Hosea 11:4 - Godigo dwagi yai po buku

⁴ “Eno augwali homu dene elama, te eno augwali godolo mu yai, tama eno augwali enaba sali. Eno te augwalide elaluali genuai sęgę sela sąnama, te augwali bugagia wiegi yai ilama, te augwali nai manio.”

Hosea 11:4 Iomraidhean Croise

2 Samuel 7:14

Tama ena te aga aya bidiyu, tama aga te eno wai bidiyu yaibao. Te agai dwai kolesaga ebo sogo, te eno agaba dene mabo sę eyu, te ayago aga waibolo ebo sę tiwai yaibao.

Godigo Nogi Ugwaba Sabo Tęąbi Po Wabo Buku Dabe 105:40

Augwaligo agabolo nai po hanaluai, tama agai ba dabe augwalibolo mawai, tama te ba augwali sela tuai. Agai dagalude giguai nai bret augwali mawai, tama augwali te nai tulama, haliga mu pągąwai.

Ma Dobola Sali 16:32

Tama Mosesgo augwalibolo te po wai, “Genuai Bidigo te po wai, dago te tǫgo nigai dwasianu sene selama, te nai mana tede munama, te dago wąį te wai dabe augwalide muao. Nosali augwaligo te Genuai Bidigo da te nai meni yai bulude mani nai sumainu, te agai da Isip tagalama odasa asai dao,” wali.

Solomon 1:4

Nago ena selama, da udayu pinao. Nage eno king bidi tiwai, te nago ena selama, te nago be habuba pinao. Te da si pemene yaibao. Nago ena godolo mu ebaso, tama da pemene mu ebao. Dago wiegi yai pemene ebogo te bidi dabego wain ąįde pemene homu ebo aiyaba elalubo dao. Nage uganu mu elalubao. Tibaso, tigidali we dabe nagede mu tulalubo dao.

Aisaia 63:9

Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.

Hosea 2:8

“Agai te tiwai kone sabo homu isąwai, eno digi eno aga tigidali nai mawai, wain me wel mani, tama te hauwa silva me gol mawai. Tama agai te silva me gol te naigo te tibo god Balba lotu wabo sę yai.

Pris Sę Ebo Bomai Po 26:13

“Ena digi ena Genuai Bidi, ena dagego God dao. Polobadu dage te Isipde olo sę ebo bidi bidibaso, eno te kalabus ebo sę togwa sąnama, te dage odasa asai. Eno dage te kalabus yali bidi dabego bogo toga sąwai, te dage kalabus tagalama, te wiegi yai homu pemene eyu asai dao,” wali.

Dwagi Yai Gesi Po Jongo Asęani 12:32

Nosali augwaligo ena ni pedaide ugwaba selama, elaibao. Tama te sę ebo sogo eno tigidali tǫde we bidi ena pageba gegasa asaibao,” Jisasgo te po wai.

2 Korin 5:14

Magi baso meni. Te Kraisgo da dali dwagi yai homu eyu godolo ebogo, tebogo naga da homu hodolama tama dago Godigo sę ebo dao. Magi baso meni, dago homugo bugagia kone palama, tama te tiwai homu koneanio: bidi deligo da tigidali hasegelama tama da tobade aga isalio, tama tede da tigidali isai tiwai yai dao.

Bomai Po 32:12

God deligo tama aga we bidi sunumi ola mabo dao. Tama augwali gasa bulu tǫde tibo godigo augwali me tau sabeo.”

Bomai Po 32:14

Augwaligo kau kibu dabe, me meme kibu dabego ame pę hauwa augwaligo sali. Tama augwaligo kau kibu, me sipsip kibu, me meme kibu dabe moni bage mu nisali. Tama augwaligo wit me wain dabe wiegi yai mu holali.”