te tiwai po wei ponaibao, ‘Nage dago God mu dao,’ waibao.”

Sekaraia 13:9

Tama te me badu bugai elalubo te dwagi yai pedalabo sę usu sabo sę ilaibao, te bidi mebago te gol me silva te dwai hogomu sela sąmainogo te isiba ulubo tiwai yaibao. Tama augwaligo gedu haluasa po enaba obaso da, teda eno augwaligo gedu haluasa po wabo odaibao. Tama eno te tama po augwaliba walaibao, ‘Dage da, eno we bidi dabe da’ obaso, teda augwaligo te tama po waibao, ‘Nage God, dago Genuai Bidi dao,’ po waibao,” Genuai Bidigo te po wai dao.

2 Korin 4:1

Godigo da homu dene eyu tau selama, tama te agai gesi dąų wali po pusubo sę dabolo mawai. Tama tialigo da, teda te sęde da bomo kimi isąyu me egobeo, te sę tagalabo homu me egobeo.

2 Timoti 1:13

Mu tama, polobadu eno agai nogibolo dwai posobo po wabo bidi bidai, tama eno agai po odobo we bidi dabe dali boi bidi eyu, augwalibolo dene mabo sę iduai. Tama eno aga dali hagoma eyu, aga nogi dolobo sę eyu bidai. Eno Kraisde tama dwai sę yali goli, Godigo ena homu dene eyu tau sali. Magi basowe? Eno konealubo po Kraisde dąų wasiąbaso eno bugagia konesiąma, tama eno te tiwai dwai kolesaga aga dali iduai.

1 Pita 2:10

Polobadu dage we bidi hani meni yai goli, megi dage te Godigo we bidi hani dao. Polobadu dage agai homu dene eyu tau sisiąwai goli, megi dage agai homu dene eyu tau sai dao.