Tigidali Nai Gagalama Nigali Side 4:16 - Godigo dwagi yai po buku

¹⁶ Tama Kein te Yawe bidibo madi tagalama, wi pelama, tama tǫ me deli teba bidigi pali, te augwaligo te tǫ nogi poali “Subigila Bilibo,” te nogi poali. Te tǫ te Iden gi elaluali madi te giliga asobo badu elaluai.

Tigidali Nai Gagalama Nigali Side 4:16 Iomraidhean Croise

Tigidali Nai Gagalama Nigali Side 3:8

Te be kedau ebo sogo pio ebode, augwali sigo odali, te Yawe God te gide bilibo odama, tama augwali si te ni dabe elalubo madi tomoba duala sigi pai.

Tigidali Nai Gagalama Nigali Side 4:14

Te nago ena e tǫde nago gedude me te sela sąwaibao po wai. Te ena bidabo bulu meniama, tama ena subigila te tǫde bilaibao. Tama bidi me deligo te ena suali da, teda agai ena ela muaibao,” wali.

Tigidali Nai Gagalama Nigali Side 4:17

Tama nosali Kein te aga we dali pilama, tama we haliga yalima, ogwa me deli ame nani, aga nogi Enok. Nosali Keingo hanu me deli nigilama, tama aga ogwa Enok nogi te hanu nogi polali.

Te Israel me Juda Hani Sigo Tuni Bidigo Po Elalubo Buku Si 13:23

Tiali goli, Genuai Bidigo te Israel hani augwali hobede mu yali, tama tibaso, aga bugai homu pemene augwaliba yali. Agai te polobadu te Abraham dali, te me te Aisak ebadi, me te Jekop ebadi, te bage dali te agai bomai po bodolu selama, dąų waliba gogone peyu tama tiali, tama teyu, agai te Israel bage augwali tau selama, tama agai augwali munu me dolobe. Tama agai homugo te Israel hani sela sąnama, tama augwali te aga gesabidide te augwali digibulu bidigi pabo agai hagela homu yali.

Te Israel me Juda Hani Sigo Tuni Bidigo Po Elalubo Buku Si 24:20

Tama te Juda hanigo augwaligo me, te Jerusalem taunde bidibo we bidi dabego me, te haniani dwai kolesaga ebo sęde te Genuai Bidi aga haliga sębę dwai mu yali, tama tibaso, te Genuai Bidigo te we bidi dabe augwaligo gesabidi subo hagela mu eyu, tama agai te we bidi dabe augwali te augwa bulu tǫ tagalama, digibulu bidigi pomainu, mu sela sąyani.

Jopgo Po Asęani Elalubo Buku 1:12

Tama Genuai Bidi agai Satanbolo te po wali, “Odao, eno agai te nai dabe tigidali nago nogoba mobao. Tagalao, nago te naide magi sę me yabo homu ebaso da, teda eyu naga yao. Tiali goli, nago Jop tigide dwai sę me deli bolo me elamuo,” wali. Te dwai Satango Godigo te po odama, tama aga taga pali.

Jopgo Po Asęani Elalubo Buku 2:7

Tama tibaso, te dwai Satango Genuai Bidigo te po odasa, Genuai Bidi taga peyu, te Jopgo tigide dili keni tiwai hauwa mu ela bibideli pali.

Jopgo Po Asęani Elalubo Buku 20:17

Augwaligo te nai dabe sisinibo si da, augwaligo homugo te nai dabe elalubaso, augwali bugagia bidiyu, dwagi yai homu yaiba homu yali. Tiali goli, augwaligo te homu kolesaga geda muaibao.

Godigo Nogi Ugwaba Sabo Tęąbi Po Wabo Buku Dabe 5:11

Tiali goli, te nago tonalubo we bidi augwali tigidali, augwa wiegi yai homu pemene yao. Augwa te bugai homu mu elama, tama te wiegi yai homu pemene ebo balia sesemane waiyąo. Nago augwali bugagia sesela sao. Tama tiyu, te nage wei mu ebo we bidi dabego nago nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 68:2

Waligo te hano sela sąbo dao, te tama tiwai gilama naga Godigo te boi bidi dabe sela sąyu tiaibao. Siago te kandel ili posolo ilibaso, tama ili te wę tiwai pedelaibao. Te tama tiwai naga te dwai sę ebo we bidi dabe te augwali God gedude dolaibao.

Ma Dobola Sali 20:18

Te we bidi augwaligo te pǫ kulukulu wabo, me te bu wabo nai biugel gela wabo me odai. Tama augwaligo te be sele te pǫ ula ebo ugwaba peyu, eda asiyu eyu, tama genuai hano te bulu dude pedalobo sulama, tama augwali wi mu yai. Tama augwali kilasa ma pelama, te bulu du digibulu gana dolalugi pai.

Jeremaia 23:39

Tama tialima, mu tamao, te dage eno selama, te enade digi sągi paibao. Eno dageba tama tilama, te eno dagego wąį nǫų dabeba mani tǫ taun me te dageba digi te eno digibulu tagala palaibao.

Jeremaia 52:3

Te Juda dabe me Jerusalemgo dwai kolesaga ebogo te Genuai Bidigo haliga sębę dwai mu ilali, tibaso Genuai Bidigo te we bidi dabe augwali hagela ebaso, te augwa bulu tǫde sela sąnama, digibulu pai dao. Sedekaiago homu te Babilon aga tonalubo hagela mu yai, tibaso aga munu me aga dologode me bidibeo.

Jona 1:3

Tiali goli, Jonago te Genuai Bidi tagalama, tama te hanu me deli nogi Tarsis teba wi painogo yai. Tialima, aga hogodama, te nambisde elalubo dwasianu hanu Jopa teba pelama, tama agai te hanu Tarsisba painu ebo te sip me deli gegali. Agai te sip abelama, teba holali. Agai te Genuai Bidi tagalama painu wi palio.

Matyu 18:20

Awe, te bidi si ma selago eno nogide bulu me deliba sisinabaso da, teda ena augwali tomode bidaibao,” Jisasgo te po wai.

Dwagi Yai Gesi Po Lukgo Asęani 13:26

Tama te sogo dagego e po wabo gagalaibao, ‘Woo, dago nage dali nai tuyu, wę tuyu yali. Nago dago be nanide da po ola mani,’ waibao.

Dwagi Yai Gesi Po Jongo Asęani 1:10

Te Po e tǫde bidai. Aga digi e tǫ nigai. Tiali goli tǫde bidibo we bidi augwaligo aga konebeo.

Dwagi Yai Gesi Po Jongo Asęani 1:3

Godigo te Pobolo po weyu, tigidali nai nigao wai. Tama Pogo tigidali nai nigai. Tama gasa nai gasa tųdu me pedalobeo. Menio. Tigidali nai pedalali te Po aga digi nigilama, pedalai.

1 Tesalonaika 1:9

Dage bidibo digi da asali sogode dagego yali sę po augwa digi augwaligo dabolo pusubo dao. Augwaligo da dali pusuyu, te po wai, ‘Augwaligo te tibo god tagaliyu, tama augwaligo homu God muba muai,’ te po wabo dao, tama dage bidabo ula sabo te God agai sę bidi dage bidibao, te po wabo dao.