Tigidali Nai Gagalama Nigali Side 45:3 - Godigo dwagi yai po buku

³ Josepgo aga ama dedebolo te tiwai po wali, “Ena Josep dao. Eno aya te bidibowe, ma isai dawe?” Tiali goli, aga ama dede agade wi mu elama, tama didibili eyu, tama augwaligo agai po wei ponabo ąǫ isiąwai.

Tigidali Nai Gagalama Nigali Side 45:3 Iomraidhean Croise

Tigidali Nai Gagalama Nigali Side 37:20

“Polo tama, dago aga ela munama, tama aga tigi te ulu sigi ąį elaluai madigi dedage me deli teba sąwaibao. Te nosali dago te po waibao, ‘Te genuai uni hasa me deligo aga elama, tuali,’ po waibao. Tama agai na yali sę mu pedelaibawe, ma meniwe, te dago koneaibao,” augwaligo tama po wali.

Tigidali Nai Gagalama Nigali Side 42:21

Tama Josep aga ama dede augwa hasi tomode po miyu, te po wali, “Mu tama, dena digi polobadu te dena ama dwai sę ilali. Dago aga gela wabo suali, tama dago aga tau somainu agai i wali, tiali goli dago agai i wabo me odobeo. Tama megi, da te tiali sęgę sobao,” wali.

Tigidali Nai Gagalama Nigali Side 42:22

Tama Rubengo te po wali, “Eno dagebolo weyu, te dagego dena ama doligio po wali, tiali goli dagego te po me odai meni. Tama megi te sęgę dago sabo, te aga isainu yali te wei ponobao,” te po wali.

Tigidali Nai Gagalama Nigali Side 43:27

Josepgo augwaliba hanalu wali, “Dage bugagia bidibowe, ma meniwe?” Nosali agai augwaliba hanalu wali, “Magi yaliwe, te duga aya monu, polasa dagego te aga po enabolo wali, aga te bugagia bididubowe?”

Jopgo Po Asęani Elalubo Buku 23:15

Tama tiyu yaide, ena aga gesabidide mu bidibao, tama ena agade wi mu ebao. Eno agai ebo kolesaga kone palama, eno dili didibili mu ebo.

Jopgo Po Asęani Elalubo Buku 4:5

Tiali goli, hobede mu dwali. Megi dwai sęgęgo mu nage te mesegelai yaba. Tama nage noma siyu, nago homu sęgę genuai mu te eba. Awe, te sęgę nageba pedalubaso, nage noma mu sali.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Dwagi Yai Gesi Po Makgo Asęani 6:50

Magi baso meni, tigidali augwaligo aga sulama, tama augwali wi mu yai. Tama polo Jisasgo augwalibolo weyu te po wai, “Dage homu tegaluiąo, bomo elama bidiąo. Te ena tama dao. Dage wi egimio,” te po wai.

Dwagi Yai Gesi Po Lukgo Asęani 5:8

Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.

Godigo Sęba Tagala Palai Bidigo Po 7:13

Tama nosali Isip buluba ma pelama, te sogo Josepgo agai ama dedebolo ‘Ena da Josep dao’ wali.

Godigo Sęba Tagala Palai Bidigo Po 9:5

Solgo te po hanalu wali, “Genuai Bidi, nage de dawe?” “Ena da Jisas da, nago ena dolobo sę ebo bidi da,” agai te po wai.

Kraisgo Geme Dualali Sę Pedelabo Po Jonbolo Ola Mani 1:7

Suao, Krais aga te dagalu pǫ me tomodu tiąba asaibao, tama tigidali bidi augwa digi gedugo aga te pǫ tomodu tiąba asobo sueibao. Tama te aga tigide enani bidi dabe augwaligo me sueibao. Tama tigidali tǫde we bidi augwaligo aga asobode homu eyu, tama agai augwalibolo dene wei ponaibao homu elama, tama augwali homu sęgę eyu gela waibao. Awe, te tama tiaibao. Mu tama dao.