Tigidali Nai Gagalama Nigali Side 39:2 - Godigo dwagi yai po buku

² Yawe te Josep dali bidibaso, tama agai yali sę tigidali te wiegi yai naga pedelali. Josep te Potifargo bede sę eyu bidali.

Tigidali Nai Gagalama Nigali Side 39:2 Iomraidhean Croise

Tigidali Nai Gagalama Nigali Side 21:20

Tama nosali God te ogwa Ismael dali bidibaso, tama aga genuai yai. Aga te Paran pedai badu te bidi dabe bidisiąwai madi bidali. Tama aga te bulu hasa gegebo konebo bidi mu pedelalio, te enesigi enebo sę agai mu konea pali.

Tigidali Nai Gagalama Nigali Side 21:22

Te sogo Abimelek te aga ami bidi tonalubo polalubo bidi Fikol dali, augwali si te Abraham bidibo madi pelama, tama po wai, “Te tigidali sę nago ebode te God nage dali bidibo dao.

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Tigidali Nai Gagalama Nigali Side 26:28

Tama augwaligo te tiwai po wei ponani, “Megi dago koneani, te Yawe nage dali bidibao. Tama dago homugo te dago dage dali te mu po naga dao weyu, te boi homu ebo silabo po me deli dąų waibao. Dago nagebolo dwai sę me ilibeo. Tama dago homugo te nago bomo yai po dąų weyu,

Tigidali Nai Gagalama Nigali Side 28:15

Odiąo. Ena nage dali bidiyu, tama nage paboba te tigidali habu te eno tonalua bilaibao. Tama nage eno e tǫba ma odasa asaibao. Tama eno nage munu me tagalisiąbadi, te eno nagebolo po wabo sę tigidali usu nama, pedela silaibao,” Yawego te po wai.

Tigidali Nai Gagalama Nigali Side 39:23

Yawe te Josep dali bidiyu, tama aga tau sobaso, tama agai tigidali sę yali te dwagi yai naga pedelali. Tama te kalabus tonalubo bidigo te Josepgo tonalubo sęde te agai homu si me ebeo.

Tigidali Nai Gagalama Nigali Side 39:3

Tama Potifargo sulama, koneani, Yawe te Josep dali bidiyu, tama tigidali sę Josepgo yali te dwagi yai naga pedelali.

Te Israel me Juda Hani Sigo Tuni Bidigo Po Elalubo Buku Si 18:7

Tama teyu, te Genuai Bidi te king Hesekia dali bidiyu, tama aga tau sali, tama tigidali sę agai yali, te bugagia mu pedalali. Te king Hesekiago homugo te Asiria hani king bidigo te Juda hani augwali tonalubo hagela mu yali, tama tibaso augwali te hanigo dologode ma bidibe.

Tuni Bidi Dabego Po Elalubo Buku Si 1:1

Solomon, te Devitgo ogwa, agai bomonama eyu, te bomai king mu pedelali. Tama God Genuai Bidi aga dali bidiyu, tama agai genuai nogi ugwanu mu somainu ilali.

Godigo Nogi Ugwaba Sabo Tęąbi Po Wabo Buku Dabe 1:3

Te bidi te ni bidi mego ąį sesegede bulai ni elalubo tiwai bidibao. Te nigo nedudu walobo, te sogo dolo naga waliyu ebo dao, tama te ni yabe me sasia pabo menio. Tama tigidali sę agai ebaso, te bugagia pedalobo dao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Aisaia 43:2

Dagego te ąį gebo aiyanu dulai te nogebo sogo, te ena dage dali bidaibao, tama te ąįgo dage me dologobeo. Awe, dage te soabo ąį nogebo si, te ąįgo dage mesegelegobeo. Tama dage te posolo yai sia tomoba mu pabo sogo, te siago dage me dogobeo. Te sia bogoligo dage dogobeo.

Jeremaia 15:20

Te eno nage te bomai obo brasgo nigai dolalubo tiwai eyu, te we bidi dabego gedude tama tiaibao. Te augwaligo nage dali boi bidi yaibao, tiali goli te augwaligo nage aiyaba me elalugobeo. Magi baso meni, ena digi ena nage dali bidaibao. Te eno nage tau selama, eno nage ma saibao. Te ena Genuai Bidi, eno po dao.

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

Godigo Sęba Tagala Palai Bidigo Po 8:31

Tama te gavman bidigo te po wei ponai, “Tama tiali bidigo enabolo te po page ola masiąyu da, eno konegobeo. Tama nage te karisba holama, ena dali dugayagasao,” te po wali.

2 Timoti 6:1

Te nago bidibo digi Efesusde bidibo Godigo po odobo we bidi augwali meba te masigi sisąbo olo sę ebo we bidi dabe dao. Augwaligo augwa genuai bidigo sę eyu augwaligo tama tiwai homu yao, “Te ena genuai bidi aga te wiegi yai bidi, tama eno aga nogi ugwaba sabo te usu dao. Agai te sę yao wabo po eno odaibao,” augwaligo te homu yao po wao. Tama te sę we bidi dabego te tiwai homu kolesaga eyu da, teda te genuai tonalubo bidi dabego te Godigo nogide me te Godigo po me te si dali dwai posobo po wabo kolesaga me egobeo.

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

Josua 1:9

Eno nagebolo wai dao. Tama nage bomo elama dolaluyu, tama nage wi munu me isiąyu, tama nage magi nai me delide habu bulu me pelamuo. Magi baso meni, ena God, te nago Genuai Bidi, te ena nage dali te nage pabo tigidali buluba paibao,” te po wali.

Josua 6:27

Genuai Bidi te Josua dali bidibaso, tama te tǫ dabe badu bidalubo tigidali bidi augwaligo agabolo genuai nogi mawai dao.

1 Samuel 16:18

Tama sę bidi me deligo Solbolo te po wali, “Eno te Betlehem bidi Jesigo ogwa me deli suai dao. Te gesi ogwa bidigo agai te musik elibo mu koneai. Tama aga te wiegi yai hwįbo bomai bidi da. Tama aga te wiegi yai po weyu, tama tonobo sawi yai bidi mu. Tama Genuai Bidi me aga dali bidibo dao,” wali.

1 Samuel 18:14

Tiali goli, Genuai Bidi aga dali bidiyu, tama aga tau siyu, tama tigidali sę agai ebo te wiegi yai naga pedelali.

1 Samuel 18:28

Megi da, Solgo te tiwai bugagia koneani, Genuai Bidi te Devit dali bidibaso, tama te Mikalgo me Devit godolo homu mu yai dao.

1 Samuel 3:19

Tama bidu, nosali Samuel genuai bidi pedelama, tama God Genuai Bidi aga dali bidai. Tama teyu, Samuelgo te magi nai me deli pedelaibao po obaso da, teda Genuai Bidigo te Samuelgo wali po gilama te sę pedalu yai.