Hibru 3:2 - Godigo dwagi yai po buku

² Godigo aga te sęba muani, tama agai Godide homu kęą pai bidi bidai. Agai te bidi Mosesgo polobadu te Godigo we bidi tau sabo sę tiwai yai. Te we bidi augwali Godigo be tiwai bidai.

Hibru 3:2 Iomraidhean Croise

Ma Dobola Sali 40:16

Tialima, Mosesgo te po odama, tama Genuai Bidigo agabolo te po wali te tigidali sę yai dao.

Israel Hanigo Namba 12:7

Tiali goli, eno sę bidi Moses te profet bidi dabe tiwai menio. Eno aga dali gasa kolesaga mu ebo dao. Eno agabolo eno sę sese agabolo menama, tama eno koneani, agai eno sę sese yaibao.

Dwagi Yai Gesi Po Jongo Asęani 15:10

Tama dagego eno bomo yai po bugagia wali peyu da, teda dage eno te godolo mu ebo kolesaga tomode bidaibao. Eno ena Ayago bomo yai po bugagia wali peyu, tama agai dwagi yai homu eyu, godolo mu ebo kolesaga tomode ena bidibo dao. Tama dagego tebo gilamao.

Dwagi Yai Gesi Po Jongo Asęani 17:4

Eno nago genuai nogi dali, bomo dali, te si te tǫde we bidi augwalibolo ola mawai. Nago enabolo yao olama mani sę, te sę eno tigidali mu ela silai dao. Tama tiyu, eno nago nogi dali bomo dali te we bidi augwalibolo ola mawai.

Dwagi Yai Gesi Po Jongo Asęani 7:18

Bidi mego agai homugo digi po wabo bidi da, te bidi aga genuai nogi aga digi sainogo tibo dao. Tialima, bidi homugo tego ena tagala palama, ena asai da olama, agai Godigo nogi ugwaba siyu da, te usu yaibao, te tebo bidi da doloba pai bidi da, agade tibo dwai sę me isiąwai bidi dao.

Dwagi Yai Gesi Po Jongo Asęani 8:29

Agai ena tagala palobaso, ena asai, agai ena dali bidibao. Agai ena tagalama, enaduba bidibo menio. Magi basowe? Eno ebo sę te God agai godolo yabo sę naga ebo dao,” Jisasgo te po wai.

Efesus 2:22

Dage me Kraisde mu dąų olama, tama Krais agai dage dali te gasa we bidi dali te deliba munama, tama Godigo Mobo Bidigo bidabo madigi nigibo dao.

Bomai Po 4:5

“Edao. Eno dage tigidali haniani bomai po ola mena silali, te God dago Genuai Bidigo dabolo wali gilama tiai dao. Megi da, dage te bulu sigi pelama, tama tede duagi paibao. Tama dage te bulude bidiyu da, teda dagego te bomai po tigidali wali piagameo.

2 Timoti 1:12

Dago Genuai Bidi Krais Jisas agai eno sę yabo bomo mobaso, tama eno agabolo buba hwi wabo dao. Agai homu ena agaba homu kęą pai bidi bidiyu, tama agai sę yabo ena usu yaibao. Agai te homu elama, tama aga sęba ena mubaso, eno agabolo nage usu da po wabo dao.

2 Timoti 3:15

Magi baso meni, ena polo sabalisiąbaso da, teda nago e pas selama tama nedama, tama nago nage Godigo hanide bugagia bidabo kolesaga po tede koneagameo. Te God aga da te bidibo ula elalubo God dao. Te agai po odobo we bidi hani augwali da te Godigo be tiwai we bidi dao. Tama augwali te Godigo mu po tolalubo te bomai ni pos dali kau ni me tiwai elalubo dao.

Hibru 2:17

Tama tibaso, te tigidali naide aga te tigidali we bidi tiwai mu pedalomainogo tiali. Magi basowe? Agai tama tialigo da, tama aga te God dali we bidi dali tomode dolalubo pris tobolu bidi bidabo te usu igibu tama Godigo sę tolaluaibao. Agai te we bidi homu dene eyu, tau sabo wiegi yai kolesaga eyu, tama aga te Godiba aga homugo kęą pai bidi bidai. Tama tiyu, agai te Godigo te tigidali we bidigo dwai sę yali sęgę sela sąwainogo eyu, te aga ofa ilali te usu yai dao. Tiali goli aga te we bidi tiwai mu pedaligi menigi da, teda te sę tigidali ebo aga usu menigi da.

1 Samuel 12:6

Tama Samuelgo po wadolama weyu, te tiwai po wai, “Awe, God Genuai Bidigo koneanio. Polobadu Genuai Bidigo naga te Moses de Aron si sa muyu nigilali, tama aga digi te duga wąį nǫų dabe te Isip tǫde selama, tama augwali odasa asai dao.