Hibru 5:2 - Godigo dwagi yai po buku

² Te bidi dabe augwa digi te Godigo po dolo wali pabo bomo meni yai bidi me sogo bidibaso, augwaligo te kolesaga konesiąbo te Godigo tų wali pabo tagalali we bidi dabe dali te dua digi kolesaga sesa pobaso te usu dao.

Hibru 5:2 Iomraidhean Croise

Ma Dobola Sali 32:8

Tama eno po weyu, augwalibolo te wali pao wali tų polo geda munama, tama augwaligo te bulmakau wai te golgo nigilama, tama agabolo lotu po weyu, tama agabolo ofa ilibao. Tama augwaligo te po wai, ‘Odao,’ wali, ‘te aga dago god dao. Agai da Isipde selama, odasa asai dao.’ Te po megi obao.

Aisaia 29:24

Tama te bidi dabe homu kolesaga megi umuna pabo bidi dabe, augwali te wiegi yai homu kolesaga ma saibao. Tama te konila po dabe hauwa olama, tama po sela sąbo bidi dabe, augwali te wiegi yai homu elama, eno po ola mabo odaibao,” te po wali.

Aisaia 30:11

Dage digibulu mu bidiyu, tama dago sunumi paligimio. Dago te Israel dabego Godigo po odobo da hagela ebao. Aga te Wiegi Yai Doloba Pai Kolesaga Naga Ebo God dao,” wali.

Dwagi Yai Gesi Po Lukgo Asęani 22:32

Satango te sę yainogo yai digi, eno nage tau sainogo, God hanalu wali, ‘Saimon tau sao. Agai homu kolesaga tigidali nageba mubo sę tagalidali weyu, nago Saimon tau sao.’ Tama Saimon, nosali nage begasa, ma aselama, tama nago naga ama dabe bomo mayu dąų walao,” Jisasgo te po wai.

2 Korin 11:30

Te gasa tų me meniama, tama ena nogi ena digi ugwaba sobaso da, teda eno te ena bomo meni da po olama, tama tede ena homu pemene yaibao.

2 Korin 12:5

Godigo ena dali te yali kolesaga, tede eno homu pemene yaibao. Tiali goli ena digi ena nogi ugwaba me sogobe. Ena bomo meni yani po ena olama, tama tede naga ena nogi ugwaba sabo dao.

Galesia 4:13

Dagego koneani, te sogo eno tigi gasi selama, bomo meni yai. Tama te sogo hasia eno te Godigo dwagi yai po dagebolo pusai dao.

Efesus 4:18

Tama tiyu augwaligo homu kolesaga dwai eyu, be hulia sabo tiwai ebo dao, augwaligo ebo homu te kedu meni yai homu kolesaga dao. Tama te Godigo mabo bidada pabo ula augwaligo sogobeo. Magi baso meni. Augwaligo bomo elama konebo hagela homu eyu, tama augwali munu me konesiąyu bidibo dao.

2 Timoti 1:13

Mu tama, polobadu eno agai nogibolo dwai posobo po wabo bidi bidai, tama eno agai po odobo we bidi dabe dali boi bidi eyu, augwalibolo dene mabo sę iduai. Tama eno aga dali hagoma eyu, aga nogi dolobo sę eyu bidai. Eno Kraisde tama dwai sę yali goli, Godigo ena homu dene eyu tau sali. Magi basowe? Eno konealubo po Kraisde dąų wasiąbaso eno bugagia konesiąma, tama eno te tiwai dwai kolesaga aga dali iduai.

Hibru 2:17

Tama tibaso, te tigidali naide aga te tigidali we bidi tiwai mu pedalomainogo tiali. Magi basowe? Agai tama tialigo da, tama aga te God dali we bidi dali tomode dolalubo pris tobolu bidi bidabo te usu igibu tama Godigo sę tolaluaibao. Agai te we bidi homu dene eyu, tau sabo wiegi yai kolesaga eyu, tama aga te Godiba aga homugo kęą pai bidi bidai. Tama tiyu, agai te Godigo te tigidali we bidigo dwai sę yali sęgę sela sąwainogo eyu, te aga ofa ilali te usu yai dao. Tiali goli aga te we bidi tiwai mu pedaligi menigi da, teda te sę tigidali ebo aga usu menigi da.

Hibru 2:18

Aga digi te dene tolali, te Satango aga dwai sę ebo kolesagaba kekainu eyu te usu sabo sę tigidali agaba pedalali, tiali goli aga dwai sę me ebeo. Tama tibaso, megi te usu sabo sę te we bidi dabe augwaliba pedalobo si te agai augwali tau sabo usu dao.

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

Hibru 7:28

Tama te Godigo Mosesbolo mani bomo yai pogo te bomo meni yai bidi augwali sa munama, tama augwali te polalubo pris sę ebo bidi bidai. Tiali goli nosali te bomo yai po aiyaba elaluyu, Godigo agai dąų wali pogo aga Ogwa te polalubo pris bidi sę emainogo eyu aga sa muani. Tama te sę bugagia dąų omainogo eyu, Godigo te mu po obao olama tama te sę yao wai. Tama tiyu, aga Ogwa te agabolo mani sę ebode te usu sese mu pedalai dao, sę me delide aga sǫą me pabeo. Tama sesemane sogo aga te tiwai naga tama bidada peyu, bidada paibao.

Hibru 9:7

Tama te polalubo tobolu pris bidi agaduba deli naga te si wali be habu tomoba peyu yai. Aga te tigidali kibu bede deli sogo naga peyu yali. Tama aga olo me pabeo. Menio. Agai te ela muani omai bulmakau dali te meme dali te sigo kaneme sela peyu te tomoba pai. Tama te kaneme agai Godibolo ofa mani, te kanemego aga sęgę bolo sela sąnama, tama te we bidi augwaligo bugagia konesiąma yali dwai sęgę me te sela sąmainogo yai dao.

Jems 5:19

Eno ama dedeo, dage tomode ama me deli agai te Godigo mu po tagalobaso da, tama ama me bidigo te ama ma oda siyu da,

1 Pita 2:25

Tama polobadu dage te kibu sipsip tiwai eyu, augwali tonalubo bidi tagalama tama hagawai digi, megi dage ma geasa asiyu, te dage bugagia tonalubo bidi pageba ma asai dao.

Te Israel Tobolu Bidi Dabe 2:17

Tiali goli, te we bidi augwaligo te tobolu bidi dabego po me odobe. Augwaligo te Genuai Bidi tudiba munama, tama augwaligo te tibo godiba lotu po me udai, te bidigo aga we tagalama, te penani ebo weba pabo tiwai yali. Te augwa wąį dabe augwaligo te Godigo po wali pai, tiali goli te hani wai dabe polo hasegelama, tama augwaligo te tiwai kolesaga me ebeo.