Tigidali Nai Gagalama Nigali Side 4:4 - Godigo dwagi yai po buku

⁴ Tama Abelgo te gomunai sipsip wai dabe meba selama, tama agai augwali elali. Tama agai te meba dwagi yai ili dabe me selama, tama ofa yali. Yawego dwagi yai homu pemene te Abelbolo elama, te aga ofa dali me tiali,

Tigidali Nai Gagalama Nigali Side 4:4 Iomraidhean Croise

Tigidali Nai Gagalama Nigali Side 15:17

Te giliga dega sigi pelama, tama be hulia sali, tialima polo tama te baket tiwai nai me deli pedelali, tama tede hano eyu, sia bogoli eyu yai. Tama te nai aga digi tama te Abramgo dodolali hasa hani si tomodu bilibo suali.

Tigidali Nai Gagalama Nigali Side 4:3

Tama nosali Keingo te gide nai dabe selama, tama agai selasa asama, tama te masigigo nigai alta sai daide munama, siago te nai uduyu, tama Yawebolo olo mayu, te ofa tama ilali.

Te Israel me Juda Hani Sigo Tuni Bidigo Po Elalubo Buku Deli 18:24

Tialima, dagego te duga godiba gedu haluasa po obadi, te eno ena Genuai Bidiba gedu haluasa po obadi yaibao. Tama mena godigo te gedu haluasa po odama, te isi tagala palama, te ofa nai ulubaso da, teda te naga te God mu da wabo dao,” Elaijago te po wai. Tigidali we bidigo te po odama, te augwaligo i te tiwai wali, “Te wiegi yai dao. Dago tama tiaibao,” wali.

Te Israel me Juda Hani Sigo Tuni Bidigo Po Elalubo Buku Deli 18:38

Tialima, Genuai Bidigo isi aiyaba tagala palai. Tama isigo te ofa me, te isi me, te alta nigali masigi dabe me, te alta sesede elaluali tǫ me isigo dela silali. Tama te ąį gamiade elaluali ąį me tigidali sula selama, wa pai dao.

Tuni Bidi Dabego Po Elalubo Buku Deli 21:26

Tama Devitgo te pesagede Genuai Bidigo alta me deli nigalio, tama agai te isiba tigidali ulama dabo ofa dabe ebadi, te God dali deli haliga pedalubo ofa me yalio. Tama Devitgo Genuai Bidiba gedu haluasa po obaso, tama Genuai Bidigo agai gedu haluasa po odama, tama te dagaludu isi tagala palama, tama te altade munaluali ofa yali nai dabe isigo dela silalio.

Tuni Bidi Dabego Po Elalubo Buku Si 7:1

Te Solomongo gedu haluasa po ola silibo si da, teda Godigo dagaludu isi tagala palama, tama te isigo mu dela silibo ofa sese tama dela siliyu, me te gasa meba ofa yali dabe sese tama dela silali. Tama Genuai Bidigo ula genuai mu elama, tama aga te be ulago pągąna sali.

Godigo Nogi Ugwaba Sabo Tęąbi Po Wabo Buku Dabe 20:3

Agai te nago ofa tigidaliba homu koneama, tama agai te nago tigidali te siaba ulubo ofa te wei elama, godolo yao.

Ma Dobola Sali 13:12

Tama agai te tǫ dageba mabo sogo, tama dagego gomunai ogwa tigidali te dagego Genuai Bidiba mao. Tama tigidali kibu dabego gomunai wai, te me Genuai Bidigo naga dao.

Bugagia Bidibo Kolesagade Po Asęai Buku 3:9

Nago te naga gide te polasa ina yani nai te selama, tama te ofa tiwai ilama, te Genuai Bidiba mao, te tama tebogo te agaba genuai nogi mawaibao.

Kolesaga Koneai Bidigo Pusali Po Elalubo Buku 4:4

Tama me eno gasa kolesaga sualio. Te bidi dabe augwali sę dene mu elama, te tobage wiegi yai nai dabe nigibao. Tialima, te page e tiwai elalubao. Augwaligo homude te augwa abagi dabego genuai nogi elalu, te nai hauwa elaluba homu yali. Tama tibaso, augwaligo me te sę dene hauwa eyu, te abagi dabe augwali genuai nogi elalubo tiwai augwali me bidabo homu yali. Te wabo pabo homu kolesaga tiwai mu ebao, te bidigo wali nogogo tola sainu udabo tiwai gilama ebo dao.

