Hibru 4:12 - Godigo dwagi yai po buku

¹² Magi baso meni. Te Godigo wali po te bidabo ula elalubao, tama aga te sę bomo idubao. Te mu poa pai, tama te si dali si badu poa pai hwą gego poai yali te aiyaba elaluai. Tama bidigo poa pai kago hwą gego hasa mi togoyu, tama te poa pai hwą ge polo te hasa dili tomoba tugi pelama, tama te dili hania pedalobo dao. Tama te tiwai me Godigo wali po dago homu tomoba peyu, tama dago homu ogwa wai dali dago mobo dali si pedebo dao. Tama agai wali pogo dago ebo homu dali dago homu kolesaga page dali si, te tigidali te agai osola subo dao.

Hibru 4:12 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 110:2

Yawe Genuai Bidi te Saionde bidiyu, tama agai nago te bulu hauwa tonalumainu nigilama, tama agai te po waibao, “Nago naga boi bidi dabe tonaluao,” waibao.

Godigo Nogi Ugwaba Sabo Tęąbi Po Wabo Buku Dabe 119:130

Te bidi me deligo gasa bidi tau siyu, te nago po page konemainogo tibaso da, teda aga haligaba ula mabo te saibao. Tama te pogo te homu kolesaga bugagia konesiąwani bidibolo te homu kolesaga mabo dao.

Godigo Nogi Ugwaba Sabo Tęąbi Po Wabo Buku Dabe 139:2

Nago te eno ebo sę tigidali mu konea pali. Nage digibulu bidibao, tiali goli nago eno homu kolesaga tigidali konea pai dao.

Godigo Nogi Ugwaba Sabo Tęąbi Po Wabo Buku Dabe 149:6

Augwa te i weyu, tama te Godiba pemene elama, tama te poa pai bainat hwą mu tolalumainao.

Godigo Nogi Ugwaba Sabo Tęąbi Po Wabo Buku Dabe 45:3

Nage te bomai king da. Nago au dobage te hauwa elalubao, tama nago genuai nogi te ugwanu mu yai. Nago te bainat hwą dią selama, te hwįabo sisi elaluao.

Bugagia Bidibo Kolesagade Po Asęai Buku 5:4

Tama nago agai po wali pali da, teda nosali nago aga te dwai nai tiwai ąǫ eyu, te ha ebo nai gagawai eyu, tama te dene ebo te hwą bainatgo nage enebo tiwai dene tilama yaibao.

Kolesaga Koneai Bidigo Pusali Po Elalubo Buku 12:11

Te kolesaga mu konea pali bidi dabego po te poa pali dono dabe tiwai elalueibao, te sipsip kibu dabe gasaba bogeasa soyu ebaso, ela palu, ela soabo dono te sipsip tonalubo bidi dabego sabilaibao. Te kolesaga konea pali bidigo te buku me delide wiegi yai po elalubo subaso da, teda te po sesabi elama, sesemane sogo elalueibao, te nili dabe te ni namede dąų elalubo tiwai yaibao. God, da tigidali tonalubo bidigo, te po dabe dabolo mawai dao.

Aisaia 11:4

Te po tų odobo dolo naga agai te nai meni yai bidi dabego homu sęgę elalubo po odama, te bagenu tau saibao. Te gasa bidi dabego augwali aiyaba elaluama, augwali dolama, dwai sę yali dabede agai pode te tiabo sę yali we bidi dabe dene saibao. Tama te dwai sę ebo bidi dabe da isaibao.

Aisaia 49:2

Te agai ena sisi ilama, te eno po bugagia miyu, te eno pogo te we bidi dabego haligade mu enama, te bainat poai tiwai mu yaibao wali. Te agai nogogo ena bugagia geme dualali. Tama agai ena te poa pai ene mu tiwai te polama, muani tiwai yai dao.

Aisaia 55:11

Te tiwai naga eno po me te enaba odolali ma asogobeo. Menio. Agai te eno wali po tiwai gilama pedelaibao. Te agai eno homugo pedalumainogo homu yali sę pedalubo dao.”

