Tigidali Nai Gagalama Nigali Side 3:10 - Godigo dwagi yai po buku

¹⁰ Tama bidigo po wei ponoyu, te po wai, “Eno odali, nage te gide bilibo odoyu, tama ena bolu olo elalubaso, ena nagede wi eyu, geme duala siyu yali,” te po wai.

Tigidali Nai Gagalama Nigali Side 3:10 Iomraidhean Croise

Tigidali Nai Gagalama Nigali Side 2:25

Bidi de we si te augwali si tigi gudubo bolu meni yai. Tiali goli, augwa si hale me ebeo.

Tigidali Nai Gagalama Nigali Side 3:11

Tama Godigo agabolo hanalu wali, “Dego nagebolo olama, nage bolu olo elalubo po waliwe? Te nago eno nagebolo habu selali nedu du te nago tuai dawe?”

Tigidali Nai Gagalama Nigali Side 3:7

Tama polo mu augwa si sulama koneai, te augwali si tigi mesegelisiąma, te bolu olo elaluali. Tama augwali sigo te ni kaya yabe dabe hobolama, tama augwa si te ugwa tiwai ilama, gudali.

Jopgo Po Asęani Elalubo Buku 23:15

Tama tiyu yaide, ena aga gesabidide mu bidibao, tama ena agade wi mu ebao. Eno agai ebo kolesaga kone palama, eno dili didibili mu ebo.

Jopgo Po Asęani Elalubo Buku 31:33

Te bidi mebago augwa dwai sę elama, augwa ma dualobo dao. Tama eno me ena dwai sę elama, ena yali dwai sę dualai tigi sogo da, teda ena bede ena geme dulaluama, tama ena abagibolo po wagi menio. Te tama tibogo, ena bulude we bidide wi ebo ąǫ igi dao. Tiyu, augwaligo eno yali dwai sę sulama, ena posobo po olama, ena doligi dao. Tiali goli, eno dwai sę me ebe. Eno dualabo dwai sę menio.” Jopgo te po wai.

Godigo Nogi Ugwaba Sabo Tęąbi Po Wabo Buku Dabe 119:120

Ena nagede wi mu elama, tama ena didibili ebao. Eno nago po tų ebode homu kone palama, te wi ebo dao.

Ma Dobola Sali 20:18

Te we bidi augwaligo te pǫ kulukulu wabo, me te bu wabo nai biugel gela wabo me odai. Tama augwaligo te be sele te pǫ ula ebo ugwaba peyu, eda asiyu eyu, tama genuai hano te bulu dude pedalobo sulama, tama augwali wi mu yai. Tama augwali kilasa ma pelama, te bulu du digibulu gana dolalugi pai.

Ma Dobola Sali 20:19

Tama augwaligo Mosesbolo te po wai, “Nago digi te po dabolo wabo, te dago te po odaibao. Tiyu Godigo po dabolo wabo si, te da isidalio,” wali.

Ma Dobola Sali 3:6

Tama ena te nago wąį dabego God dao. Ena te Abraham, me Aisak, me Jekop, te bagego God dao.” Mosesgo te po odolama, aga gesabi halua sali, magi basowe, agai te God subo wi ebaso, tiwai dao.

Ma Dobola Sali 32:25

Mosesgo koneani, te we bidi augwaligo dwai kolesaga subigila emainogo yali, tama Arongo augwali dąų wabo usu ebeo, te homu yali. Tama agai te homu yai, tiyu augwa boi bidi dabego augwali sulama, tama posobo po me gisugu maidali, te homu yai.

Aisaia 33:14

Te Saionde te dwai kolesaga ebo we bidi augwali wi elama, noma sali. Tama augwaligo e tama po obao, “Genuai Bidigo sębę da, te da te bomai isi tigidali sogo dabo isi tiwai, tama tigidali nai dabe dela silibo tiwai dao. Te da tomode de mu te isi dali bidaibawe?”

Aisaia 47:3

Te bidi dabego nago ugwa peda sąnama, te nago habu olo elalueibao. Te eno nageba dwai dene wei ponabo sę mu ebaso, te mena bidigo ena me togologobeo,” te po wali.

Aisaia 57:11

“Dage dede mu wi elama, te dagego ena ili po ola mayu, te ena tudiba munama, te ena homu kone mu gegeda palobawe? Te bobobage sogo eno dageba wado po wabe, tama tiyu dagego enaba wi ebeo.

Bomai Po 5:25

Tiali goli, God dago Genuai Bidigo da dali po ma wabo dago ma odiyu da, teda da isaibao. Te dwai isigo mu da dolaibao. Te magi baso mu megi da isaibawe?

1 Jon 3:20

Magi baso meni. Dago homude te dena homugo da dali po tų ebaso da, teda dago koneani, te God agai dago homu kolesaga aiyaba elalubo dao, tama agai homu kolesaga genuai ugwanu mu ela holai elalubogo, tama agai tigidali nai mu konebo dao.

Kraisgo Geme Dualali Sę Pedelabo Po Jonbolo Ola Mani 16:15

(Genuai Bidigo te po wai, “Te po odao. Te ena dageba asabo sogo te ena te nai wi sainogo asobo bidi tiwai geme polo pedalaibao. Tama niwai bidi aga te godege pisąyu da, tama aga ugwa bugagia guduyu, tama aga tigi olo bilisiąyu da, te bidi dabego aga suali te hale me isiąwai, teda te bidi aga homu wiegi yai mu yaibao, te ena asabo sogode.”)