Hibru 1:13 - Godigo dwagi yai po buku

¹³ Polobadu Godigo te po wai, “Nage genuai bidi ena dali hodobo bidimainogo eyu, tama eno dolo nogo badu duayao. Tama dualubadi, te eno nago boi bidi dabe augwali te nago sągą dologoba muaibao.” Tiali goli me sogo Godigo te po te ensel mobo bidi me deli dali waliwe? Menio.

Hibru 1:13 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 110:1

Yawe Genuai Bidigo eno genuai bidiba te tama po wali, “Nago eno dolo nogode dugulalu, te nago boi bidi dabe te eno nage dologoba mubo sogoba usu naibao.”

Godigo Nogi Ugwaba Sabo Tęąbi Po Wabo Buku Dabe 132:18

Te eno agai boi bidi dabe te dwai hale mu somainu ilaibao, tiali goli, te agai tonalubo we bidi dabe da, te augwali wiegi yai pedelama, tama bomo elalu bidaibao,” po wai dao.

Matyu 22:44

‘Genuai God agai eno Genuai Bidibolo weyu, te po wai, “Nage eno dolo nogo badu duayao, tama te eno nago boi bidi dabe nageba munama, tama nago dologoba mubo sogo pedelabo tonaluao.’

Dwagi Yai Gesi Po Makgo Asęani 12:36

Te polobadu Godigo Tedali Mobo Bidigo te Devitbolo te homu kolesaga mobaso, tama Devitgo digi te po wai, ‘Genuai Bidi agai te eno Genuai Bidibolo te tiwai po wai dao: “Nage eno dolo nogo badu duayagasao, te nosali te eno nago boi bidi dabe aiyaba elaluama, tama augwali nago dologoba muabo sogo usu nagasaibao,” te po wai.’

Dwagi Yai Gesi Po Lukgo Asęani 19:27

Tama eno boi bidi odasa asao. Augwali ena dologode bidibo hagelabo wali. Tama te bage odasa asao, eno gabidide hwągo ela muao,’ te genuai bidigo te po wali,” Jisasgo te po wai dao.

Dwagi Yai Gesi Po Lukgo Asęani 20:42

Buku me nogi Sam, te lotu tęąbi po wabo buku tomode te bidi Devitgo te po asęani, ‘God agai eno Genuai Bidibolo te po wai, “Nage eno dolo nogo badude duayao.

Godigo Sęba Tagala Palai Bidigo Po 7:55

Tiali goli, Godigo Dwagi Yai Mobo Bidi aga homu kolesagade pągą yanio. Tama agai ugwaba dagaluba tonalubadi, Godigo dwagi yai ula suali. Tama agai suali, Jisas te Godigo dolo nogode dolalubo suali.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Josua 10:24

Augwaligo te augwali te Josua bidiboba odasa aselawai madi, tama agai te Israel dabe tigidali i wali, tama agai te aga dali pali te ami bidi dabego ofisa bidi dabebolo te po wai, “Dage eba aselama, tama dagego sągą te tuni bidi dabego mageba agayao,” wali. Tialima, augwaligo tama tialio.

Kraisgo Geme Dualali Sę Pedelabo Po Jonbolo Ola Mani 20:15

Tama e po tų odobo bidi agai te gamonaibao wali we bidi nogi asęani buku nedeyu, tama niwai bidi agai nogi te bukude me elalusiąbaso da, teda agai te bidi te moni genuai sia dabo dedageba aiyaba te siade dene somainogo sąwai.