Jeremaia 17:10

Ena Genuai Bidi, eno te tigidali bidigo homude me haligade ebo kolesaga osola sueibao. Tama eno tigidali bidi deli deligo kolesaga dagalama, tama eno te augwa yali kolesaga usu nama wei ponobo dao,” wali.

Jeremaia 23:29

Ena Genuai Bidi, eno po dolo obao, eno po te isi tiwai elalu, tama te genuai hamago te masigi dabe haluama, te kakali pedalubo tiwai ebo dao.”

Dwagi Yai Gesi Po Lukgo Asęani 8:11

Jisasgo te po ma wadolu, te po wali, “Te po digi po e tama po weyu, te walio. Te tubo nai ge da, te Godigo po dao.

Dwagi Yai Gesi Po Jongo Asęani 12:48

Bidigo te ena tudiba munama, eno po agai sela sąbo bidi, aga po tų yabo sę elalubao. Eno wali po, te pogo nosali te tǫ dagalu silibo side te eno wali pogo te bidi dali po tų yaibao.

Dwagi Yai Gesi Po Jongo Asęani 6:51

Ena digi ena da, te bidabo bomo elalubo bret da, te ena dagalu tagalama, e tǫba dulai dao. E bret bidigo tuyu da, te bidi aga bidada paibao, mu gamonaibao. Tama eno te bret agabolo mawaibao, te eno tigi dao. E tǫde bidibo we bidi augwali mu bidimainogo, eno ena tigi mawaibao,” Jisasgo te po wai.

Godigo Sęba Tagala Palai Bidigo Po 2:37

Te we bidi augwaligo te po odobo si, augwali moni homu mu elama, Pitabolo me, tama me badu Jisasgo tagala palai bidi dabebolo me te po wai, “Hani bidi ama dede, da magi egowe?”

Godigo Sęba Tagala Palai Bidigo Po 4:31

Te augwaligo Godibolo po olama, silibo si, te sisinagasali bede tǫ mali yai. Godigo Dwagi Yai Mobo augwali kolesagaba asali, tama te sogo gagalama, Godigo po augwaligo pususu pai, wi ebe.

Godigo Sęba Tagala Palai Bidigo Po 5:33

Te kaunsil dabego Pitago po odama, moni sębę mu yali. Augwaligo homugo ‘Dago te Jisasgo tagala palai bidi dabe elaibao’ homu yai.

Godigo Sęba Tagala Palai Bidigo Po 7:38

Te bidi Moses aga polobadu te Israel we bidi hodobo sisinani, bidi meni yai bulude. Aga dago wąį dabe dali bidibadi, tama aga Godigo dagalude sę ebo ensel bidigo Sainai bulu bagede po miai. Tama Mosesgo Godigo po sai, te po mu bomai po mu, polo sia sogobeo. Te po dago wąįgo ugwaba ola mayu, ola mayu, ela pomai hagede, dabolo momainu yali.

Polgo Po Pas Rom Dabeba Asęani 1:16

Magi baso meni. Ena te wiegi yai gesi po wabode te ena hale me ebo menio. Te wiegi yai po Godigo bomo elalubao, te tigidali konealubo po dąų wali bidi dabe ma sabo te po usu dao, te hasia Juda dabe ma selama, te nosali gasa hani dabe me ma dobola sabo te wiegi yai po usu mu dao.

1 Korin 1:24

Tiali goli te da Godigo i olama dią sali we bidi, da me badu Juda bage, me badu te Juda hani isąwai bage, dago homu te Kraisde pusubo pogo te Godigo genuai bomo dali aga wiegi yai homu kolesaga me te hania ola mabo dao.

2 Korin 2:17

Tiali goli, da te bidi hauwa augwali tiwai me ebeo, augwali tedali tedela pelama, te Godigo pode masigi sabo bisnis sę tiwai me ebo, te tiwai dago egobeo. Menio. Dago te sę Godide sali, tama dago te Godigo sęde tibo po subigila me wagobeo. Menio. Dago sę dolasa mu tigidali ela pobao. Da te Krais dali wadolama, tama homu mu naga eyu, tama God gedude dago agai po te we bidi dabebolo pusubo dao.

