Hibru 1:8 - Godigo dwagi yai po buku

⁸ Tiali goli aga Ogwabolo agai te tiwai po wai, “Nage God dao, nage tuni bidi sesemane sogo bidada peyu, bidada paibao. Nago naga we bidi te doloba pai kolesagago tonalubo dao, tama te kolesaga naga ebode nago genuai wiegi yai nogi elalubao.

Hibru 1:8 Iomraidhean Croise

2 Samuel 23:3

Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,

Godigo Nogi Ugwaba Sabo Tęąbi Po Wabo Buku Dabe 145:13

Tama nage te tuni bidi bidiyu, tama tigidali we bidi sesemane sogo nago tonaluyu, bidada peyu, bidada paibao. Genuai Bidi Godigo agai aga we bidi dali dąų wali po wali naga pabo dao. Te agai me deli tagalobo menio. Agai wiegi yai sę naga eyu, da tau siyu ebo dao.

Godigo Nogi Ugwaba Sabo Tęąbi Po Wabo Buku Dabe 72:7

Tama aga bidibo sogo te bidi dabego te doloba pai kolesaga naga wali pomainu yao. Tama te wiegi yai nai hauwa te tigidali sogo te polua pedelama elalubo sogo te pedalumainu yao.

Godigo Nogi Ugwaba Sabo Tęąbi Po Wabo Buku Dabe 99:4

Bomai king, nago te doloba pai kolesaga wei ebo dao. Nago da Israel we bidi dabeba te doloba pai me wiegi yai kolesaga menama, tama dago wali pali. Tama nago dago te gasa we bidi dabe te doloba pai kolesagade dagalumainu ilali.

Aisaia 45:25

Tialima, te Jekopgo bulai hani wąį dabe, te augwa ugwa ela holama, te genuai nogi elalumainu elalide, te augwa wiegi yai pemene Genuai Bidiba yaibao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Jeremaia 38:15

Tama Jeremaiago te tiwai po wei ponani, “Te eno po nagebolo pusubaso da, te mu tamao, te nago ena ela mueibao. Te eno wiegi yai homu kolesaga ebo po nageba mobaso da, teda nago eno po me odogobeo,” wali.

Hosea 1:7

Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.

Sekaraia 13:9

Tama te me badu bugai elalubo te dwagi yai pedalabo sę usu sabo sę ilaibao, te bidi mebago te gol me silva te dwai hogomu sela sąmainogo te isiba ulubo tiwai yaibao. Tama augwaligo gedu haluasa po enaba obaso da, teda eno augwaligo gedu haluasa po wabo odaibao. Tama eno te tama po augwaliba walaibao, ‘Dage da, eno we bidi dabe da’ obaso, teda augwaligo te tama po waibao, ‘Nage God, dago Genuai Bidi dao,’ po waibao,” Genuai Bidigo te po wai dao.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Malakai 3:1

Tialima, Tigidali Bomo Elalubo Genuai Bidigo po wei ponoyu, te tiwai wali, “Te eno po pusugi pabo bidi me deli te eno sunumi dodoligi pomainu polasa tagala palaibao. Dagego te Genuai Bidi asobo tonalubao, tialima polo tama aselama, te aga beba bidagasaibao. Dagego te eno po pusagasobo bidi suabo homu ebo wida, te suiąo. Tialima, aga asobo te eno dąų wali kontrak po pusagasaibao,” te po wai dao.

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

Dwagi Yai Gesi Po Lukgo Asęani 1:75

Da e tǫde bidibo sogo dago dwai sę isąma, dolo tųdu pelama, agai sę inao. Tama aga gesabidide da dolasa bilinao,” Sekaraiago te po wali.

Dwagi Yai Gesi Po Jongo Asęani 10:30

Ena dali Aya dali si page deli tama dao,” Jisasgo te po te Juda bage dali wai.

Dwagi Yai Gesi Po Jongo Asęani 10:33

Tama Juda bage augwaligo Jisas dali po bomo elama weyu, te po wai, “Dago homugo nago de dwagi yai sę yalide dago te homu elama, nage masigi sąnama elainogo ebeo. Nage olo tǫde bidi tiwai digi, nago Godibolo posobo po weyu, te po wai, naga digi nage te God dao, te po obaso dago nage masigi sąnama elainogo ebao,” augwaligo te po wai.

Dwagi Yai Gesi Po Jongo Asęani 20:28

Tomasgo aga dali po wei ponoyu te po wai, “Nage eno Genuai Bidi dao, tama nage eno God nage dao,” Tomasgo te po Jisas dali wai.

Polgo Po Pas Rom Dabeba Asęani 9:5

Augwaligo wąį mu Abraham dali, Aisak dali, te Jekop dali, augwali polobadu bidiyu te genuai nogi sai bidi dabe hasia bidali, tama augwali te augwa bulai wai dabe naga bidai. Tama Krais aga e tǫba dulama tama da bidi tiwai tigi sali sogo, agai te Juda hanide naga te bidi mu pedalali. Aga te tigidali nai tobolu bidi bidibao. Aga te God dao, te aga nogi dago sesemane bidada pabo sogo ugwaba sinao. Mu dao.

1 Korin 15:25

Magi baso meni, Krais te tuni bidi bidimainu eyu, tama bidada pidubadi tama Godigo te boi bidi tigidali augwali aiyaba elaluama siligi pabo si usu nigi paibao.

Bomai Po 2:37

Tiali goli, da te Amon dabego tǫ pageba me pabeo, me te Jabok wę pageba me da me pabeo, me te bulu dude dabe elalubo hanu me, ma te gasa buluba me da pabeo. Te da, te God dago Genuai Bidigo da habu selai dao,” Mosesgo te po wai.

Bomai Po 7:14

Te tǫde we bidi mebabolo Godigo dagebolo te nai dabe hauwa mabo tiwai te gasa we bidi mebabolo me egobeo. Te dagego we dabe me, o dagego kau kibu so dabe te wai ame nisąma olo bidigobeo.

2 Timoti 3:16

Awe, mu tama, te polobadu geme dualali po, te Godigo dabolo waselali konealuabo po page te genuai mu elalubo, tama bidigo te pode te po mu menio wabo te usu me egobeo. Te konealuabo po e dao: Aga te tigi elalubo bidi mu pedalali, tama hania hanilai. Tedali Mobo Bidigo we bidibolo ola mani, te bidi aga dolo mu yali. Te dagalude mobo bidi ensel dabego aga suai. Tama po pusubo bidi augwaligo agade po te tigidali we bidi hanibolo pusigi pali. Te tǫde bidi dabe augwaligo konealubo po agade dąų wai. Te Godigo aga dagaluba odasa holama, tama megi aga bomo dali, genuai nogi dali selama bidibo dao.

2 Pita 1:11

Tama te kolesaga dagego wali peyu da, teda te tų mu dala pelama, tama dage te Jisas Kraisgo we bidi tonalubo bomo dologoba olo bugagia mu peyu tama bidaibao. Aga te dago Genuai Bidi, tama agai da ma sali bidi dao. Tama te agai we bidi tonalubo sę bidada peyu, bidada paibao.

1 Jon 5:20

Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.