Hosea 11:1 - Godigo dwagi yai po buku

¹ Genuai Bidigo po wadolama weyu, te tiwai wali, “Te Israel dabe te dwasianu ogwa wai tiwai digi, eno aga godolo mu elama, te eno aga i olama, te Isip taga soao olama, te eno ogwa bidalio.

Hosea 11:1 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 129:1

Israel, nago dabolo te boi bidi dabego nage dwai mu ilibo sę ebo po pusali, te nage gesi bidide gagalasa, megiba te usu nagasobao.

Ma Dobola Sali 19:4

Genuai Bidigo te po wai, “Dagego eno yali sę te Isipde suai dao. Tama eno dage te ba kemodagego te aga gesi noma gǫų te bogo ugwadu daide sela soabo tiwai elama, tama dage eno e buluba odasa aselama, tama megi dage ena dali bidibao.

Ma Dobola Sali 4:22

Nosali nago tuni bidi dali eno po weyu, ‘Te Genuai Bidi agai tiwai po wabo dao, “Israel hani te eno hasia wai, te gomunai ogwa tiwai dao.

Ma Dobola Sali 4:23

Tama eno nagebolo te po wai, ‘Nago te wai tagala palama, enabolo lotu po omainao.’ Tiali goli, nago hagela homu eyu da, te nago hasia wai te ogwa eno ela muaibao,” Genuai Bidigo te po wai,’ nago te po te Isip polasa tuni bidibolo wao.”

Aisaia 43:4

Tama eno te gasa hani we bidi dabe me siyu, te dage ma dobu si yaibao, te dage bugagia bidimainu yaibao. Magi baso meni, dage eno godolo homu ebo umabo mu idu, te eno dageba genuai nogi mawainu ebao.

Jeremaia 12:7

“Ena Genuai Bidi, eno tama po obao. Eno Israel tudiba muaibao, te ena we bidi da olama, sa muai. Eno te we bidi dabe godolo homu mu yali, tiali goli, megi da, eno te boi bidi dabego augwali aiyaba elalumainu ebo dao.

Jeremaia 2:2

“Nage pelama, Genuai Bidi eno te po te Jerusalem dabeba pusugi pao,” wali. “‘Eno homugo dage homu konealudu, dage eno we bidi hani pedelali sogo dagego duga homu enaba kęą pai. Te sogo dagego ena godolo mu yali, te gesi tamadi sai wego aga bidi godolo mu ebo tiwai yali. Te Isip tǫ kantri tagalama, dagego te dwai masigi kemi olo tǫ bulude, te bidi dabego gi bulusiąwai pesagede bilali goli, te dagego ena wali piduai dao.

Esekiel 16:22

Nago te penani sę ebo kolesaga me, te dwai kugumini yai kolesaga wali peyu ebao, tama nage te dwasianu wai bǫųde elalubadi, te nageba pedelali sęgę po, te eno nageba mani po nago homu kone palisąwani. Te sogo nage te habu olo mu elalu, te kanemego nage mesega sai elaludu, te nage tǫde bulude uga bebege, eda bebege iduai dao.” Genuai Bidigo te po wai.

Esekiel 16:6

“Tialima, te ena asu, eno nage suali. Eno suali, te kanemego nage mesegasa elaludu, te nage uga begelu, eda begelu iduali. Eno homugo nage isidali te homu elama, te eno tama po wali, ‘Nage bugagia bidali da,

Hosea 10:15

Dage te Betel dabe, dagego te dwai sę hauwa yali, tama duga te yali sęgo sęgę tiwai dageba pedelaibao,” wali. “Te hwįbo sogo, te augwaligo te Israel king ela munama, te mu isilaibao,” te po wai dao.

Hosea 12:13

Tama te Israel dabe Isipde bidali sogo, Genuai Bidigo te profet me deligo augwali sigi pomainu tagala palama, tama augwaligo te Isip taga soali, te kalabus yali bulu da. Tama te profetgo augwali bugagia tonaluai dao.

Hosea 12:9

Tiali goli, ena God, te duga Genuai Bidi, eno te dagego tibo po koneai. Polobadu eno dage te Isipde selama, odasa asai. Tialima, eno dagego te wiegi yai be dabe tagalumainu elama, te dage ugwa bede ma piagameo wali, te polobadu eno dage dali te masigi kemi tǫde te moni nai daa tuabo sogode deliba gesabidi ununiyu yali tiwai gilama emainu ma yaibao,” po walio.

Hosea 13:4

Genuai Bidigo te tiwai po wali, “Ena God, duga Genuai Bidi da, eno dage te Isipde selama, tedu eba odasa asai. Ena deli naga, ena duga God dao. Te gasa me menio. Enaduba deligo naga eno dage ma sabo dao.

Hosea 2:15

Te eno te wain gi dabe agaba ma menama, tama eno augwaligo te odogo nogi yali pesage Te Dwai Sęgę nogi poali pesage te hasegelaibao, tama te wiegi yai nai pedalubo pesage pedelaibao,” wali. “Te pesagede agai te eno po wali peyu, te aga gesi wegi ogwa wede te Isip tǫ taga soyu asali sogo tiwai kolesaga yaibao.

Malakai 1:2

Genuai Bidigo te tama po wali, “Te eno dage godolo mu eduali, tama megi me ebo dao,” wali. Tiali goli, te Israel dabe augwaligo e tama po wei ponani, “Nago da godolo ebo mena tama yaliwe?” Tialima Genuai Bidigo te po augwaliba wei ponani, “Odiąo. Polobadu Iso me Jekop te ama nami si dao. Te eno Jekop dali, dage te agai wąį nǫų dabe dali godolo homu yai dao.

Matyu 2:15

Tama Josep te Isip tǫde bidibadi tama te moni gavman tuni bidi Herot isabo sogo tonaluyu bidali. Te pedalali sę te tiwai te po me deli te Genuai Bidigo te agai po pusubo profet bidigo pedauwalidu wali po usu numainogo yai. Agai te po wali, “Eno ogwa aga Isipde bidibadi, tama eno aga tedu asomainogo i wai dao.”

Bomai Po 33:3

Godigo aga we bidi godolo mu ebao, tama agai augwali bugagia mu tonalubo dao. Tama tialima, dago agaba kidu sugunama, agaba tobolu basiliyu yao. Tama dago agai bomai po wali pinao.

Bomai Po 7:7

“Dage te genuai bidi hani edelebaso, te Genuai Bidigo dage koneama, tama dage sa muai meni. Menio. Dage te dwasianu hani naga bidai dao.