2 Korin 4:2

Menio. Dago te geme dualama hale ebo kolesaga te tudiba muanio. Te tibo po wabo kolesagade da me bilibeo. Tama dago Godigo po me hasegelegobeo. Menio. Dago mu po hanilama mu pusubo da, tama tigidali bidi deli deli augwa homugo dago pusubo po mu po dao konemainogo ebo dao, tama augwa dago ebo sę God gedude konemainogo ebo dao.

Efesus 5:13

Tiali goli, tigidali ebo kolesaga te ulaba sela mubo si, teda te kolesaga page tigidali hania haninama elaluaibao. Tama te haniani nai tigidali, te ula elalubo tiwai yaibao.

Efesus 5:26

Tama Krais agai tama tiali te aga po wali pabo we bidi hani agai augwali Godibolo mawainogo agai augwali ąį telawali te meda meni yai pedaliyu, tama agai pogo me augwali tedali gasagi yai nigilali.

Efesus 6:17

Te Godigo dage polo ma dobola sai dao. Te homu ebo kolesaga te kapago nigai tobolu madi tiwai selama, tobolude muao. Tama dagego te Mobo Bidigo bobobage poa pai hwą ge tiwai te Godigo te bukude asęani po bugagia odama, sao.

1 Tesalonaika 2:13

Tama tibaso, sesemane sogo dago Godibolo gedu haluasa po weyu, dago nage usu dao po wabo dao. Magi basowe? Polobadu Godigo po dago pedauwalide wabo po dagego odai. Tama te po odama, tama te olo bidigo po dao homu eyu, dagego te po sai menio. Te meni. Te po Godigo po mu dao. Tama dagego te po odoyu, dagego te homu yai, awe, te Godigo po mu dao. Tama te pogo te Godibolo konealubo po dąų wabo bidigo homu kolesagade sę bomo mu ebo dao. Te Judia tǫde bidibo we bidi meba augwali Godigo we bidi hani mu dao. Augwali te Jisas Kraisde homu dąų wali we bidi dao.

1 Tesalonaika 5:23

Te God aga te dwagi yai homu nagame ebo kolesaga page bidi mu dao. Tama eno homugo te God aga digi dage doloba pai mu ilaibao, aga tiwai bidimainogo yaibao. Tama eno homugo agai dagego homu kolesaga tomode sę ebo mobo bidi me, te dagego noma bidi me, te dagego tigi me God agai bugagia tonaluaibao, tama dage dwagi yai mu bidimainogo. Tama dago Genuai Bidi Jisas Krais ma asobo sogo te dage magi dwai sę isiąwai we bidi tiwai bidaibao.

Hibru 13:7

Dagego duga tobolu bidi dabego yali kolesaga homugo bugagia koneao, polobadu augwaligo Godigo po dagebolo pusai. Dagego augwali bilali kolesaga dali, augwali isali kolesaga dali si homugo koneama, tama augwaligo konealubo po dąų weyu Godiba tią pali kolesaga te wali pao.

Jems 1:18

Agai aga homu kolesaga naga wali peyu, agai mu po dabolo ola menama, tama da aga hani mu tiwai dao. Te da aga hani tomode te gomunai bidi tiwai bidimai hagede agai da nigali. Te Godigo da nigilama, te tigidali gasagi yai nai dabego gomunai bidi dabe bidiyu, te dago te nai dabe tonalumainogo yai dao.

1 Pita 1:23

Awe, duga hasi godolo mu yao. Magi baso meni. Dagego te gesi noma bidabo ula sai dao. Tama te dagebolo te gesi noma bidabo ula mani nai te gamonasiąbo nai menio, te gamonabo nai mu dao, te Godigo bidabo ula mabo bidada peyu, bidada pabo po, te pogo dagebolo te gesi noma bidabo ula mawai dao.

