Hosea 1:7 - Godigo dwagi yai po buku

⁷ Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.

Hosea 1:7 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 19:29

Tama te profet bidi Aisaiago te king Hesekiabolo e tama po me deli ola mani, te king Hesekiago agai te e tama sę ebo sulama, dąį ilimainu, tama te king Hesekia agai te tama sę ebo sulama, tama agai koneagameo, tama te tigidali sę dabe te Genuai Bidigo wali po gilama te Asiria king bidi Senakerip tigide mu pedalama, sęgę saibao. Te profet bidi Aisaiago te po wali, “Tama nago te tama tibo sę ebo subaso da, teda te dąį nago suao. Tama te megi tama bidibo kibu bede me, tama te nosali bidibo kibu bede me, te dagego tuabo nai bulubo usu me egobeo, te boi bidi dabe pąde bidibaso. Tama tialima, dagego te sia gagawai nai wit dabe tama te dagego gide olo dali pedalai nai tiwai duga selama, tuaibao,” wali. “Tiali goli, te sela wabo kibu bede, te dagego gide nai bulama, tama duga nai selama, tuaibao,” wali. “Tama te ni wain me duga bulama, tama duga te ni wain du me duga selama, tama tuaibao, te sela wabo kibu bede.

Te Israel me Juda Hani Sigo Tuni Bidigo Po Elalubo Buku Si 19:34

Eno tama tiwaibao, magi baso meni, eno ena genuai nogi tobade, tama me te polobadu eno sę bidi Devit dali po dąų wali po tobade tama tiwaibao.’” Aisaiago te Genuai Bidigo te tama wali po te king Hesekiabolo pusa mani.

Te Israel me Juda Hani Sigo Tuni Bidigo Po Elalubo Buku Si 19:35

Tialima, megi hulide tama, te Genuai Bidigo sę ebo ensel mobo bidi me deli te Asiria hani bidibo pesageba pelama, tama te 185,000 ami soldia bidi elama, isilali. Tama te do kigamu mu te king Senakerip aga hodaluama, te ami soldia bidi dabe isali tigi suali.

Te Israel me Juda Hani Sigo Tuni Bidigo Po Elalubo Buku Si 6:18

Awe, tama te Siria bidi dabe augwali asama, te Elisa pageabi yai hagede yai. Tama Elisago e tama God dolo gedu haluasa po wali, ““Genuai Bidio, eno homugo nago te Siria hani augwaligo gedu te hulia palama, tama augwaligo bugagia tonalubo usu me igio,” wali. Tama tialima, Genuai Bidigo tama augwaligo gedu hwidilali.

Godigo Nogi Ugwaba Sabo Tęąbi Po Wabo Buku Dabe 33:16

Te hwįbode te we bidi hanigo kingo te boi bidi aiyaba elaluama, tama te genuai ami dabede naga te boi bidi dabe me sela sągobeo. Te ami dabe augwa bomogo digi te boi bidi aiyaba me elalugobeo.

Godigo Nogi Ugwaba Sabo Tęąbi Po Wabo Buku Dabe 44:7

Menio. Nago naga da tau sobaso, tama te boi bidi dabego da aiyaba me elalubeo. Te bidi dabego da wei me isąbadi, tiali goli nago augwali dali hwįnama, tama nago augwali aiyaba elaluai dao.

Ma Dobola Sali 14:13

Tama Mosesgo augwalibolo te po wei ponoyu, te po wai, “Wibo tagalao. Bomonama dolaluyu, tama megi Genuai Bidigo dage tau selama, tigidali sę ebo suaibao. Tama megi dagego te Isip dabe subo, tiali goli nosali dagego augwali munu ma sugobeo.

Ma Dobola Sali 14:30

Tama te sogo Genuai Bidigo te Israel dabe te Isip dabego nogode ma dobola sai, tama Israel dabe augwaligo te Isip isai bidi dabe te wę sesegede munalua pai suai.

Aisaia 12:2

Mu tama, Godigo ena ma oda sai dao. Tama megi da, eno agaba homu dąų ola saibao. Tama ena wi me egobeo. God, Genuai Bidigo ena bomo ilibo dao, tama tibaso, eno balia po obao, te agai nogi ugwaba sainogo. Magi baso meni. Agai ena ma oda salio.”

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Jeremaia 25:5

Te profet dabego te tiwai po wali, ‘Dage deli deligo homu begelama, te dagego dwai sunumi wali pabo tagalama, te dagego dwai kolesaga ebo me tagalao. Dagego te kolesaga tagalobaso da, teda Genuai Bidigo duga wąį nǫų dabeba te polobadu mu mani tǫde bugagia bidimainogo ilaibao, te tǫ te dage Israelgo tǫ sesemane sogo elaludaibao, te po wai dao.

Jeremaia 25:6

Dagego te gasa god wali me pisąma, te augwaliba lotu weyu, te augwaliba sę me elamuo. Tama dagego te tibo god dabe piksa me nigiyu, te ena haliga sębę ilibo sę me igio. Te dagego eno po wali peyu da, teda eno dwai sę dageba me egobeo.’

Jeremaia 33:26

Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao.

Hosea 1:8

Nosali te Eno Aga Godolo Ebo Menio wali wegi agai te ame tubo tagalubo side, teda te Gomer te haliga ma elama, tama gasa ogwa ame nani.

Hosea 11:12

Genuai Bidigo po ma weyu, te po wai, “Te Israel we bidi augwaligo enaba tibo po hauwa sogo mu wai. Te Juda dabego eno po sela sąbo sę mu idualio. Tiali goli, ena God, ena augwali tiwai menio. Ena doloba pai, te eno homu hasegelama, te eno tibo po me wagobeo, te we bidide eno homugo mu kęą pai God dao,” te po wai.

Sekaraia 4:6

Tama tialima enselgo enabolo Genuai Bidigo te po te polalubo gavman bidi Serubabelbolo pusa mao po wali. Genuai Bidigo te po wali, “Nago naga bomogo o naga ami dabego bomogo te sę dabe ebo usu egobeo. Menio. Eno Mobo Bidi Spiritgo bomo nage dali bidaibao, tama te bomo deligo naga nago te sę yaibao.

1 Samuel 17:47

Tama ede bidibo tigidali bidigo te tiwai ebo suyu, te Genuai Bidigo aga we bidi dabe te aga bomogo digi ma dobola sabo sueibao. Agai te hwįbo sesemone me bainat tolasa asobo bidigo bomogo te da ma dobola sogobeo. Mu menio. Genuai Bidigo digi te hwįbo aiyaba elaluama, tama agai dage tigidali te dago nogoba mawaibao,” te po wali.