Hibru 4:9 - Godigo dwagi yai po buku

⁹ Tiali goli dago koneani, te toma nabo sogo te me elalubao. Te Godigo tigidali nai nigila silama, tama aga toma nani sogo, te tiwai tama te toma nabo sogo asobo te Godigo we bidi augwali tonalubo dao.

Hibru 4:9 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 47:9

Te haniani we bidi hanigo te tobolu bidi dabe augwali te Abrahamgo God wali pabo we bidi dabe dali sisinama, bidibao. Godigo bomogo te tigidali ami dabego bomo aiyaba elalubo dao. Aga te polalubo king dao.

Ma Dobola Sali 16:30

Tama te po obaso, nosali augwali te a naga olama me badu nogo si te side olo bidai.

Aisaia 11:10

Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao.

Aisaia 57:2

Te doloba pai kolesagade bilali bidi dabe, te augwa isibo sogo, te augwa gų pagede pila muyu, te toma nabo wiegi yai sogo sai, magi baso meni, te dwai sę ebo sogo augwaliba pedelabo usu egobeo.

Matyu 1:21

Te agai te wai ogwa ame naibao, tama nago aga nogi Jisas poao. Magi baso meni, agai te we bidi augwaligo sęgę elalubo sela sąnama tama augwali ma saibao,” te po wali.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Hibru 11:25

Magi baso meni, aga digi te aga Godigo hani te Israel we bidi dali dene sabo homu yai. Agai koneani, aga te tuni bidigo wegigo negali ogwa me bidiyu da, teda agai nosali dwai sę eyu bidagameo. Tiali goli te pęwadage sogo naga tede wiegi yai homu pemene yaibao. Tama hagela homu yai dao.

Hibru 3:11

Tama eno sębę eyu, tama eno po hasegelidali weyu eno mu po olama dąų wali, te po wai, “Augwali eno te toma nabo pesageba munu me asogobeo. Munu me asogobeo. Mu menio.” te po wai dao.’” Te Godigo Mobo Bidigo te po tigidali polobadu olama tama bukude asęnama elalubao.

Hibru 4:1

Godigo dąų wali po megi me elalubao, tama agai tede te po wai, “Dage eno te toma nabo nigilali te tomoba piagameo.” Tama tibaso da wi me yao. Tiyu Godigo gedude dage tomode me deli te tų geda muyu, tama te toma nabo pesage tomoba pabo usu egobeo waidali weyu, dage dua dao.

Hibru 4:10

Magi baso meni. Dago koneani, te Godigo te toma nomainogo nigilali pesage tomoba pabo bidi, te aga digi sę yali silama te toma nabo te tiwai ebao, te polobadu God aga digi sę silama, te toma neyu olo bidali tiwai gilama tebo dao.

Hibru 4:3

Da te Kraisde konealubo po dąų wabo we bidi, te da toma nabo pesage te tomoba paibao. Polobadu Godigo te pesageba pisąbo bagede po weyu te po wai, “Ena sębę eyu, tama eno po hasegelidali weyu eno mu po olama dąų wali, te po wai, ‘Augwali eno te toma nabo pesageba munu me asogobeo. Munu me asogobeo. Mu menio,’ te po wai.” Godigo te tigidali nai nigila silali sogo, te agai yabo sę me elalubeo. Tiali goli dago agai te tiwai po te aga toma nabo pesagede po wai odobaso, teda dago koneagameo, te toma nabo pesage me elalubao.

Hibru 4:8

Te polobadu te tobolu bidi Josuago te Israel we bidi augwali te Godigo mawaibao wali toma nabo pesage tomoba selasa pigi sogo da, teda Godigo nosali te gasa sogode me da po wagi menio.

1 Pita 2:10

Polobadu dage we bidi hani meni yai goli, megi dage te Godigo we bidi hani dao. Polobadu dage agai homu dene eyu tau sisiąwai goli, megi dage agai homu dene eyu tau sai dao.

Kraisgo Geme Dualali Sę Pedelabo Po Jonbolo Ola Mani 14:13

Tama eno odali, po me deli dagaludu asiyu, te po wai, “Nago e tiwai po asęąo: ‘Megi e tiwai sę gagalobao, te Genuai Bidide wadolali we bidi isibo si, te augwali wiegi yai homu pemene mu yao,’” te po wai. Tama Godigo Tedali Mobo Bidi agai me te po wai, “Awe, mu tama dao. Te augwali tigi dene ebo sę tagaliyu, tama augwali toma tueibao. Augwali olo me pogobeo. Menio. Te augwaligo yali wiegi yai kolesaga, te kolesaga augwali wali paibao,” te po wai.

Kraisgo Geme Dualali Sę Pedelabo Po Jonbolo Ola Mani 21:4

Tama agai augwaligo gedude elalubo gedu ąį omainogo deli deli hola sąwaibao. Tama te we bidi dabe augwali ma isigobeo, tama augwali homu sęgę ma isiąma, tama augwali gela weyu dene eyu ma egobeo. Tama te polobadu elaluali kolesaga tigidali pela silai dao,” te po wai.