Pris Sę Ebo Bomai Po 9:24

Te polo tama mu Genuai Bidigo isi te altaba tagala palama, tama isigo te siago tigidali mu dela silibo ofa dali te kibu ili tigidali me polo dela silai. Te we bidi dabego te sę ebo sulama, te augwa bomonama i weyu, te augwa gesabidi tǫba pǫgulama, te Genuai Bidiba lotu po wai dao.

Israel Hanigo Namba 16:15

Mosesgo te po odama, aga sębę elama, tama Genuai Bidibolo e tama po walali, “Nago te bidi hani dabego sesali ofa nago selamu dao. Augwaligo te po wali, eno augwali subigila tolalubo po wali. Tiali goli, eno augwaligo kibu donki deli me wi siyu, me augwali dali dwai kolesaga me eyu me ebeo. Mu menio,” wali.

Israel Hanigo Namba 16:35

Tama Genuai Bidigo isi tagala palama, te 250 bidi dela silali, te denami wiegi yai ebo pauda ulama ofa yali bidi dabe.

Israel Hanigo Namba 18:12

“Te meba gasa Israel dabego te tigidali hasia podolali nai wiegi yai oliv wel, me wain, me wit deli deli kibu bede enabolo mabo dao. Tama eno te nai dabe dagebolo mawaibao.

Israel Hanigo Namba 18:17

“Tiali goli, augwaligo te hasa dabe eno gedude wiegi yai tedali gasagi yai, augwaligo ma abelebo usu egobeo. Te da te kau kibugo gomunai wai, me sipsip kibugo gomunai wai, me meme kibugo gomunai wai dabe me, te augwaligo ma dobolama abelegobeo. Magi baso meni, te augwali te eno mu dao, tama te ofa yabo nai dabe dao. Dagego augwali ela munama, tama augwaligo kaneme te altaba te ofa tiwai sąyao, tama agai ili te altade ofa tiwai ulao. Tama eno te ofa ulubo nai denami odama, tama eno godolo mu yaibao.

Hibru 11:4

Te polobadu bidali bidi nogi Abel agai konealubo po Godide dąų weyu, tama agade tiąluyu agabolo ofa yai. Tama te ofago te aga ama Keingo ofa yali te aiyaba elaluama tama wiegi yai mu yai. Awe, Abelgo Godide tiąluali, tama tego Godigo aga doloba pai bidi nogi yai. Godigo te Abelgo agabolo mani naide te agai godolo yai. Tama nosali Abel isali, tiali goli agai te Godide tiąlubo kolesaga yaligo te po dabolo me ola mabo dao.

Hibru 9:22

Te bomo yai pogo kolesagade te pąde te tigidali nai te kanemego naga te meda isąwai naga pedalomainogo yai. Tama te kaneme gelisąbaso da, teda Godigo te sęgę sela sąbe da te homu yai dao.

Kraisgo Geme Dualali Sę Pedelabo Po Jonbolo Ola Mani 13:8

Tama te we bidigo polobadu ela muani kibu sipsip wai agai te genuai buku elaluyu bidibo dao. Tama te bukude agai te agade konealubo po dąų wali we bidi augwaligo nogi agai asęai dao, te polobadu mu, te Godigo te tǫ nigisiąbadi, tama augwali isisąma gamonaibao. Tiali goli te bukude nogi asęsąwai we bidi, augwali tigidali augwaligo te moni hasa lepat tiwai yai dwai hudigi ebo hasa aga nogi ugwaba siyu, tama agabolo lotu po waibao.

Te Israel Tobolu Bidi Dabe 6:21

Tialima, te Genuai Bidigo Mobo Bidi enselgo te dono me deli agai nogogo tolasama, tama agai te dono habu te kibu miba dali te bretba me ugwadu muani. Tama polo te masigide sia bogoli pedelama, tama te kibu mi dali te bret me siago dali. Tama te Mobo Bidi ensel polo palio.

1 Samuel 15:22

Tiali goli, Samuelgo agabolo te po wali, “Genuai Bidigo dago mena kolesaga ebo godolo ebo dawe? Agai te tobage ofa ebo dabe naga godolo ebo dawe? Ma, te dago agai po wali pomainu homu ebo dawe? Odao. Te agai po wali pabo kolesaga te polasa yaibao. Tama te wiegi yai kibu dabe ofa ebo sę, te nosali badu naga yaibao. Te dago agai po odobo kolesaga te wiegi yai dao, tiali goli te omai sipsip ili siago deyu, tama ofa ilibo, te nosali badu naga yaibao.