Hibru 9:2 - Godigo dwagi yai po buku

^2-3 Augwaligo ugwa be me deli sę yai. Tama te be tomode augwaligo te genuai nami ugwa te obo tiwai dąį ilama walali. Tama e badu, te tų pąde te polalubo be habude te lam me, tebol sai me, te pris bidi dabego te Godigo gedude munalubo bret badi, tama nai munaluai. Te be habu augwaligo nogi yali nogi “Tedali Gasagi Yai Be Habu dao.” Tama te obo tiwai ilama walali nami ugwa te tudi badu te be habu augwaligo nogi yali nogi e tiwai “Tedali Gasagi Yai Be Habu Mu dao” wai.

Hibru 9:2 Iomraidhean Croise

Ma Dobola Sali 25:23

“Tama dagego te ni akasgo te tebol sai me deli nigao, te bobobage usu ni te 88 sentamita, te genuai usu ni te 44 sentamita, tama te ugwadu daidu te usu ni 66 sentamita dao.

Ma Dobola Sali 25:30

Tama sesemane sogo dagego enabolo maiabo bret te tebolba naga munama, tama eno gedude munaluaibao,” wali.

Ma Dobola Sali 25:31

“Dagego te lam sole dabe muabo nai me deli te wiegi yai golgo nigao. Tama te gol hamago elama, te lam dabe tolalubo nai dolaluabo pesage nigilama, tama dono nigilama, te lam nogo dabe muabo digi nigao. Tama te golgo naga aga au yabo ni duduli noma meba nigao. Tama te tigidali nigibo te deli tigi tiwai naga nigao.

Ma Dobola Sali 26:1

Genuai Bidigo po me ma weyu, Mosesbolo te po wai, “Dagego enabolo lotu po waiabo ugwa be te nogo si wiegi yai name ugwa te sisi yai, me te mama yai, te augwaligo hobigo au ilai ugwago nigao. Tama hobi selama, te ensel mobo bidi piksa noma dabe te name ugwade hobolama nigao. Te name ugwa te hobigo wiegi yai au ebo sę mu koneai bidi, agai te tobage au ebo sę emainao.

Ma Dobola Sali 26:33

Tialima, tama te ugwa te huk dabeba walama, te bomo yai po dąų wai po asęai masigi sawali si elalubo halobage, te nai te walobo name ugwa tudi badu muao. Tama te ugwago te lotu wabo be tomode dąį tiwai togolama, tama be habu si elaluaibao. Te sunumi pąde te polalubo be habu nogi wabo te Tedali Gasagi Yai Be Habu dao, te name ugwa dąį tudi badu te habu te Tedali Gasagi Yai Mu Be Habu dao.

Ma Dobola Sali 26:35

Tama tebol sai te gasa be habude muao, te nogi Tedali Gasagi Yai Be Habu dao, te ugwa be daga pąde, te sia ge pedalubo sesege pobase nogo badu muao. Tama ula ebo sole te gasa badu te be daga pąde muao, te tebol sai dolo si muao.”

Ma Dobola Sali 29:1

Genuai Bidigo po ma weyu, te po wai, “Megi eno nagebolo nago te Aron dali, aga ogomani me, augwali te pris dabe pedalomainogo yabo sę po waibao. Te kibu bulmakau omai wai me deli badi, te sipsip omai si, te keni kenigo augwali tigi dolisiąwai dabe sao.

Ma Dobola Sali 29:35

“Nago te Aron aga ogomani dali augwali te pris sa mubo sę iliyu, tama eno nagebolo wali po gilama te a naga me te si sogo te sę dolo yao.

Ma Dobola Sali 40:2

“Odao, te hasia nanobo polua, te dei deli wabode, te dagego eno ugwa be sę yao.

Ma Dobola Sali 40:4

Tama te tebol tomoba sela pelama, tama te nai dabe ugwadu daiba manao. Tama te lam dabe tolalubo nai sela aselama, tama te lam dabe te aga nogoba muao.

Matyu 5:15

Tama te bidi dabe augwaligo te sole lam domonama te baket dologoba me mubo menio. Te meni. Augwaligo te sole ula te tebol saiba munama, tama te sole ulago te bede bidibo we bidi ula mabo dao.

Hibru 9:25

Tigidali kibu be tomode te deli sogo te tobolu pris bidigo te Godibolo ofa ilibo kibu bulmakau kaneme sela peyu yali, tama aga te Tedali Gasagi Yai Be Habu Mu tomoba pai. Tama te kaneme te aga kaneme menio. Tiali goli Kraisgo te tiwai me ebeo. Aga te dagaluba pali te aga bidibo ula te Godibolo te ofa ilainogo pali, tama agai te sę hauwa sogo me idu gebeo. Menio.