Hibru 5:3 - Godigo dwagi yai po buku

³ Tama augwali me te bomo meni yai bidi dabe bidibaso, augwaligo te we bidi augwaligo sęgę sela sąbo ofa naga mabo meni, te augwade digi sęgę dali sela sąbo ofa me te Godibolo mabo te dolo dao.

Hibru 5:3 Iomraidhean Croise

Pris Sę Ebo Bomai Po 16:15

“Nosali agai te we bidi dabego sęgę sela sąbo ofa yabo kibu meme ela muao. Tama agai te meme kaneme te Ugwa Be Tedali Gasagi Yai Mu Be Habu tomoba sela pelama, te dwasianu me badu te sęgę sela sąbo pesageba sąyao. Te agai dwasianu meba te Dąų Wali Bomai Po Elalubo Halobage gesabidiba sąyao. Agai te bulmakau kanemego yali sę tiwai yao,” wai.

Pris Sę Ebo Bomai Po 16:6

Tama Arongo te omai bulmakau aga digi sela asali te aga sęgę me aga we wai pulubago sęgę dali sela sąyabo ofa yainogo eyu, tama te eno geduba osogo muao,” te po wali.

Pris Sę Ebo Bomai Po 9:7

Tama nosali Mosesgo Aronbolo te po walali, “Nage te altaba pelama, te sęgę sela sąbo ofa me yao. Nago te naga sęgę dali, te we bidi dabego sęgę sela sąbo ofa dali, si tama yao. Nosali, te tigidali we bidigo sesali ofa selama, te augwa sęgę sela sąbo ofa yao, te Genuai Bidigo po wali gilama te sę yao,” wali.

1 Korin 15:3

Te eno polasa po dagebolo hasia bolo mani, te eno me eno polobadu te po naga sali. Te po e tiwai dao: te Krais isilama dago dwai sęgę tigidali sela samainogo yali, te Godigo po bukude polobadu asęani po tama usu nani.

Hibru 10:12

Tiali goli Kraisgo aga digi te sęgę sela sąbo ofa te deli sogo naga mani, tama te ofa te tigidali sogo usu nama elalua paibao. Agai tama tilama, tama aga megi te Godigo dolo nogode dulalubao.

Hibru 7:27

Te polobadu polalubo pris bidi dabe deli deli augwaligo te tigidali sogo te Godibolo nai mabo ofa sę elaluai. Te augwaligo hasia augwa sęgę bolo sela sąbo ofa yai. Tama elama, tama nosali augwaligo te we bidigo sęgę sela sąbo ofa me yai. Tiali goli Jisas aga gasagi yai tedali elalubaso, agai te aga yali dwai sę sela somainogo te Godibolo nai mabo ofa sę me ebeo. Menio. Te we bidi naga tau somainogo eyu agai ofa te deli sogo naga yai. Me sogo te sę ma egobeo, te deli sogo yali te usu dao. Te aga digi aga bidibo ula te Godibolo mawai dao.

Hibru 9:7

Tama te polalubo tobolu pris bidi agaduba deli naga te si wali be habu tomoba peyu yai. Aga te tigidali kibu bede deli sogo naga peyu yali. Tama aga olo me pabeo. Menio. Agai te ela muani omai bulmakau dali te meme dali te sigo kaneme sela peyu te tomoba pai. Tama te kaneme agai Godibolo ofa mani, te kanemego aga sęgę bolo sela sąnama, tama te we bidi augwaligo bugagia konesiąma yali dwai sęgę me te sela sąmainogo yai dao.