Tigidali Nai Gagalama Nigali Side 8:12 - Godigo dwagi yai po buku

¹² Tama aga te a naga me si, te tama sogo tonaluama, tama te ba hi ma tagala palai. Tama te ba hi munu me asobeo.

Tigidali Nai Gagalama Nigali Side 8:12 Iomraidhean Croise

Tigidali Nai Gagalama Nigali Side 8:10

Tialima, Noa te me sela, me sela, me deli, te tama sogo bidama, tama agai te ba hi ma tagala palai.

Tigidali Nai Gagalama Nigali Side 8:11

Tama te be pio mu ebode te ba higo Noa bidibo madi ma aselama, tama aga penanide te gesi ni oliv yabe me deli selasa asali. Tama tibaso, Noago koneani, te wę aiyaba kekasa dulali dao, wali.

Godigo Nogi Ugwaba Sabo Tęąbi Po Wabo Buku Dabe 27:14

Te nago konealubo homu dąų olama, tama te Genuai Bidigo nage tau sagasobo tonaluao. Bomo elama dolaluao, nago haliga sęgę me igio. Awe, nago konealubo homu dąų olama, tama te Genuai Bidigo nage tau sabo tonaluao.

Aisaia 25:9

Te sę dabe pedalobo sogo, te we bidi dabego te e tama po waibao, “Mu tama dao, Genuai Bidi dago God dao. Dago homu agade dąų olama, tonaluai dao. Tama agai da ma oda sai dao. Aga deli naga Genuai Bidi dao. Tama agai da tau sai dao. Tama tibaso, da wiegi yai homu penene genina mu inao. Magi baso meni. Agai da polo ma oda sai dao,” te po waibao.

Aisaia 26:8

Awe, Genuai Bidi, da nago bomai po wali peyu, bilibo dao. Tama dago nage deli naga tonaluyu, tonalubo dao. Dago nago genuai nogi godolo mu ebo dao.

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Aisaia 8:17

Megi da, eno te Genuai Bidi agai yaibao wali te sę ebo deli naga tonaluaibao. Agai Israel we bidiba polo tudi ola mawai dao. Tama agai augwaliba te begela ma tonogobeo. Tiali goli, eno agai bomo deli naga konealuaibao.

Jeremaia 48:28

Dage Moap, dage te masigi dedage buluba geme duala sigi piąo. Dagego te ba dabego augwa be te sau dagede sę ebo tiwai gilama tama dage me tiąo.”

Habakuk 2:3

Te sę dabe pedelabo sogo, te menu gana elalubao. Tama tibaso, nago te po asęnama, munalumainao. Tiali goli, te sesabi gana bidisiąbadi, te pąde sogo digi tama, te eno nagebolo ola mawainogo ebo sę da, te pedelaibao. Nago homugo te sę polo pedalugobe da homu yaibao, tiali goli nago dwasianu sogo tonaluama gana te sę pedelaibao, te mani bodolu te geda mugobeo.