Kraisgo Geme Dualali Sę Pedelabo Po Jonbolo Ola Mani 1:16

Tama te bidigo dolo nogo sawali daide te hǫ a naga olama me badu nogo si elalubo suali. Tama te si badu poai yai bainat hwą ge te hwą mu poa pai, te bidigo pedauwalidu te buluba dią soai. Tama aga gesabidi ula mu yai, te sia bomo elama giligade nanobo tiwai yai.

Kraisgo Geme Dualali Sę Pedelabo Po Jonbolo Ola Mani 19:15

Tama te bobage poabi hwą ge me deli te augwa polalubo bidigo pedauwalide munaluai, tama te hwą ge buluba teda soai. Tama te hwą gego agai te tigidali tǫde we bidi hani elaibao. Tama agai te ain wąbi nogogo tulama, tama te we bidi hani augwali te ain dono wąbigo tonalueibao. Tama agai augwali tonaluyu, tama te Tigidali Bomo Elalubo God agai te we bidi dali moni dwai sębę ebaso, te bidi agai augwalibolo dwai dene mu mawaibao, te bomo yai ąį wain nigibo bidigo te wain bono du dabe te masigi halobage tomoba munama, tama agai sągągo agalalubo tiwai yaibao.

Kraisgo Geme Dualali Sę Pedelabo Po Jonbolo Ola Mani 19:21

Tama te kibu hosde dulaluali bidi, agai te pedauwalide elaluali bobage hwą gego te augwali sigo ami bidi dabe ela muai. Tama tigidali ba dabe augwaligo te bidi dabe tigi mi tuali, tama augwali tabi mu pągąna pai dao.

Kraisgo Geme Dualali Sę Pedelabo Po Jonbolo Ola Mani 2:16

Tama tibaso, tede ge neyu nage homu begelao. Tama nago homu begelesiąyu da, teda tamadi tama ena nage pageba pedalaibao, tama eno te pedauwalide elalubo poa pai ge hwą gego te dwai sę ebo bidi dabe augwali dali hwįaibao.”

Kraisgo Geme Dualali Sę Pedelabo Po Jonbolo Ola Mani 2:23

Tama agai wai dabe me, te eno augwali mu ela silaibao. Tama tiyu, te Godigo po odobo we bidi tigidali augwaligo koneaibao, te ena da, te tigidali bidigo homu kolesaga osola subo bidi dao. Tama dage deli delibolo eno dagego yali kolesaga dolo si wei ponaibao.”

Kraisgo Geme Dualali Sę Pedelabo Po Jonbolo Ola Mani 20:4

Tama eno suali, te tuni bidi dulalubo nai meba elaluai, tama bidi meba te duabo naide duawai. Godigo augwalibolo te bidi dabe po tųde dagalobo kolesaga ebo sę yabo bomo mawai. Tama eno me suali, we bidi hauwa augwaligo konealubo po Jisasde dąų weyu, tama agai nogide po pusubo sę yai, tama tiyu Godigo po bomo elama tola sai. Te augwaligo agai nogide po pusubo sę ebaso, te boi bidi dabego augwali elama, mage togolama, augwali isai dao. Tama eno augwaligo noma bidi homu ogwa wai dabe suali. Tama tǫde bidibadi augwaligo te dwai genuai hudigi ebo hasabolo lotu po wasiąma bidibadi, te agai noma me, te augwaligo gebode me te nogode me te hudigi ebo hasago asęai dąį me sabeo. Te we bidi dabe augwali te bidibo ula ma selama, tama augwali Jisas dali tuni nigilama bidibadi te kibu be hauwa 1,000 bidai.

Te Israel Tobolu Bidi Dabe 3:16

Ehutgo te aga hwą ge bainat te tedali nigali. Te hwą ge poai te si badu elaluali, tama te bobage gana elaluali te hap mita. Tama agai te hwą ge te aga dolo nogo badu te aga sągąde dąų olama, te gudali ugwa dologode geme dualali.