Hosea 11:11 - Godigo dwagi yai po buku

¹¹ Te augwaligo Isip tagalama, tama te polo asesa asu, te ba bola asobo tiwai yaibao. Awe, augwali me Asiria tagalama, te ba hi dabe tiwai bola asaibao. Tama eno augwali te augwa page buluba ma odasa asaibao. Ena Genuai Bidi, eno te po wai dao,” wali.

Hosea 11:11 Iomraidhean Croise

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Aisaia 60:8

“Te magi tedela yai nai asesa mu asu, te dagalu pǫ waligo te tamu ąį daidu selasa asobo tiwai yali, te ba hi dabe augwa beba ma bola asobo tiwai ebawe? Te magi nai dawe?

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Esekiel 34:27

Tama te ni dabe te du walobo ni dabe augwaligo du dabe hauwa mu walaibao. Tama nai dabe hauwa gide holaibao. Tama eno ena we bidi te boi bidi dabego nogode ma dobola saibao, te boi bidi dabego augwali dąų olama, augwali kalabus ilali pesagede ma oda saibao, tama eno augwali ma odasa asaibao. Tama augwali augwa tǫde bugagia mu bidaibao. Tama augwaligo bugagia mu koneaibao, ena deli naga ena Genuai Bidi te yabao homu yaibao.

Esekiel 34:28

Tama te gasa kantri haiden bidi dabego augwali dali dwai sę munu me ma egobeo. Tama te bulu hasa dabego augwali munu me ma ela tugobeo. Te we bidi augwali bugagia bidibadi, te gasa we bidigo augwali wi me iligobeo, te meni yaibao.

Esekiel 37:21

Tialima, nago augwalibolo e tama po walao, ‘Ena God Genuai Bidi, eno te po obao, eno te tigidali Israel dabe augwali te bidibo te tigidali kantri dabede oda selama, sisinama, tama augwali augwa tǫ muba eno odasa paibao.

Esekiel 37:25

Tama dage hani bidi dabe tigidali sogo polobadu duga wąį dabe bidali te tǫde bidada paibao. Te da, te eno ena sę bidi Jekopbolo mani te tǫ dao. Tama Devitgo hani bidi me deli augwaligo tomode king tigidali sogo bida bida peyu bidaibao.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Hosea 7:11

Israel te kolesaga meni yai umunaluai ba hi subigila bola bilibo tiwai ebo dao,” wai. “Hasia bolo augwali pelama, te Isip dabego augwali tau sogowe weyu, hanalugi pali, tama nosali augwali pelama, te Asiria dabeba me hanalugi pai dao.

Obadia 1:17

Te Genuai Bidigo te tiwai po ma wali, “Tialima, meba te bulu du Saionde bidali te me dologobeo, tama te Saion bulu du te ena bulu mu pedelaibao. Tama te Jekopgo hanigo te eno augwali mani tǫ te augwa ma saibao.

Sekaraia 10:10

Te Isip tǫde me Asiria bulu tǫde bidali we bidi augwali, te eno augwali ma odasa aselama, te augwa bulu tǫba ma bidagasaibao. Eno te tǫ dąį kidilama, tama augwaligo te Gileat tǫ pedai me te Lebanongo tǫ pedai me sigi pomainogo yaibao. Tama te we bidi dabe hauwa mu te tǫde pągąnalueibao.

Sekaraia 8:7

Te boi bidi dabego eno we bidi dabe augwali selama, te giliga pedalubo badu me te giliga dega sigulubo badu te tǫ kantri dabeba bidigi palali. Tama eno te we bidi dabe ma sigi pelama, te augwali ma odasa aselama, te augwali Jerusalemba ma bidagasaibao. Te augwali eno we bidi dabe bidalu, te ena augwaligo God bidaibao. Te augwali eno doloba pai kolesagago sesemane sogo tonalueibao,” wali.