Hibru 7:3 - Godigo dwagi yai po buku

³ Te Godigo po bukude aga aya me ida me augwali sigo nogi asębeo, tama aga wąį nǫų hani me menio. Aga te aga idago ame nani si te sogo nogi asębeo, tama aga isali sogo me menio. Aga te Godigo Ogwa tiwai bidai, aga te pris bidi sesemane sogo bidada peyu, bidada paibao.

Hibru 7:3 Iomraidhean Croise

Ma Dobola Sali 6:18

Kohat agai wai ogwa me si me si, Amram, Ishar, Hebron, Usiel. Tama Kohat kibu be 133 bidilama, isai.

Israel Hanigo Namba 1:18

Tama te Moses de Aron si me te 20 tobolu bidi dabe, augwaligo te tigidali we bidi sisinagasao po wali, tama te si wabo poluago hasia wabo dei, tede augwali polo sisinagasali. Tama te tobolu bidi dabego te tigidali we bidi dabego nogi, me augwa hani tali tali me nogi asęyu yali. Augwaligo te 20 kibu be yai bidi dabe dali, te 20 kibu be edelai bidi dabe me nedali.

Matyu 4:3

Tama te usu sabo bidi agaba pedelama, tama aga dwai sę tomoba kegainu agai te po wali, “Nage te Godigo Ogwa da wida, teda nago po obadi e elalubo masigi dabego te begelama, te tubo nai bret pedalomainao, nago tumainogo yao,” te po wai.

Hibru 4:14

Te God aga te dago ebo kolesaga dagalabo bidi bidibaso, dago te Kraisde homugo konealubo po, te gasa we bidi dabebolo pusabo po, dago te pode dago homugo mu kęą pao. Magi baso meni, dago genuai pris tobolu bidi te bidibao, tama aga te dagaluba holama tama Godigo bidibo digi tomoba mu pai. Aga te bidi Jisas, te Godigo Ogwa dao.

Hibru 7:1

U bidi Melkisedek aga te genuai hanu nogi Salem tuni bidi bidali, tama aga God ugwadu bidi mugo pris bidi dao. Polobadu Abrahamgo boi hwįnama, te tuni bidi dabe augwali elama tama aga buluba ma sobadi, tama te sogo Melkisedekgo aga te tųde tiąba sabolama tama Godigo Abraham dali dwagi yai sę emainogo eyu gedu haluasa po wai.

Hibru 7:17

Magi baso meni. Godigo po agade e tiwai po wai, “Nage pris bidi sesemane sogo bidada paibao, te polobadu bidali pris bidi Melkisedek tiwai yaibao,” te po wai.

Hibru 7:2

Tama Abrahamgo te boi hwįgi pelama sali tigidali nai dodolama tama nogo si selama, deli deli bugulama, tama te bidi Melkisedekbolo deli mani. Abrahamgo te hwįbode sali nai tigidalide tama yali. Dago te nogi Melkisedek begelama e tama po wai: te doloba pai kolesaga ebo tuni bidi da wai. Aga me te bulu Salem tuni bidi dao. Te nogi Salem begelama tama te po page e tiwai dao: te homu nagamea peyu bugagia bidibo kolesaga tuni bidi dao.

Hibru 7:6

Tama Melkisedek aga te augwaligo hanide te aga pedalobeo, aga te Livai hani bidi menio. Tiali goli te Abrahamgo aga nai dabe nogo si nogo si nedelama tama nogo si deli delide Melkisedekgo nai me deli salio. Tama Abraham aga te Godigo aga dali wiegi yai sę ilabo dąų wali po sali bidi bidaligo da, teda te Melkisedekgo Godigo te Abraham dali dwagi yai sę emainogo eyu tama te gedu haluasa po wai.